Isaias 21:9 - Maung A Balita Biblia

⁹ Kabebekta nitan la ray lalaki, akakabayo ra tan sanderwa ran nanoolup. Imbawag na samay guardia, “Atalo lay Babilonia! Walad dalin tan atemektemek iray amin a talintaoy diriyos a gagalangen da.”

Maung a Balita Biblia

⁹ Kabebekta nitan la ray lalaki, akakabayo ra tan sanderwa ran nanoolup. Imbawag na samay guardia, Atalo lay Babilonia! Walad dalin tan atemektemek iray amin a talintaoy diriyos a gagalangen da.

Isaias 21:9 Iomraidhean Croise

Isaias 13:19

Say Babilonia et sankarakepan ed amin da ray nanarian; ikikinon na saray totoo to. Balet siak a Katawan, temeken ko a singa samay ginawak ed Sodoma tan Gomorra!

Isaias 14:4

No gawaen ya na Katawan, nepeg dan ludlureyen so ari na Babilonia tan ikuanda: “Atalo la so maruksan ari! Ag to lan balut mampairap na siopaman!

Isaias 21:7

No nanenengneng to ray onsasabin lalaki ya akakabayo a manoolup so kapag duara, tan saray lalakin akalogan ed asno tan kamilyo, nepeg to ran imanoen a maung.”

Isaias 47:5

Say Katawan kuantod Babilonia, “Yorung kan andi eseesel tan dia kad ambilonget a pasen; ag da ka la tawagen a riyna na saray bansa!

Isaias 47:9

Balet diad sakey a bekta, diad sakey ya agew, nagawa ra yan dua ed sika. Anggan antoy panggawam na amin a salamangka, nabalang moy asawam tan saray anak mo.

Isaias 48:14

“Mantitipon kayo, amin yo, tan dengel yo ak! Anggapod saray diriyos so makapangipasakbay a say toon pinilik et dogpaan toy Babilonia; sumpalen to so labay kon pagawad sikato.

Jeremias 50:29

“Ibaga yod saray sondalon pumapana a dogpaan day Babilonia. Ibaki yoy balang sondalon marunong a mamana. Lakob yoy siudad tan ag kayon balut mamapabatik na anggan siopa. Bawi kayod sikato onung na ginawa to, tan gawa yod sikatoy singa ginagawa tod arum, lapud nampaatagey sumpad siak, say Masanto na Israel.

Jeremias 50:38

Paandi yo so danum ed dalin to; paekatan iray ilog to. Say Babilonia et kawalaan da ray makapataktakot a talintaoy diriyos a ginagawa ran makulang-kulang iray totoo.

Jeremias 50:42

Inala da la ray pana ra tan saray ispada ra; maruksa tan anggapoy panangasi ra. Singa manungol a dayat so tanul da, legan dan mamapakoyat na saray kabayo ra. Akaparaan iran mibakal ed Babilonia.

Jeremias 50:9

Ta sogsogan ko so sakey ya olup na bansa ed baybay tan padogpaan ko ra ed Babilonia. Mandarasig iran mibakal ed bansa tan dakepen da. Marunong ira yan mamana; nakena ran nakena so pontaen da.

Jeremias 51:27

“Isinyas yoy idogpa! Paknul yoy trumpita pian narengel na saray bansa! Pamparaan yo ray bansa a mibakal ed Babilonia! Ibaga yo ya ondogpa ray nanarian na Ararat, Minni, tan Askenaz. Mamili kayo na opisyal a mangipangulo ed bakal. Mangyakar kayo na saray kabayon singa amayamay a dorun so karakel da.

Jeremias 51:44

Dusaen koy Bel a dios na Babilonia, tan paipawil kod sikato ray tinatakew to; ag la igalang na saray bansa. “Atumba ray padir na Babilonia.

Jeremias 51:47

Kanyan sirin, onsabiy oras a dusaen ko ray talintaoy diriyos na Babilonia. Nabaingan so intiron bansa, tan napatey ya amin iray totoo to.

Jeremias 51:52

Kanyan sirin, ibabagak ya onsabiy panaon a dusaen ko ray talintaoy diriyos na Babilonia, tan manay-ay ed intiron bansa iray sugatan.

Jeremias 51:64

tan ikuanmo, ‘Onyay nagawa ed Babilonia—onlereg tan ag lan balut makaimwas, lapud deral ya iyakar dia na Katawan.’” Dia mansasamput iray salita nen Jeremias.

Jeremias 51:8

Biglan atalo so Babilonia, tan aderal! Ermenan yo! Iyalaan yoy tambal, ta ag la pigan onabig.

Puyan 14:8

Tinmombuk so kumadwan anghil ya inkuanto, “Apaktak la! Apaktak lay Babilonia a makapanyari! Initdan toy alak iray amin a katoowan tan impasoot ton inomen da—say alak na kasalanan ton maoges a pilalek na laman!”

Puyan 18:2

Ineyaeyag to, “Naplag la! Naplag lay makapanyarin Babilonia! Nagmaliw ya ayaman natan na saray dimonyo, prisowan na saray maoges ya ispiritu, tan obung na amin a klasiy marotak tan makapaingungot a manok.

Puyan 18:21

Insan dinemet na makapanyarin anghil so sakey a baton singa kabaleg na gilingan. Intupak tod dayat, tan inkuanto, “Onyay kakasil na kitupak na makapanyarin siudad na Babilonia, tan ag lan balut nanengneng!