Isaias 21:4 - Maung A Balita Biblia

⁴ Nanaelaw ak tan manggiwgiw ak ed takot ko. Nampilalekan kon onsabi lay kabwasan, balet lalon baleg a takot so inter tod siak.

Maung a Balita Biblia

⁴ Nanaelaw ak tan manggiwgiw ak ed takot ko. Nampilalekan kon onsabi lay kabwasan, balet lalon baleg a takot so inter tod siak.

Isaias 21:4 Iomraidhean Croise

1 Saray Arari 1:49

Insan tinmakot iray bisita nen Adonias, kanyan inmalagey iran amin tan nagsitaynan la ran amin.

Ester 5:12

“Aliwan saratan labat,” intuloy nen Haman, “si Riyna Ester angiparaan na panangan a para siak labat tan say ari, anggapo lay arum. Naimbitaan kami ni lamet nabwas.

Saray Salmo 55:5

Mapalaloy pankigtut tan panggiwgiw ko; say takot so manaarid siak.

Saray Salmo 55:6

Kuanko, “Wala komuy payak kon singa payak na malapati! Ontikyab ak ed satan tan mananap ak na napampainawaan ko!

Jeremias 4:19

Ag ko la nayarian ya itepel yan sakit! Say panotut! Mampokal a maung so pusok! Say pusok! Ag ak makareen; Narerengel koy tanul na saray trumpita, tan say eyag na bakal.

Jeremias 51:39

Masiba ra? Iparaanan ko ray sakey a ponsia, tan bueken tan panliketen ko ra. Onogip ira tan ag ira lan balut ombangon.

Jeremias 51:57

Bueken ko ray manoley to— saray makabat ton totoo, saray pangulo to, tan saray sondalo to. Onogip ira tan ag ira lan balut ombangon. Siak, say ari, so nansalita; siak so Katawan a Makapanyarin-amin.

Daniel 5:1

Aminsan a labi inimbitaan nen Ari Belsasar ed sakey a baleg a ponsia iray sanlibon atagey ya opisyal to, tan naniinoman iray alak.

Daniel 5:30

Diad saman lamlamang a labi apatey si Belsasar ya ari na Babilonia;

Daniel 5:5

Kabebekta walay pinmayawar a limay too, insan nansulat ed palitada na padir na palasio, diad pakawawandagan na ontan lan liwawa na saray lamparaan. Anengneng na ari imay mansusulat a lima.

Nahum 1:10

Napoolan kayo a singa kapoolan na saray alokut-lokut a sabitan tan amagaan a dayami!

Deuteronomio 28:67

Ompokal lawas ed kapagaan so kapusoan yo lapud saray amin a nanengneng yo. Kapag kabwasan pampilalekan yoy isabi na labi, tan kapag labi pampilalekan yoy isabi na kabwasan.

Deuteronomio 32:11

Say Katawan pansiansiaen ton ag napelag so Israel, singa sakey ya agilan babangatan ton ontikyab so sibong to, sasampaten to rad saray akabuskag a payak to.