Isaias 19:24 - Maung A Balita Biblia

²⁴ No onsabiy tan a panaon say Israel mipara ed bansa na Egipto, tan Asiria, tan magmaliw ira yan taloran bansa a bindision ed intiron mundo.

Maung a Balita Biblia

²⁴ No onsabiy tan a panaon say Israel mipara ed bansa na Egipto, tan Asiria, tan magmaliw ira yan taloran bansa a bindision ed intiron mundo.

Isaias 19:24 Iomraidhean Croise

Genesis 12:2

Itdan ta kay amayamay a kabyangay boleg mo, tan magmaliw iran sakey a bansan matalonggaring. Bindisionan ta ka tan pagmaliwen kon bantug so ngaran mo, pian sikay pakabindisionan na arum a totoo.

Isaias 19:23

No onsabiy tan a panaon, nagawa so maawang a dalan a manlapud Egipto ya anggad Asiria. Makaonlad satan ed Asiria iray Egipsio tan makaonlad Egipto iray taga Asiria. Mankasakey ira yan duan bansa a mangigalang ed Katawan.

Isaias 19:25

Bindisionan ira na Katawan a Makapanyarin-amin a kuanto, “Bindisionan ta ka Egipto, sika a took; Asiria, sika a pinalsak; tan Israel, sika a toon pinilik.”

Isaias 27:13

No onsabiy tan ya agew, nasibuk so trumpita a panawag ya ompawil iray Israelitan nibantak ed Asiria tan Egipto. Onsabi rad Jerusalem tan igalang dad may Katawan ed masanton palandey to.

Isaias 49:22

Say Katawan a Dios kuantod saray totoo to: “Sinsayan ko ray bansa et pasempeten da ray anak yo.

Isaias 49:6

Say Katawan inkuantod siak, “Walay babaleg a kimey a pagawak ed sika ya aripen ko, ag ko labat paipawil ed sika so inkatalonggaring na saray totood Israel ya akapaliis ed patey, no ag ingen gawaen ta ka met a sakey a silew ed saray bansa— pian nilaban iray amin a katoowan ed tapew na dalin.”

Isaias 6:13

Anggaman a natilak ed dalin so kakaplod saray totoo, naderal met iray natilak; singa ra sengeg na kiew a robli a binatang.” (Say sengeg iyaaliling toy balon gapowan na saray totoo na Dios.)

Isaias 65:8

Say Katawan kuanto, “Anggapoy too a deralen to ray maung a bungay ubas; ingen gawaen to ra ya alak. Ag ko met deralen ya amin iray totook—ilaban ko ray manlilingkur ed siak.

Isaias 66:12

Say Katawan kuanto, “Iyakar kod sikayoy ag manganggan aligwas; saray kayamanan na saray bansa onagos irad sikayo a singa sakey ya ilog ya ag balut naekatan. Magmaliw kayon singa sakey ya ogaw ya aasikasoen na ina to, aampopoen to, tan aaroen to.

Ezekiel 34:26

“Bindisionan ko ra tan abuloyan ko ran manayam ed kaliber-liber na masanton pokdul ko. Bindisionan ko rad man na saray ompelag ya oran no nakaukolan da.

Zacarias 8:13

Sikayo ran totood Juda tan Israel! Nen saman saray sangkaili mansasambaan ira ya ikuandad sakey tan sakey, ‘Ondapo met komun ed sika so deral a singa samay deral a dinmapo ed Juda tan Israel!’ Balet ilaban ta kayo, insan saraman a sangkaili ikuandad sakey tan sakey, ‘Nagamuran mo met komun so bindision a singa samay bindision ya agamuran na Juda tan Israel!’ Kanyan pabiskeg yoy linawa yo, ag kayo ontatakot.”

Lucas 2:32

Say silew a mamaliwawad saray Hintil, tan mangiter na dayew ed bansam ya Israel.”

Saray Taga Roma 15:27

Maliket iran tinmulong, balet talagan kanepegan da ran tulongan. Say makasengeg, akapinabang iray Hintil ed saray maispiritun bindision na Dios ed saray Judio, kanyan kaukolan a saray Hintil pinabangen da met iray Judio na saray matirial a bindision na Dios ed sikara.

TAGA GALACIA 3:14

Dinondon to itayo pian say bindision ya insipay Dios ed kinen Abraham et nagamuran da ray Hintil diad panamegley nen Cristo Jesus, tan nagamuran tayo diad panamegley na pananisia so Ispiritu ya insipay Dios.

Deuteronomio 32:43

“Sikayo ran bansa, nepeg yon idayew iray totoo na Katawan— dusaen to ray mamatey ed sikara. Ombawid saray kalaban to tan pirdonaen to ray kasalanan da ray totoo to.”