Isaias 24:15 - Maung A Balita Biblia

¹⁵ tan saray walad Bokig idayew da. Saray totoon manaayam ed gilig na dayat et idayew day Katawan a Dios na Israel.

Maung a Balita Biblia

¹⁵ tan saray walad Bokig idayew da. Saray totoon manaayam ed gilig na dayat et idayew day Katawan a Dios na Israel.

Isaias 24:15 Iomraidhean Croise

Ester 10:1

Pinasoot nen Ari Asuero ya impanbayar na buis iray totoon manaayam ed gilig na dayat tan saray manaayam ed bandad loob na impirio to.

Isaias 12:4

Onsabiy agew a saray totoo ikanta ra, “Misalamat kayod Katawan! Kerew kayod sikaton tulongan to kayo! Ibaga yod amin a bansa iray ginagawa to! Ibaga yod sikara ya ontan lay inkatalonggaring to!

Isaias 25:3

Saray totood makapanyarin bansa et idayew da ka; takotan ka na saray totoo ed saray siudad da ray maruksan bansa.

Isaias 26:8

Oonuren miy linawam tan manmamatalek kamid sika; sika labat so pampilpilalekan mi.

Isaias 41:5

“Saray totood saray arawin dalin anengneng day ginagawak; manggiwgiw irad takot da. Kanyan nantitipon iran amin tan dinmago ra.

Isaias 42:10

Mankanta kayoy balon kanta ed Katawan; ikantam so dayew to, o intiron mundo. Idayew yo, sikayon mambiabiahid dayat; idayew yo, amin yon pinalsa a walad dayat! Mankanta kayo, sikayo ran arawin dalin tan amin yon manaayam ditan!

Isaias 42:12

Saray manaayam ed arawin dalin et idayew tan igalang da komun so Katawan.

Isaias 42:4

Ag naekalan na ilalo odino biskeg na linawa; iletneg tod mundo so inkatonung. Pampilalekan ya aalagaren na saray ararawin bansa so bangat to.”

Isaias 49:1

Dengel kayod siak, sikayon arawin bansa, sikayon totoon manaayam ed arawin lugar! Kasakbayan na inkianak ko, pinili ak la na Katawan tan tinoro to ak a magmaliw ya aripen to.

Isaias 51:5

Masiglat ak ya onsabi ta ilaban ko ra; asingger lay agew na panalok; Siak a dili so manoley ed saray bansa. Saray arawin dalin aalagaren da ak ya onsabi: siilalo ran manaalagar ed siak a mangilaban ed sikara.

Isaias 60:9

Bapor iran manlalapud arawi ran bansa, Sankaawit da ray onsempet lan totoo na Dios. Sankaawit na saray totoo so balituk tan pilak A pamagalang ed ngaran na Katawan, Say masanton Dios na Israel, Ya impagmaliw ton galangen na amin a bansa iray totoo to.

Isaias 66:19

tan nakabatan da a siak so manudusad sikara. “Balet mangikera ak na pigarad sikara tan ibakik irad saray bansa tan diad saray ararawin dalin ya ag da ni nadngel so inkabantug ko odino anengneng so inkatalonggaring ko tan pakayarik: diad Espanya, Libia, tan Lidia a pati saray marunong a pumapana to, tan diad Tubal tan Grecia. Diad sarayan bansa ibawag day inkatalonggaring ko.

Sofonias 2:11

Taktakoten ira na Katawan. Pagmaliwen ton andi-kakanaan iray diriyos ed tapew na dalin, et balang bansa galangen toy Katawan diad dilin dalin to.

Malakias 1:11

Igagalang ak na amin a totoo ed amin a sukong na mundo. Inerman a pasen saray totoo mamopool ira na insinso a para siak tan mangisasaklang ira na makapaliket a bagat. Igagalang da ak ya amin!

Saray Gawgawa 16:25

Nen mamepegley lay labi, si Pablo tan si Silas mampipikasi ra tan kakantaan da na saray imno so Dios. Onderengel iray arum a priso.

2 TESALONICA 1:12

Diad ontan, napagalangan yoy ngaran na Katawan tayon Jesus, tan napagalangan to ki met onung ed baleg a panangaroy Dios tayo tan say Katawan a Jesu-Cristo.

1 Pedro 1:7

Say balituk a naderal, iparalad apoy pian naamtaan no tuan puro. Ontan met, say pananisia yo a maung nen say balituk, nasubok pian naamtaan no tuan malet. Diad ontan napagalangan, nadayew, tan nitanduro kayo no Agew a nipanengneng si Jesu-Cristo.

1 Pedro 3:15

Pagalangan yod puso yo si Criston Katawan. Nepeg a sipaparaan kayon onebat ed siopaman a manepet no akin et walay ilalo yo.