Isaias 25:6 - Maung A Balita Biblia

⁶ Diad Palandey na Sion say Katawan a Makapanyarin-amin et mangiparaan na baleg a ponsia a para saray bansa ed intiron mundo—sakey a ponsian sankananaman iray kakanen tan sankaabigan iray alak ya isaklang.

Maung a Balita Biblia

⁶ Diad Palandey na Sion say Katawan a Makapanyarin-amin et mangiparaan na baleg a ponsia a para saray bansa ed intiron mundosakey a ponsian sankananaman iray kakanen tan sankaabigan iray alak ya isaklang.

Isaias 25:6 Iomraidhean Croise

Saray Salmo 36:8

Panliliketan miy ag nasabsabaan a kakanen ya iiter mo; paniinomen mo kamid ilog na kaabigan mo.

Saray Salmo 63:5

Mampista so kamarerwak et napenek, tan ikantak iray magayagan kanta a pangidayew kod sika.

Saray Salmo 78:68

Ingen pinili toy tribu nen Juda tan say Palandey na Sion ya inararo to.

Kanta nen Solomon 1:2

Siak komun so angub-anguban mo na bibil mo; masamit nen say alak so panangarom.

Kanta nen Solomon 1:4

Ala mo ak, ta ombatik ita; sika so arik tan iyakar mo ak ed kuartom. Manliket itan dua, penepeneken tay sikaton dili ed panangaro a singa pampera na sakey a too ed alak. Ag pankelawan ya inaro ka na amin a bibii!

Kanta nen Solomon 5:1

Linmoob ak la ed tanamanan ko, O inarok, O nobiak. Manaala ak na saray tanaman kon balsamo tan mira; manaakan ak na dilok ed obung na bayaung; oniinom ak na alak ko tan say gatas ko. Mangan tan inom kayo, sikayo ran manangaro, anggad nabuek kayo na aro!

Isaias 1:19

No onuren yo ak, kanen yo ray maabig a bengatlan bungay dalin.

Isaias 25:10

Iyagel na Katawan so Palandey na Sion, balet nigatin iray totoo ed Moab a singa kigatin na dayami ed tai na ayep.

Isaias 56:7

“Iyakar ta kayod Sion, say masanton palandey ko, panliketen ta kayo ed dalem na abung kon panagpikasian, tan awaten ko ray bagat ya isaklang yod altar ko. Natawag so Timplok ya abung na panagpikasian na saray totoo ed amin a bansa.”

Jeremias 48:11

Say Katawan inkuanto, “Arawi lawas ed kaatapan so Moab, tan ag balut nibantak ed arum a bansa. Say Moab et singa alak ya ag nagagalaw ed akapanginan tan ag balut nibabales-bales ed nandodoman pasig. Ag balut aderal so taway to tan ag naomay samit na taway to.

Daniel 7:14

Naitdan imay too na pakaoley, kagalangan, tan pakayari na ari, pian makapanlingkur ed sikato iray totoo ed amin a bansa ya anggan antoy kolor na baog da tan salita ra. Mansiansia so pakaoley to, tan ag mangangga so panarian to.

Zacarias 8:3

Ompawil ak ed Jerusalem a masanton siudad ko, tan manayam ak diman. Natawag iman a pasen a matoor a siudad tan say palandey na Katawan a Makapanyarin-amin et natawag na masanton palandey.

Mateo 26:29

Kuankod sikayo ya ag ko lan balut oninom na sayan tabul na ubas ya anggad agew na iyinom koy balon tabul na ubas ed Panarian na Amak a kaiba ta kayo.”

Mateo 8:11

Tandaan yo ya! Amayamay iray manlapud bokig tan sagur a mirongod kindi Abraham, Isaac, tan Jacob ed Panariay tawen.

Marcos 16:15

Inkuantod sikara, “Laka kayod intiron mundo tan ipulong yoy Maung a Balita ed amin a pinalsa.

Lucas 22:30

pian mangan tan oninom kayo ed lamisaan ko diad Panarian ko, tan onyorung kayo met ed saray trono a manintinsia ed saray labinduan tribu na Israel.”

Lucas 5:39

Tan anggapoy malabay ya oninom na balon alak no atawayan to lay daan, ta ikuanto, ‘Magmaung niy daan ya alak!’”

Saray Hebreo 12:22

Balet say sininggeran yo say Palandey na Sion tan say siudad na Dios a mabilay, say mangatatawen a Jerusalem, a kawalaay libo-libo ran anghil.

Puyan 19:9

Insan inkuanto may anghil ed siak; “Isulat mo: Maliket iray inimbitaan ed ponsiay bansal na Kordiro.” Inkuanto ni, “Sikara yay tuan salitay Dios.”