Isaias 25:2 - Maung A Balita Biblia

² Impagmaliw mon deral-deral iray siudad tan inggegebam iray padir da. Saray palasion impaalagey na saray kalaban mi et anggad angga la ran naandipat.

Maung a Balita Biblia

² Impagmaliw mon deral-deral iray siudad tan inggegebam iray padir da. Saray palasion impaalagey na saray kalaban mi et anggad angga la ran naandipat.

Isaias 25:2 Iomraidhean Croise

Say Libro nen Job 12:14

No amagbag so Dios, siopay makapangipaalagey, tan siopay makapangibolus ed toon ikolung to?

Isaias 13:20

Anggapon balut ed satan so malabay a manayam diman. Saray Arabe ag da la labay so mangipaalagey na tulda rad man, tan anggapo lay pumapastol a mampastol na saray karniro tod man.

Isaias 13:21

Magmaliw a pasen a saray ayep ed katakelan labat so manayam tan panobungan na saray kulayot. Panayaman na saray abistrus, tan pambatikbatikan na saray kanding ed katakelan iray aderal-deral.

Isaias 13:22

Saray hayina tan saray asod katakelan et mandangul-dangul irad saray tori tan saray palasio. Sinmabi lay agew na pakaderal na Babilonia. Ngalngali la mangangga ray agew to.”

Isaias 14:23

Pagmaliwen kon lonek so Babilonia tan panayaman na saray kulayot. Panisan koy Babilonia tan ikanak so panis a mangibantak ed amiamin a bengatla. Siak, say Katawan a Makapanyarin-amin, so nansalita.”

Isaias 17:1

Sikato yay propisiya a nipaakar ed Damasco. Inkuan na Katawan, “Magmaliw ya aliwa lan siudad so Damasco; magmaliw labat lan bonbontun na deral-deral.

Isaias 17:3

Naekal iray tirinsira na Israel, tan naoleyan na arum a bansa so Damasco. Napelag ed kababaingan a singa saray totood Israel iray taga Siria a makapaliis ed patey. Siak, say Katawan a Makapanyarin-amin, so nansalita.”

Isaias 21:9

Kabebekta nitan la ray lalaki, akakabayo ra tan sanderwa ran nanoolup. Imbawag na samay guardia, “Atalo lay Babilonia! Walad dalin tan atemektemek iray amin a talintaoy diriyos a gagalangen da.”

Isaias 23:11

Inyonat la na Katawan so lima tod tapew na dayat tan tinatalo to ray nanarian. Ingganggan to a deralen dad Fenicia iray pasen a kawalaay ankakabaleg a nigosio.

Isaias 23:13

Saray taga Babilonia, aliwan saray taga Asiria, so angibolus ed saray ayayep ed katakelan a nandederal ed Tiro. Saray taga Babilonia so angipaalagey na saray torin panaglakob ed siudad na Tiro, inggegeba ray padir to, tan tinaynan dan aderal-deral).

Isaias 24:10

Magolo-golo lay siudad tan saray totoo et kakapotan day sikaran dili ed abung da, pian niarawi rad kaatapan.

Isaias 25:12

Deralen na Katawan iray tirinsira tan saray atatagey a padir na Moab tan igeba to rad dabuk.

Isaias 26:5

Pinaabeba to ray mapaatagey nen saman; dinederal toy mabiskeg a siudad a nanayaman da, tan inggegeba tod dabuk iray padir to.

Isaias 27:10

Aderal-deral so siudad ya aliber na padir. Ataynan a singa kalawakan ya anggapoy onkitakitaw. Nagmaliw a pastolan na saray baka, a pakapampainawaan tan pakapankabkaban da.

Isaias 32:14

Nataynan so anggan palasio tan magmaliw a sigput a begtebegtew so anggan manonan siudad. Naderal ed ando lan ando iray kaabungan tan saray torin panagguardiaan. Manakar-akar diman iray asnod katakelan, tan mankabkab irad may karniro.

Isaias 32:19

Balet onuran na kristal ed saray katakelan, tan nageba so siudad.)

Isaias 34:13

Saray masabit a tanaman et ontubo rad saray palasio tan saray baley ya aliber na padir, tan panayaman ira na saray asod katakelan tan saray kulayot.

Isaias 37:26

“Ag mo ta ni nadngelan ya abayag ko la yan ginetma? Sinumpal ko la ra ya natan. Initdan ta kay pakayarin napagmaliw mon bunton na deral-deral iray siudad ya aliber na padir.

Jeremias 51:26

Anggapoy baton naalad saray deral-deral mo a nikanad paalagey. Magmaliw kan singa andi-anggan andi-kakanaan a pasen. Siak, say Katawan, so nansalita.

Jeremias 9:11

Say Katawan kuanto, “Gawaen kon bunton na deral-deral so Jerusalem, sakey a pasen a panayaman da ray asod katakelan; magmaliw a kalawakan iray siudad na Juda, tan sakey a pasen ya ag panayaman na totoo.”

Deuteronomio 13:16

Pantitipon yon ibunton ed plasa iray amin a kayaryan na saray totoon manaayam diman. Insan yo poolan so baley tan amin a logan to a sikatoy sakey a bagat ed Katawan a Dios yo. Nepeg a satan a baley et paolyan ya aderal-deral ya anggad angga tan ag lan balut pasimbaloen ya ipaalagey.

Puyan 18:19

Ininan day dapul so olo ra, mannangnangis tan maerermen ira tan inkuanda, “Makapataktakot! Makapasinagem so agawad makapanyarin siudad! Minmayaman ya amin iray walay barko ra, lapud kayamanan to. Balet diad loob na sakey oras, naandipat to yan amin!”