Isaias 24:13 - Maung A Balita Biblia

¹³ Onyay nagawad balang bansa ed intiron mundo. Say nagawa et singa pansamput na borbor na bunga, no apaspas la ray bunga ed amin a kiew na oliba tan aborbor lan amiy bunga na sengeg na ubas.

Maung a Balita Biblia

¹³ Onyay nagawad balang bansa ed intiron mundo. Say nagawa et singa pansamput na borbor na bunga, no apaspas la ray bunga ed amin a kiew na oliba ran aborbor la amiy bunga na sengeg na ubas.

Isaias 24:13 Iomraidhean Croise

Isaias 1:9

No ag labat inyabuloy na Katawan a Makapanyarin-amin a niagel iray pigaran totoo to, sigput komun ya aderal so Jerusalem, a singa inkaderal na Sodoma tan Gomorra.

Isaias 17:4

Say Katawan inkuanto, “Onsabiy panaon a naekalay kagalangan so Israel, tan nasalatan na inkaduka so kayamanan to.

Isaias 27:12

Diad satan ya agew, manlapud Eufrates ya anggad ketegan na Egipto, say Katawan tiponen ton sansakey iray totoo to, a singa say kibiig na ilik ed apa no iiliken.

Isaias 6:13

Anggaman a natilak ed dalin so kakaplod saray totoo, naderal met iray natilak; singa ra sengeg na kiew a robli a binatang.” (Say sengeg iyaaliling toy balon gapowan na saray totoo na Dios.)

Jeremias 44:28

Balet wala rad sikayoy pigaran makapaliis ed patey tan taynan day Egipto ya ompawil ed Juda. Diad satan saray akapaliis ed patey et naamtaan da no siopay akansalita so tinmua, siak o sikara.

Ezekiel 7:16

Wala ray ombatik ed kapalandeyan tan singa ra malapatin ataktakot a nanlapud saray patar. Amin da pandageyeman da ray kasalanan da.

Levitico 19:9

“No manani kayod saray kaalogan yo, ag yo gagapasen iray walad saray gilig na kaalogan yo tan ag yo la papawilen a tortoren iray atilak-tilak.

Mikias 2:12

“Balet pantitiponen ta kayo, amin yon totood Israel a nakdaan. Tiponen ta kayon singa saray karniron ompapawil ed koral da. Say dalin yo et napano lamet na amayamay a totoo a singa sakey a pastolan a napno na karniro.”

Mikias 7:1

Pakaskasi ak la! Singa ak sakey a toon narasan ya anggapoy narumog ton akeraan a bungay kakiewan tan anggapoy bungay ubas a nakdaan ed saray wakal. Aborbor ya amin iray bungay ubas tan amin a masamit ya igos.

Mateo 24:22

Balet pinaraiset na Dios ira tan ya agew, pian nilaban iray totoon pinili to; ta no andi, anggapo komuy nilaban.

Puyan 3:4

Anggaman ontan, wala ray pigarad sikayo ed Sardis ya ag nandotak na saray kawes da. Kanyan akaampoti ran manakar a kaibak, lapud manepeg ira.