Isaias 24:6 - Maung A Balita Biblia

⁶ Lapud saya, insamba na Dios so dalin. Babayaran na saray totoo so ginagawa ra. Mandaiset lan mandaiset so nakekeraan a mabilay.

Maung a Balita Biblia

⁶ Lapud saya, insamba na Dios so dalin. Babayaran na saray totoo so ginagawa ra. Mandaiset lan mandaiset so nakekeraan a mabilay.

Isaias 24:6 Iomraidhean Croise

2 Saray Arari 24:12

insan sinmukod saray taga Babilonia si Ari Joakin, si ina to, saray anak ton lalaki, saray opisyal to, tan saray opisyal na palasio.

2 Saray Arari 25:12

Balet intilak tod Juda so pigaran totoon sankamairapay bilay tan anggapoy kayaryan, insan impankimey to rad kaubasan tan diad kaalogan.

Isaias 1:31

No panon a napadalang na anggan melmelag ya apoy so amagan dayami, ontan met a naderal iray makapanyarin totoo diad panamegley na saray dilin maoges a gawgawa ra tan anggapoy makapatonda na kaderal da.

Isaias 1:9

No ag labat inyabuloy na Katawan a Makapanyarin-amin a niagel iray pigaran totoo to, sigput komun ya aderal so Jerusalem, a singa inkaderal na Sodoma tan Gomorra.

Isaias 34:5

Say Katawan imparaan tod tawen so ispada to, tan natan nitipas ed Edom, diad saray totoon sinintinsiaan ton ompatey.

Isaias 43:28

tan saray manoley mo impagmaliw dan andi-kakanaan a pasen so santuariok. Lapud saya dineral koy Israel; inyabuloy kon napabaingan iray dilin totook.”

Isaias 5:24

Kanyan natan, no panon a napoolan so dayami tan amagan dika, ontan met a naboluk iray lamut yo tan namagaan iray rosas yo, insan ira itikyab na dagem, lapud impolisay yoy imbangat ed sikatayo na Katawan a Makapanyarin-amin a masanton Dios na Israel.

Isaias 9:19

Lapud pasnuk na Katawan a Makapanyarin-amin, say pananusa to et ondadalang a singa pool ed intiron dalin tan papateyen to ray totoo, tan balang sakey iyaagel toy sikaton dili.

Jeremias 12:4

Kapigay itonda na sayan inkamagaay dalin mi, tan say inkalenes na karikaan ed kaalogan? Ompapatey iray ayayep tan saray manok, lapud kaogsan na saray totoon manaayam ed sayan dalin, ya ibabaga ra, ‘Ag nanenengneng na Dios so gagawaen mi.’”

Ezekiel 5:3

Mangala kay daiset ed sarayan buek, insan mo ibalkut ed saloy na kawes mo.

Levitico 26:22

Mangibaki ak ed sikayo na saray masebeg ya ayayep ed takel, tan pateyen da ray anak yo, deralen da ray baka yo, tan lapud dagdaiset ed sikayo so ikera ra magmaliw a begtebegtew iray dalan yo.

Malakias 2:2

Nepeg yo ak a pagalangan diad panamegley na gagawaen yo. No ag yo dengelen so ibabagak ed sikayo, isamba ta kayo. Isambak iray bengatlan panlalapwan na pambilay yo. Diad tuay tua insambak la ra, lapud leleglemewen yoy ganggan ko.

Malakias 3:9

Nisasamba kayon amin, lapud tatakewan ak na intiron bansa.

Malakias 4:1

Say Katawan kuanto, “Onsabiy agew a napoolan a singa dayami iray mapaatagey tan maoges a totoo. Diad satan ya agew napoolan ira tan anggapoy nakeraan ed sikara.

Malakias 4:6

Pankakasakeyen to lamet iray ama tan saray anak; ta no andi nepeg ya onsabi ak a maneral na bansa yo.”

Mateo 27:25

Inmebat iray totoo, “Sikami tan saray anak mi so onebat ed ipatey to!”

Mateo 7:14

Balet mainget so puirta tan mairap so dalan a mamaarap ed bilay, tan dagdaiset iray makakalmod sayan dalan.”

Saray Taga Roma 9:27

Onya met so imbawag nen Isaias nipaakar ed Israel: “Anggan magmaliw a singa karakel na buer ed dayat so bilang da ray totood Israel, daiset ed sikara so nilaban.

Deuteronomio 28:62

Anggaman a magmaliw kayo a singa karakel na bitewen ed tawen, dagdaiset labat so natilak ed sikayon mabilay, lapud ag yo inonur so Katawan a Dios yo.

Deuteronomio 4:27

Say Katawan itaytayak to kayo ed saray arum a bansa tan pigpigarad sikayo so makapaliis ed patey.

2 Pedro 3:10

Balet onsabin singa sakey a matakew so Agew na Katawan. Diad satan ya Agew, naandipat iray katawenan a katekep na makmaknul ya ungol. Napoolan tan natonaw iray bitewen, say agew, tan say bulan; naandipat so mundo, pati amin a logan to.