Isaias 2:3 - Maung A Balita Biblia

³ tan ikuan na saray totoo ra, “Gali dia ta ontatdang itayod palandey na Katawan, diad Timplo na Dios na Israel. Ibangat to itayo na saray labay ton pagawad sikatayo; mankurang itayod saray dalan sa pinili to. Ta manlalapud Jerusalem iray bangat na Katawan; manlapud Sion mansasalitad saray totoo to.”

Maung a Balita Biblia

³ tan ikuan na saray totoo ra, Gali dia ta ontatdang itayod palandey na Katawan, diad Timplo na Dios na Israel. Ibangat to itayo na saray labay ton pagawad sikatayo; mankurang itayod saray dalan sa pinili to. Ta manlalapud Jerusalem iray bangat na Katawan; manlapud Sion mansasalitad saray totoo to.

Isaias 2:3 Iomraidhean Croise

Ester 9:27

ginawa ran sakey a totontonen da, saray kabyangay boleg da, tan siopaman a magmaliw a Judio, a diad manepeg a panaon na kapag taon pistaan da ra yan duaran agew onung ed saray bilin nen Mardokeo.

Saray Salmo 102:23

Pinakapoy ak na Katawan nen ogaw ak ni; pinatikey toy bilay ko.

Saray Salmo 110:2

Manlapud Sion, say Katawan palaknaben toy pakayarim ya ari. “Oleyan mo ray kalaban mo,” kuanto.

Saray Salmo 119:171

Idayew ta kan naynay, ta ibabangat mod siak iray ganggan mo.

Saray Salmo 122:1

Makaliliket ak nen inkuandad siak, “Onla itayod abung na Katawan.”

Saray Salmo 48:1

Matalonggaring so Katawan, tan manepenepeg ya idayew ed siudad na Dios tayo, diad masanton palandey to.

Isaias 1:26

Itdan ta kayo na saray pangulo tan saray sumisimbawa yo a singa nen saman. Diad ontan, say Jerusalem natawag a matonung tan matoor a siudad.”

Isaias 11:10

Onsabiy agew a say balon ari a nanlapud saray manarin kabyangay boleg nen David et magmaliw a sakey a tanda ed saray bansa. Mantitipon irad panaarian ton siudad tan sikatoy igalang da.

Isaias 19:23

No onsabiy tan a panaon, nagawa so maawang a dalan a manlapud Egipto ya anggad Asiria. Makaonlad satan ed Asiria iray Egipsio tan makaonlad Egipto iray taga Asiria. Mankasakey ira yan duan bansa a mangigalang ed Katawan.

Isaias 28:9

Manririklamo ra nipaakar ed siak. Kuanda, “Siopa ray abaloan na satan a too a babangatan to? Siopa ray mankaukolan na saray ibabangat to? Onkana ra labat ed saray kapamakson ogogaw!

Isaias 44:5

“Sansakey ya ibagad satan na saray totoo, ‘Kayaryan ak na Katawan.’ Ondago ran mikasakey ed saray totood Israel. Balang too itatak tod taklay to so ngaran na Katawan tan tawagen toy sikaton dili a sakey ed saray totooy Dios.”

Isaias 56:5

nanunotan ed Timplok tan diad saray totook so ngaran mo. Mabayag ni so pakanunot ed sika nen say no wala ray anak mon lalaki tan bibii. Ag kan balut nalingwanan.”

Isaias 56:7

“Iyakar ta kayod Sion, say masanton palandey ko, panliketen ta kayo ed dalem na abung kon panagpikasian, tan awaten ko ray bagat ya isaklang yod altar ko. Natawag so Timplok ya abung na panagpikasian na saray totoo ed amin a bansa.”

Isaias 60:3

Onsingger ed silew mo iray bansa, Tan onsingger ed ibutay na balon agew mo iray arari.

Isaias 65:11

“Balet nidomay kasumpalan yo, sikayon mangikakaindan ed siak, mangililingwan ed Sion a masanton palandey ko, tan mangigagalang ed Gad tan Meni a diriyos na kapalaran tan pansumpalan.

Isaias 66:20

Manlapud saray bansa papawilen da ray kadalaan yo a sikaray rigalod siak. Iyakar da rad masanton palandey ed Jerusalem ya akakabayo rad mula, kabayo, tan diad saray kamilyo, tan saray arum akalogan irad karwahi tan diad saray kariton, a singa saray Israelita a mangyaakar ed Timplo na saray bagat da a trigo ya akakargad saray pananginan a malinis onung ed ganggan.

