Isaias 20:4 - Maung A Balita Biblia

⁴ Say ari na Asiria itaynan to ray labus-lakseb a prison adakep tod sarayan duan bansa. Malangwer may matakken, manakar a kasali-sali tan labus-lakseb, sankanengneng so ebet da, tan mangiter ya na kababaingan ed Egipto.

Maung a Balita Biblia

⁴ Say ari na Asiria itaynan to ray labus-lakseb a prison adakep tod sarayan duan bansa. Malangwer may matakken, manakar a kasali-sali tan labus-lakseb, sankanengneng so ebet da, tan mangiter ya na kababaingan ed Egipto.

Isaias 20:4 Iomraidhean Croise

2 Samuel 10:4

Siningkat nen Hanun ira may imbaki nen David, nilabahasan to ray balbas dad kapalduan dapag, pinotut to ya anggad tapi ray kawes da, insan to la ra pinapawil.

1 Saray Awaran 19:4

Siningkat nen Hanun ira may imbaki nen David, nilabahasan to ray balbas da, pinotut to ya anggad tapi ray kawes da, insan to la ra pinapawil.

Isaias 19:4

Ipalimak iray Egipsio ed pakayari na sakey a masebeg tan maruksan ari a manoley ed sikara. Siak, say Katawan a Makapanyarin-amin so nansalita.”

Isaias 3:17

Balet dusaen ko ra—kiskisan koy olo ra tan paolyan ko ran tugo.”

Isaias 31:2

Amta na Katawan so gagawaen to! Mangyaakar na deral. Susumpalen to so sinalita to a dusaen iray maoges a totoo tan saray mangyaagel ed sikara.

Isaias 31:3

Aliwan Dios iray taga Egipto—totoo ra labat. Aliwan makapanyari iray kabayo ra. No onggalaw so Katawan, natumba so mabiskeg a bansa tan say tinulongan ton makapoy a bansa. Naderal iran dua.

Isaias 47:2

Patelek moy gilingan! Manggiling kay arina! Ekal moy pandung mo! Lakseb moy marakep a kawes mo! Itagey moy paldam diad ibaliw mod saray kolus.

Isaias 47:3

Nanengneng na saray totoo a labus ka; nanengneng da kan apaabeba tan abaingan. Ombawi ak, et anggapoy mamatondad siak.”

Jeremias 13:22

No tepeten mo no akin et agawad sika ya, no akin et apilat-pilat so kawes mo tan sikay apasoot, say makasengeg et lapud mapalalo so kasalanan mo.

Jeremias 13:26

Say Katawan a dili so mamingbingkas na kawes yo, tan iparontal to kayod kababaingan.

Jeremias 46:19

Sikayon taga Egipsio, mamparaan kayon naalan priso! Nagawan andi-kakanaan a pasen so Memfis, nagawan dera-deral tan anggapoy manayam.

Jeremias 46:26

Ipalimak irad saray malabay a mamatey ed sikara, diad kinen Ari Nabucodonosor na Babilonia tan saray sondalo to. Ag mabayag, manayam iray totoo lamet ed Egipto a singa impanayam da nen saman. Siak, say Katawan, so nansalita.”

Ezekiel 30:18

Nakobutan na bilonget so Tafnes no ekalan koy pakayari so Egipto tan panganggaen koy biskeg ya ikikinon na saray totoo to. Nakobutan na lorem so Egipto, tan nadakep ya amin iray totoo ed saray siudad to.

Amos 9:7

Say Katawan kuanto, “Totood Israel, nununoten ta kayo a singa pannununot kod saray taga Sudan. Impaway kod Creta iray Filisteo tan diad Kir iray Siriano, a singa impangipaway kod sikayo ed Egipto.

Mikias 1:11

Sikayon taga Safir, laka yon nibantak ed arum a bansa, a labus-lakseb tan nababaingan kayo. Saray manaayam ed Zaanan et ag da sasalien so ompaway ed siudad da. No narengel yon maneermen iray taga Bet-ezel, naamtaan yo ya anggapod may nasalimbengan.

Nahum 3:10

Balet saray totood Tebes et nibantak irad arum a bansa. Diad inerman a sokung na dalan, saray anak da et nipaspas ira ya anggad ag da impatey. Agolunggolungan a niakar ed arum a bansa iray manonan totoo ra tan nanaapagan ira na saray akadakep ed sikara.

Sofonias 2:12

Pateyen met na Katawan iray totood Sudan.

Puyan 3:18

Kanyan sisimbawaen ta kan manaliw kad siak na balituk a pinapurod apoy, pian magmaliw kan mayaman. Manaliw ka met na ampotin kawes, pian nasakuban moy makapabaing ya inkalakseb mo. Manaliw ka met na tambal a para saray matam, pian makanengneng ka.