Isaias 22:25 - Maung A Balita Biblia

²⁵ No nagawa la ya, onlokak tan napelag imay panagsabitan a malet a nisegkal. Et sikato la yay pansamput da ra may amin a nisabit.” Say Katawan so nansalita.

Maung a Balita Biblia

²⁵ No nagawa la ya, onlokak tan napelag imay panagsabitan a malet a nisegkal. Et sikato la yay pansamput da ra may amin a nisabit. Say Katawan so nansalita.

Isaias 22:25 Iomraidhean Croise

Saray Salmo 146:3

Ag ka manmamatalek ed saray totoon pangulo; anggapoy toon makapangilaban ed sika.

Saray Salmo 52:5

Kanyan say Dios deralen to ka ya anggad angga; singkaten to ka tan ipaway to kad panaayaman mo; ekalen to kad dalin da ray mabilay.

Isaias 22:23

Malet so pangilirak ed sikato, a singa panagsabitan a nisegkal ed padir, tan sikatoy pakagalangan na amin a kabyangan na pamilya to.

Isaias 22:24

“Balet magmaliw ya ambelat a sakbaten to iray amin a kakanayon to tan saray lelegpeten to. Ombitin irad sikato a singa saray banga tan saray yaung ya akabitin ed panagsabitan!

Isaias 46:11

Tatawagen kon ondago so toon manlapud bokig; onsibar a singa sakey ya agila tan gawaen to so implanok. Nansalita ak, et tuan nagawa so sinalitak.

Isaias 48:15

Siak so nansalita tan anawag ed sikato; inwanwan ko tan impanpalabok.

Jeremias 4:28

Manermen so dalin; ombilonget so tawen. Say Katawan so nansalita tan ag mansalat na kanunotan to. Nanggetma la so Katawan tan ag to la ya babawien.

Ezekiel 5:13

“Nalikna yod satan so biskeg na pasnuk tan sanuk kod sikayo ya anggad siak so napenek. No nagawa ra yan amin, manisia ki la a siak a Katawan so nansalita lapud ampetang so olok ed inkalamang yod siak.

Ezekiel 5:15

“No ampetang so olok tan mapalaloy pasnuk kod sikayo tan dusaen ta kayo, nataktakot ya amin iray bansan walad kaliber-liber yo. Naingungotan iran onnengneng ed sikayo, tan ludlureyen da kayo.

Ezekiel 5:17

Ipadalan koy eras tan mangibaki ak na saray ayayep ed katakelan a mamatey ed saray anak yo, tan mangyakar ak met na sakit, golo, tan bakal a mamatey ed sikayo. Siak, say Katawan, so nansalita.”

Mikias 4:4

Say balang sakey a too et manayam ed kareenan diad kawalaan da ray kaubasan tan saray kakiewan ton igos, et anggapo lay manaktakot ed sikato. Say Katawan a Makapanyarin-amin so angisipan ed saya.