Isaias 24:3 - Maung A Balita Biblia

³ Nagaygay so dalin tan naderal-deral. Nansalita so Katawan tan nagaway imbaga to.

Maung a Balita Biblia

³ Nagaygay so dalin tan naderal-deral. Nansalita so Katawan tan nagaway imbaga to.

Isaias 24:3 Iomraidhean Croise

2 Saray Awaran 36:21

Sikato yay impakasumpal na samay impasakbay na Katawan diad panamegley nen propita Jeremias: “Magmaliw ya andi-kabaliksan a pitomploy taon so dalin, pian nasalatan iray ag angilinan ya Agew na Panagpainawa.”

Isaias 21:17

Dagdaiset so natilak a mabilay ed saray masesebeg a pumapana na Kedar. Siak, say Katawan a Dios na Israel, so nansalita.”

Isaias 22:25

No nagawa la ya, onlokak tan napelag imay panagsabitan a malet a nisegkal. Et sikato la yay pansamput da ra may amin a nisabit.” Say Katawan so nansalita.

Isaias 24:1

Say Katawan deralen toy dalin tan taynan ton begtebegtew. Yesyesen toy tapew na dalin tan ikaykayat to ray totoo to.

Isaias 24:2

Nampaparay pansumpalan na amin a totoo—saray papari tan saray totoo, saray aripen tan saray amo, saray sumasaliw tan saray lumalako, saray managpabayes tan saray bumabayes, saray mayaman tan saray mairap-bilay.

Isaias 24:4

Namamagaan so tapew na dalin tan nalalaylay iray amin a tanaman; onkakapoy so intiron mundo; naboboluk so tawen tan dalin.

Isaias 42:22

Balet natan asamsaman iray totoo to; akolung ira ed dalem na dalin tan niamut irad saray prisowan. Atakewan tan asamsaman ira, balet anggapoy onsingger a mangyagel ed sikara.

Isaias 5:6

Paolyan kon natuboan na saray dika. Ag ko potut-potutay sanga to odino bukalkalen so dalin, no ag ingen paolyan kon kobutan na ambabaing tan arum nin masabit a dika. Iganggan ko ni ingen iray lorem ya ag da terteran na oran.”

Isaias 6:11

Tinepet ko, “Katawan, anggad kapigan ya onyay nagawa?” Inmebat so Katawan, “Anggad aderal-deral tan anggapo la ray totoon manayam ed siudad—anggad anggapo la ray manayam ed saray abung—anggad say dalin et andi-kakanaan lan ataynan.

Jeremias 13:15

Totood Israel, nansalita so Katawan! Mampaabeba kayo tan dengel kayod sikato.

Ezekiel 36:4

Natan sirin dengel yoy ibabagak, siak a Katawan a Dios, ed sikayo ran kapalandeyan tan kapokdulan, sikayo ran kolus tan patar, sikayo ran pasen ya ataynan ya aderal-deral, sikayo ran ataynan tan asamsaman a siudad tan binabalaw na amin da ray kaliber-liber a bansa.

Mikias 2:4

No onsabiy tan a panaon, tongtongen na saray totoo a sakey ya alimbawa so inkaderal yo tan kantaen da yan kanta na ermen a nipaakar ed inkagawa yo: Sigput kamin aderal! Inala na Katawan so dalin mi Tan inter tod saray anakep ed sikami.”

Mikias 4:4

Say balang sakey a too et manayam ed kareenan diad kawalaan da ray kaubasan tan saray kakiewan ton igos, et anggapo lay manaktakot ed sikato. Say Katawan a Makapanyarin-amin so angisipan ed saya.

Deuteronomio 29:23

Saray kaalogan et magmaliw iran andi-kakanaan, atabunan na asumpri tan asin; ag nataneman na anggan dinan a tanaman, tan anggapoy anggan dika ya ontobo. Say dalin yo et magmaliw a singa saray siudad na Sodoma tan Gomorra, singa Adma tan Zeboiim a dinederal ira na Katawan nen mapalaloy pasnuk to.

Deuteronomio 29:28

Nagmaliw a mapalaloy pasnuk na Katawan, tan diad gaway pasnuk to binagut to rad dalin da tan imbantak to rad sananey a dalin, et wadman ira natan.’