Isaias 2:20 - Maung A Balita Biblia

²⁰ No onsabiy tan ya agew ibantak na saray totoo iray pilak tan balituk a talintaoy diriyos a ginagawa ra, tan itilak da rad kawalaan da ray otut tan saray kolalaknit.

Maung a Balita Biblia

²⁰ No onsabiy tan ya agew ibantak na saray totoo iray pilak tan balituk a talintaoy diriyos a ginagawa ra, tan itilak da rad kawalaan da ray otut tan saray kolalaknit.

Isaias 2:20 Iomraidhean Croise

Genesis 35:4

Inter da sirin ed kinen Jacob iray amin a walad sikaran diriyos na arum a bansa, pati saray ikaw ya akabitin ed saray layag da. Inkotkot to ra yan amin ed silong na kiew a robli ya asingger ed Sikem.

Ecclesiastes 3:6

Igegetar toy panaon na pananap tan say panaon na pangibalang, say panaon na pantipon tan say panaon na pambantak,

Isaias 10:3

Antoy gawaen yo no dusaen kayo na Dios? Antoy gawaen yo no iyakar tod sikayoy deral a manlapud arawin bansa? Iner so batikan yon kereway tulong? Iner so pangyamutan yo na saray kayamanan yo?

Isaias 17:8

Ag la rad satan manmatalek ed saray altar a ginaway dilin lima ra, odino manmatalek ed dinan man a ginawa ra—saray tanda na diosan Asera tan saray altar a panagpoolan na insinso.

Isaias 30:22

Alaen yo ray talintao yo a naokupan na pilak tan saray naokupan na balituk, insan yo ra ibantak a singa dotak, tan iyeyag yo, “Ag mi kayo la labay a nanengneng!”

Isaias 31:7

Onsabiy panaon ya amin yo et ibantak yo ray makapakasalanan a talintaon ginagawa yod pilak tan balituk.

Isaias 40:19

Sikatoy ag mipara ed talintaon gagawaen na iskotur, a say platiro et okupan to na balituk tan ipatoon tod pilak.

Isaias 46:1

“Sikato la yay anggaan na saray diriyos na Babilonia! Nen saman inggalang na saray totoo si Bel tan Nebo, balet natan akalogan irad beneg na asno, makabelbelat irad saray naksawan lan ayayep.

Isaias 46:6

Lolokasan na saray totoo iray supot da insan da ikakalbo ray balituk da; isisimbang da ray pilak ed simbangan. Manguupa ray platiron manggawa na dios; insan da dadakmomoan tan gagalangen so sakey a dios.

Ezekiel 14:6

“Natan sirin, ibagam ed saray Israelita so ibabagak, siak a Katawan a Dios: Magbabawi kayo tan taynan yo la ray makapaingungot a talintaoy diriyos.

Ezekiel 36:25

Walsikan ta kayoy malinis a danum tan linisan ta kayod saray amin a talintaoy diriyos yo tan diad amin a bengatlan nandotak ed sikayo.

Ezekiel 7:19

Ibanbantak dad saray dalan a singa dotak iray balituk tan saray pilak da, lapud ag ira nilaban na pilak odino balituk da no idapo na Katawan so pasnuk to. Ag da ra nikanan makapenek na nakaukolan da odino makapesel na narasan ya eges da. Say balituk tan say pilak so angipelag ed sikarad kasalanan.

Oseas 14:8

Saray totood Israel et anggapo lay pibali ra ed saray talintaoy diriyos; ebatan ko ray pikakasi ra tan talimaen ko ra. Singa ak malamlambut a kiew a manalimbeng ed sikara. Siak so panlapwan na saray bindision a para sikara.”

Sofonias 2:11

Taktakoten ira na Katawan. Pagmaliwen ton andi-kakanaan iray diriyos ed tapew na dalin, et balang bansa galangen toy Katawan diad dilin dalin to.

Lucas 23:30

Diad sarayan agew, saray totoo ikuandad saray palandey, ‘Tumbaan yo kami!’ tan diad saray pokdul. ‘Tabunan yo kami!’