Isaias 22:5 - Maung A Balita Biblia

⁵ Sikato yay panaon na gunigon, katalo, tan gewgew ed Patar na Pasingayew, et say Katawan a Dios a Makapanyarin-amin so angyakar na saraya ed sikatayo. Ageba-geba ray padir na siudad tayo, tan makmakbaw ed kapokdulan so tawag na katoowan ya onkekerew na tulong.

Maung a Balita Biblia

⁵ Sikato yay panaon na gunigon, katalo, tan gewgew ed Patar na Pasingayew, et say Katawan a Dios a Makapanyarin-amin so angyakar na saraya ed sikatayo. Ageba-geba ray padir na siudad tayo, tan makmakbaw ed kapokdulan so tawag na katoowan ya onkekerew na tulong.

Isaias 22:5 Iomraidhean Croise

2 Saray Arari 19:3

Saya so impaikuantod kinen Isaias: “Agew natan na kairapan; nadudusa tan napapabaingan itayo. Singa itayo biin asabi lay pananak to, balet et makapkapoy a mangibuknak na ogaw.

2 Saray Arari 25:10

tan ginegeba na saray sondalo to iray padir na siudad.

Ester 3:15

Lapud ganggan na ari nipaamtad saray totood Susa, say manonan siudad imay ganggan. Saray ibabaki impasabi rad saray luyag so balita. Naninoman so ari tan si Haman, legan a nagegewgew so intiron siudad na Susa.

Isaias 10:6

Imbakik so Asiria ya ondogpa ed sakey a bansan anggapoy Dios to, diad saray totoon amapetang na olok. Imbakik iray taga Asiria a mansamsam, mantakew, tan mangigatin-gatin ed saray totoo a singa ra dotak ed saray dalan.”

Isaias 22:1

Sikato yay propisiya a nipaakar ed Patar na Pasingayew. Antoy nagagawa? Akin et mansisilibra ed toktok na kaabungan iray amin a katoowan?

Isaias 25:10

Iyagel na Katawan so Palandey na Sion, balet nigatin iray totoo ed Moab a singa kigatin na dayami ed tai na ayep.

Isaias 37:3

Saya so impaikuantod kinen Isaias: “Agew natan na kairapan; nadudusa tan nipepelag itayod kababaingan. Singa itayo biin asabi lay pananak to, balet ta makapkapoy a mangipaway na ogaw.

Isaias 5:5

“Onya so gawaen kod samay kaubasan ko: Baguten ko ray dikad kaliber-liber to, igebak iray padir a mangyaagel, tan abuloyan ko ray ayayep ed katakelan a mambuwag tan manggatin-gatin ed kaubasan ko.

Isaias 63:3

Say Katawan ebat to, “Ginagatinan kon singa ubas iray bansa, et anggapoy dinmagon tinmulong ed siak. Ginagatinan ko rad pasnuk ko, et awalwalsikan na dala so intiron kawes ko.

Isaias 63:6

Diad pasnuk ko ginagatinan ko ray amin a bansa tan tinetemek ko ra. Imbung kod dalin so dala ra.”

Jeremias 30:7

Onsasabi so sakey a makapataktakot ya agew; anggapoy agew a makapipara ed sikato— sikatoy panaon a kagunigon na saray totook, balet nayarian dan agwantaan.”

Saray Tagleey 1:5

Nampalabo ray kalaban to; sikato lay walad silong na pakayari ra. Paniirapen na Katawan, lapud amin ya amayamay a kasalanan to; Anggan saray ogogaw adakep ira tan sikaray inaawit na kalaban da.

Saray Tagleey 2:2

Andi-panangasi a dineral na Katawan ya amin iray bario na Juda. Diad pasnuk to inggegeba to ray tirinsira na Juda. Impelag tod kababaingan so nanarian tan amin iray manoley to.

Saray Tagleey 2:8

Peteg a ginetma na Katawan a nageba ray padir na Sion; Sinukat to ray padir, pian andi-saew a naderal to ran amin. Aderal-deral lan amin natan iray tori tan saray padir.

Ezekiel 7:7

Onsasabi lay pangangga yon totoo a manaayam ed dalin na Israel. Asingger lay isabi na panaon a gewgew labat so nagawa ed saray paganon panagdayewan ed toktok na palandey; anggapo lad satan so narengel a tanul na panliliket.

Oseas 10:8

Naderal iray altar ed toktok na pokdul na Aven a dimay pangigagalangan na saray totoo ed saray talintaoy diriyos. Natubuan na masabit a tanaman tan dikarika iray altar da. Saray totoo iyeyag dad saray palandey, “Iyamut yo kami!” tan diad saray kapokdulan iyeyag da, “Tabunan yo kami!”

Mikias 7:4

Anggan say sankamaungan tan sankatonungan ed sikara et singa la andi-kakanaan a dika. Sinmabi lay agew a dusaen na Dios iray totoo, onung na pasakbay ed sikara na saray managbantay ed sikara, salanti saray propita. Agolo-golo la ra natan.

Sofonias 1:15

Sakey ya agew na sanuk, agew na gunigon tan kaermenan, agew na deral tan bagbag, agew ya ambilonget tan mayemyem, agew ya andeket tan malorem,

Mateo 24:16

No onya lay nagawa, nakaukolan ya ombatik ed kapalandeyan iray taga Judea.

Lucas 23:30

Diad sarayan agew, saray totoo ikuandad saray palandey, ‘Tumbaan yo kami!’ tan diad saray pokdul. ‘Tabunan yo kami!’