Isaias 23:4 - Maung A Balita Biblia

⁴ Siudad na Sidon, naplag ka lad kababaingan! Inkaindan ka la na tapew tan say kaaralman na dayat a kuanto, “Ag ak balut nananak. Ag ak balut nampabaleg na saray anak a lalaki tan bibii.”

Maung a Balita Biblia

⁴ Siudad na Sidon, naplag ka lad kababaingan! Inkaindan ka la na tapew tan say kaaralman na dayat a kuanto, Ag ak balut nananak. Ag ak balut nampabaleg na saray anak a lalaki tan bibii.

Isaias 23:4 Iomraidhean Croise

Genesis 10:15

Say pangulowan ya anak nen Canaan et si Sidon, tan say kumadwa si Het.

Genesis 10:19

Say nasasakopan dan dalin, manlapud Sidon, et nampaabalaten ya anggad Gerar, diad abay na Gaza, tan nampabokig ya anggad Sodoma, Gomorra, Adma, tan Zeboim, diad abay na Lasa.

Jeremias 27:3

Insan say Katawan imbaga tod siak a paibagak ed saray ararid Edom, Moab, Ammon, Tiro, tan Sidon diad panamegley na saray ibabaki ra a wala ra natan ed Jerusalem, ta mitongtong irad kinen Ari Sedekias.

Ezekiel 28:21

“Sika a toon ompatey, mansalita ka sumpad siudad na Sidon.

Ezekiel 28:22

Ibagam ed saray totood man so ibabagak, siak a Katawan a Dios: Siak so kalaban mo, Sidon; idayew ak na saray totoo lapud gagawaen kod sika. Naamtaan da a siak so Katawan, no ipanengneng koy ontan lan inkasantok diad panusak ed saray totoon manaayam ed sika.

Josue 11:8

Say Katawan impanalo to ray Israelita; dinogpaan da ray kalaban da tan inosilan da ra ya anggad Misrefotmaim tan Sidon diad baybay, tan anggad patar na Mizpa diad bokig. Tinmuloy so bakal ya anggad anggapoy nakdaan a mabilay ed saray kalaban.

Puyan 18:23

Ag ka met lan balut naliwawaay anggan anton silewan; ag lan balut narengel ed sika so maliket a bosis da ray mankasal. Ta nagmaliw a makapanyarid mundo iray nigosiantim tan nilokom iray amin a bansa lapud panagsalamangkam!”

Saray Huis 10:6

Nankasalanan lamet ed Katawan iray Israelita diad impangigagalang dad saray Baal tan diad saray Astarot, ontan met ed saray diriyos na Siria, Sidon, Moab, tan Filistia. Inkaindan day Katawan tan tinondaan day angigalang ed sikato.