Jeremias 12:16

No diad intiron puso ra et onalig irad kabibilay na saray totook tan mansamba ra, ‘Onung a mabilay so Katawan’—a singa impanbangat dad saray totook a nansamba rad Baal—magmaliw iran kabyangan na saray totook tan onaligwas ira.

Jeremias 26:18

“Nen ari ed Juda si Ezekias, si propita Mikias a taga Moreset imbaga tod amin a totoo a say Katawan a Makapanyarin-amin inkuanto, ‘Nabakan singa alog so Sion; magmaliw a bunton na deral-deral so Jerusalem, tan magmaliw a takel so palandey a panalalageyan na Timplo.’

Jeremias 31:6

On, onsabiy agew a saray managbantay ikolyaot dad toktok na kapokdulan na Efraim, ‘Ontatdang itayod Sion, diad Katawan a Dios tayo.’”

Ezekiel 40:2

Diad sayan pasingayew say Dios inyakar to ak ed dalin na Israel tan inggaton to ak ed toktok na atagey a palandey. Diad bandad arap ko, anengneng koy grupo na saray paalagey a singa ra sakey a siudad.

Oseas 3:5

Balet onsabiy panaon a saray totood Israel et ompawil ira lamet ed Katawan a Dios da tan diad sakey a kabyangay boleg nen David ya ari ra. Insan takotan day Katawan tan makaawat ira na saray marakep a rigalo to.

Oseas 6:3

Salien tayon amtaen so Katawan. Andi-saew ya onsabid sikatayo so Katawan a singa ibubutay na agew no kabwasan, odino singa ipepelag na oran ed tapew na dalin no panaoy nepnep.”

Mikias 4:2

et ikuan na saray katoowan da, “Onkalab tayod palandey na Katawan, diad Timplo na Dios na Israel. Ta ibangat tod sikatayo so labay ton pagawad sikatayo; manakar itayod saray dalan a pinili to. Ta manlalapud Jerusalem so bangat na Katawan; manlapud Sion say Katawan mansasalitad saray totoo to.”

Mateo 7:24

“Kanyan siopamay ondengel tan manumpal ed sarayan salitak, aliling toy sakey a toon makalakal ya angipaalagey ed bato na abung to.

Lucas 11:28

Balet inmebat si Jesus, “Lalo ni ingen a maliket iray ondedengel ed salitay Dios tan oonuren da!”

Lucas 24:47

tan diad ngaran to, say pagbabawi tan say kapirdona na saray kasalanan et nepeg a nipulong ed amin a bansa, manlapud Jerusalem.

Juan 4:22

Sikayo ran Samaritano et ag yo amtay gagalangen yo, balet sikami ran Judio kabat mi no siopay gagalangen mi, ta saray Judio so panlalapway kilalaban.

Juan 7:17

Siopamay maliket a mangonur na linaway Dios, naamtaan to no kasi say ibabangat ko et manlalapud Dios odino manlalapud siak a dili.

Saray Gawgawa 1:8

Balet naitdan kayoy pakayari no onsabid sikayoy Ispiritu Santo, tan magmaliw kayon tasik ed Jerusalem, diad intiron Judea tan Samaria, tan diad amin a sokung na mundo.”

Saray Gawgawa 10:33

Impaawit ta kan tampol, tan salamat la ta sinmabi ka. Kanyan wadya kamin amin natan a nantitipon a sankanengneng na Dios tan manaalagar kamin mandengel na antokaman a paibabagad sikay Katawan.”

Saray Taga Roma 10:18

Balet tepeten ko pa: Ag da kasi nadngel so Maung a Balita? Nadngel da, ta ibabagay Masanton Sulat: “Nadngel anggad iner a sokung na mundo so bosis da ray managpulong, tan kinmayat iray salita ya anggad saray samput na mundo.”

Deuteronomio 33:19

Imbitaan dad palandey da ray sangkaili. Tan mangisaklang irad man na manepeg iran bagat. Diad dayat so pangaalaan day kayamanan da Tan diad saray buer ed gilig na dayat.”

Deuteronomio 6:1

“Saraya so ganggan ya imbilin ed siak na Katawan a Dios yo ya ibangat kod sikayo. Onur yo ra ed dalin a ngalngali yo la looban tan panayaman.

Santiago 1:25

Balet siopamay manosisan maung ed nagnap a ganggan a mangibolus ed saray totoo, tan talagan imanoen to, ya ag to labat dengelen tan lingwanan, no ag ingen onuren to—bindisionan na Dios itan a too ed gawaen to.