Isaias 22:24 - Maung A Balita Biblia

²⁴ “Balet magmaliw ya ambelat a sakbaten to iray amin a kakanayon to tan saray lelegpeten to. Ombitin irad sikato a singa saray banga tan saray yaung ya akabitin ed panagsabitan!

Maung a Balita Biblia

²⁴ Balet magmaliw ya ambelat a sakbaten to iray amin a kakanayon to tan saray lelegpeten to. Ombitin irad sikato a singa saray banga tan saray yaung ya akabitin ed panagsabitan!

Isaias 22:24 Iomraidhean Croise

Isaias 22:23

Malet so pangilirak ed sikato, a singa panagsabitan a nisegkal ed padir, tan sikatoy pakagalangan na amin a kabyangan na pamilya to.

Isaias 22:25

No nagawa la ya, onlokak tan napelag imay panagsabitan a malet a nisegkal. Et sikato la yay pansamput da ra may amin a nisabit.” Say Katawan so nansalita.

Ezekiel 15:3

Nikana yo ta ed panggawa yo na antokaman so wakal na ubas? Makala kayod wakal na gawaen a pansabitan na bengatla?

Zacarias 6:13

Sikato so mangipaalagey ed Timplo tan awaten to so kagalangan na sakey ya ari tan oleyan to ray totoo to. Manalagey ed abay na trono to so sakey a pari tan mankimey iran dua a mareen tan maliket.’

Mateo 28:18

Inmasingger si Jesus tan inkuantod sikara, “Niiter lad siak so amin a pakayari dimad tawen tan diad dalin.