Isaias 22:13 - Maung A Balita Biblia

¹³ Balet naneelek tan nanliliket kayo la laingen. Nampapatey kayo na saray karniro tan saray baka a kinakakan yo, tan naniinom kayo na alak. Inkuanyo, “Maung la laingen no mangan tan maninom tayo, ta nabwas ompatey itayo.”

Maung a Balita Biblia

¹³ Balet naneelek tan nanliliket kayo la laingen. Nampapatey kayo na saray karniro tan saray baka a kinakakan yo, tan naniinom kayo na alak. Inkuanyo, Maung la laingen no mangan tan maninom tayo, ta nabwas ompatey itayo.

Isaias 22:13 Iomraidhean Croise

Isaias 26:10

Anggaman a mapangasi kad saray totoon maoges, ag dan balut naaralan so manggaway kaptekan. Anggan diad dalin na saray totoon matonung manggagawa ran siansiay kaogsan; ag da labay a birbiren so inkatalonggaring mo.

Isaias 29:1

Say altar na Dios, say dilin Jerusalem et pangaskasiyay kipapasen to! Kaskasian so siudad a nankampoan nen David! Palabasen niy sakey o duaran taon, a pati saray pista to,

Isaias 47:8

“Dengel ka, sikan maarod like-liket, sika ya abaloan mon arawi kad kaatapan. Ipapasen moy sikan dili a matalonggaring a singa Dios— ya anggapoy miparad sika. Abaloan mo ya ag kan balut nabalo odino nasalim so nabalangan na anak.

Isaias 5:11

Pakaskasi kayo la! Masaksakbay kayo ya ombabangon a maninom, tan abuek kayo ya anggad aralem lay labi.

Isaias 5:12

Diad saray pista yo wala ray arpa, pandirita, tan plauta tan alak. Balet ag yo natatalusan so gagawaen na Katawan.

Isaias 5:22

Pakaskasi kayo la! Sarag yon tuay maninom na alak! Masebeg tan anggapoy takot yo no nipaakar ed pantimplay alak!

Isaias 56:12

Sarayan bueken kuanda, ‘Mangala tayoy alak tan maninom tayoy laba-labay tayo! Nabwas lalon maliket tayo, ta dakel niy alak a nainom tayo nen say natan.’”

Isaias 58:3

Tepet na saray totoo, “Akin et manayuno kami no ag lamlamang imanoen na Katawan so panayuno mi? Akin et manayuno kami anta ag met lamlamang imanoen na Katawan so ag mi pangan?” Say Katawan kuantod sikara, “Say katwaan to ibabansag yod panagayuno yo so panggagawa yoy pankaabigan yon dili tan say pamapairap yod saray kumikimey yo.

Ezekiel 16:49

Say Sodoma tan saray anak ton bibii et mapasirayew ira lapud daakan so tagano ra nen saman tan nambibilay iran mareen, balet ag da inaasikaso iray mairap-bilay tan saray walad pankaukolan.

Oseas 9:1

Totood Israel, tondaan yo ray pansisilibra yod saray pista yo a singa saray pagano. Inkaindan yoy Dios yo tan nagmaliw kayon aliwan matoor ed sikato. Diad nandoroman pasen inlalako yoy sikayon dili a singa saray marotak a bibii ed dios a Baal tan labalabay yo ray trigon abaloan yon imbayar tod sikayo.

1 CORINTO 15:32

No say getmay too labat so makasengeg na impilaban ko diad Efeso, a singa ak milalaban ed masebesebeg iran ayayep, antoy nagunggonak? No ag met lamlamang naolid bilay iray inaatey, lalon maung nin onuren tayo may kuanda, “Mangan tan oninom itayo, ta nabwas ompatey itayo.”

Santiago 5:5

Nanlikeliket tan nanggaygayaga kayo diad tapew na dalin. Pinataba yo ray laman yon singa ra ayayep a pateyen ed niganan agew.