Isaias 25:4 - Maung A Balita Biblia

⁴ Sinmingger ed sika iray mairap-bilay tan saray walad pankaukolan, et niarawi rad kaatapan ed panaoy gunigon. Iitdan mo ray salimbeng no panaoy bagyo tan say siruman no mapalaloy petang. Saray maruksan totoo ondodogpa ran singa bagyo no panaoy ambetel,

Maung a Balita Biblia

⁴ Sinmingger ed sika iray mairap-bilay tan saray walad pankaukolan, et niarawi rad kaatapan ed panaoy gunigon. Iitdan mo ray salimbeng no panaoy bagyo tan say siruman no mapalaloy petang. Saray maruksan totoo ondodogpa ran singa bagyo no panaoy ambetel,

Isaias 25:4 Iomraidhean Croise

Saray Salmo 107:41

Balet inyagel tod kairapan da iray walad pankaukolan tan pinarakel ton singa karniro iray pamilya ra.

Saray Salmo 119:31

Tinombuk ko ray bilibilin mo, Katawan; ag mo ak pa ipepelag ed kababaingan.

Saray Salmo 12:5

Balet kuay Katawan, “Onsingger ak natan, ta napapairap iray mankakaukolan tan mandadageyem ed sakit iray napapasegsegang. Iyarawik irad kaatapan ta sikatoy pampipilalekan da!”

Saray Salmo 121:5

Bantayan ka na Katawan; walad abay mo a mangyagel ed sika.

Saray Salmo 35:10

Diad intiron pusok ibagak ed Katawan, “Anggapoy miparad sika, Iyaagel mo ray makapoy ed saray mabiskeg, saray mairap-bilay ed saray managpairap.”

Saray Salmo 55:8

Aporaen koy mananap na siruman ko, pian naliktaran koy mabiskeg a dagem tan say bagyo.”

Saray Salmo 72:13

Maabagey ed saray makapoy tan saray mairap-bilay; ilalaban toy bilay da ray walad pankaukolan.

Saray Salmo 72:4

Maptek komuy panintinsiay ari ed saray mairap-bilay; tulongan to komun iray walad pankaukolan, tan taloen to ray managpairap ed sikara.

Saray Salmo 9:10

Manmatalek ed sika, Katawan, iray makapikabat ed sika; ag mo ibabatikan iray ondaragod sika.

Saray Salmo 91:1

Siopamay onlan onsalimbeng ed Katawan, siopamay mansiansiad silong na panangyagel na Makapanyarin-amin,

Isaias 11:4

onung ed kaptekan so panintinsia tod saray mairap-bilay, tan iyagel to ray katonungan da ray pakaskasi. Diad ganggan to nadusa ray katoowan, tan ompatey iray totoon maoges.

Isaias 14:32

Antoy iyebat mid saray nibakin nanlapud Filistia? Ibaga mid sikara ya inletneg na Katawan so Sion tan saray maniirap a totoo to et makalmo rad man na salimbeng.

Isaias 16:3

Kuandad saray totood Juda, “Ibaga yod sikamiy gawaen mi. Iyagel yo kami pa; magmaliw kayo pan singa kiew a mangilaknab na anino tod kapetapetangay agew tan pampainawa yo kami pad sirum yo. Ibabatikan mi ray kalaban; iyamut yo kami pad pasen ya ag da kami naalmo.

Isaias 17:10

Totood Israel, alingwanan yoy Dios ya angilaban ed sikayo, ya aliling toy baleg a baton-dampay ya angyagel ed sikayo. Nanggagawa kayo la laingen na saray masanton tanamanan ya angigalangan yod dios na arum a bansa.

Isaias 27:5

Balet no saray kalaban na saray totook et pilalek dan iyagel ko ra, pikaaro yo rad siak. On, pikaaro yo rad siak.”

Isaias 28:6

Itdan to na maung a pakatalus ed katonungan iray huis, tan biskeg na linawa iray mangyaagel ed saray puirta na siudad pian ag nadogpaan na saray kalaban.

Isaias 29:19

Saray duruka tan mapaabeban totoo et narumog da lamet so liket ya iiter na Katawan a masanton Dios na Israel.

Isaias 29:20

Sayan agew balet so anggaan da ray mamapairap ed saray arum a totoo tan mangipapanengneng na ag da pangingalngalep ed Dios. Naderal ya amin iray makasalanan.

Isaias 29:5

Jerusalem, amin da ray taga arum a bansan ondodogpad sika et singa ra dabuk ya ontikyab ed arawi, tan saray makapataktakot a sondalo ra et ontikyab iran singa taep. Insan diad ag iilaloan tan bigla-biglan nagawa,

Isaias 32:2

Balang sakey ed sikara et magmaliw a singa sakey a salimbeng no panaoy maragem tan sakey a pasen ya amutan no walay bagyo. Magmaliw iran singa kolus a managagos ed sakey ya amagamagan pasen, tan sakey a sirum ed petek na balbaleg a bato ed kinmelang a dalin.

Isaias 33:16

Diad satan niarawi kayod kaatapan ya aliling yoy walad dalem na tirinsira. Nawalaan kayoy kanen tan inomen.

Isaias 33:2

Katawan, kasian mo kami pa. Sikay nanilaloan mi. Iyagel mo kami pa ya inagew-agew tan ilaban mo kami ed saray panaon na gunigon.

Isaias 37:36

Diad saman a labi linmad kampo na saray taga Asiria so sakey ya anghil na Katawan tan pinatey toy sanlasus tan walomplo tan liman libon sondalo. Diad palbangon ed ontombuk ya agew kibalatar irad man ya inaatey!

Isaias 49:25

Say Katawan kuanto, “Ontan so nagawa. Nibatik iray priso na sondalo tan naala so asamsam na maruksan too. Labanan koy siopaman ya onlaban ed sikayo, tan iyagel ko ray anak yo.

Isaias 57:13

No onkerew kayoy tulong, pailaban kayod saratay talintaoy diriyos yo. Diad sakey a siplug na dagem, nibantak ira! Balet saray manmamatalek ed siak et nakayaryan day dalin tan igalang da ak ed Timplok.”

Isaias 66:2

Siak a dili so amalsad sansinakuban. Maliket ak ed saray mapaabeba tan magbabawi, saray walay takot tan mangoonur ed siak.

Isaias 8:14

Lapud ontan lan kinasantok singa ak sakey a baton pakapatakbaan na saray totoo; singa ak patit a pakaerelan ed saray totoon kabyangan na saray nanarian na Juda tan Israel tan saray totood Jerusalem.

Jeremias 16:19

Katawan, sika so mangyaagel ed siak, tan mangiiter na biskeg ko; tutulongan mo ak no panaon na gunigon. Onlad sika ray bansan nanlapud nandoroman sokung na mundo tan ikuanda, “Tila-tilan diriyos labat so walad saray lalaki mi; anggapo lay arum no ag ta saray andi-kakanaan a talintaoy diriyos.

Ezekiel 38:9

Sikato tan saray amayamay a sondalo to a pati saray amayamay a bansa et dogpaan dan singa ra kaloreman ya onlaknab ed saman a dalin.”

Sofonias 3:12

Mangikera ak diman na mapaabeba ran totoo ya onsingger iran onkerew ed siak na tulong.

Santiago 2:5

Dengel kayo, inararok iran agagi! Ag ta say Dios pinili to ray mairap-bilay ed tapew na dalin ya onyaman ed pananisia tan manawir ed Panarian ya insipan tod saray mangaarod sikato?