Isaias 19:19 - Maung A Balita Biblia

¹⁹ No onsabiy tan a panaon, nawalaan na altar a para Katawan so Egipto tan say sakey a masanton lusek a nisaklang ed sikato diad Egipto.

Maung a Balita Biblia

¹⁹ No onsabiy tan a panaon, nawalaan na altar a para Katawan so Egipto tan say sakey a masanton lusek a nisaklang ed sikato diad Egipto.

Isaias 19:19 Iomraidhean Croise

Genesis 12:7

Pinmanengneng so Katawan ed kinen Abram tan inkuantod sikato, “Sikato yay bansa ya iter kod saray kabyangay boleg mo.” Nanggawad may Abram na altar a para Katawan a pinmanengneng ed sikato.

Genesis 28:18

Kasabiy kabwasan, asaksakbay a binmangon si Jacob, inala to may baton dinanganan to, insan to inapiapiger ya impaalagey ya inlira a sakey a pakanudnunotan. Kinalboan toy larak na oliba a pangisaklang tod Dios.

Saray Salmo 68:31

Onsabi ray imbahador a manlapud Egipto; itagey na saray taga Etiopia iray kalimaan da diad pampikasi rad Dios.

Exodo 24:4

Insulat nen Moises ya amin iray ganggan na Katawan. Diad ontombuk a kabkabwasan, si Moises angipaalagey na altar ed alusadsar na palandey tan angilira na labinduan bato, sakey a bato so para kapag sakey ed saray labinduan tribu na Israel.

Isaias 56:7

“Iyakar ta kayod Sion, say masanton palandey ko, panliketen ta kayo ed dalem na abung kon panagpikasian, tan awaten ko ray bagat ya isaklang yod altar ko. Natawag so Timplok ya abung na panagpikasian na saray totoo ed amin a bansa.”

Isaias 60:7

Amin da ray karniro ed Kedar tan Nebayot Niakar iran para bagat ed sika Tan nibagat irad altar a pamaliket ed Katawan. Pagmaliwen na Katawan a lalon mapagalang so Timplo to.

Isaias 66:23

Kapag Pista na Balon Bulan tan kapag Agew na Panagpainawa amin da ray totoo ed balang bansa et onla ran mangigalang ed siak diad Jerusalem,” kuay Katawan.

Jeremias 46:2

Sikato ya so imbaga to nipaakar ed Egipto. Nansalita so Katawan nipaakar ed saray sondalo nen Ari Neco na Egipto, a tinalo nen Ari Nabucodonosor na Babilonia diad Carkemis ya asingger ed Ilog na Eufrates nen kumapat a taon na panaarid Juda nen Joakim a lakin anak nen Josias:

Ezekiel 29:1

Nen kumalabinduan agew na kumaplon bulan na kumaplon taon na inkibantak mi, say Katawan akisalitad siak.

Ezekiel 30:1

Say Katawan akisalitad siak lamet.

Ezekiel 31:1

Nen ononan agew na kumatlon bulan na kumalabinsakey a taon na inkibantak mid arum a bansa, say Katawan akisalitad siak.

Ezekiel 32:1

Nen ononan agew na kumalabinduan bulan na kumalabinduan taon na inkibantak mid arum a bansa, say Katawan akisalitad siak.

Zacarias 6:15

Ondagon ontulong ed pangipaalagey lamet ed Timplo iray totoon manaayam ed arawin dalin. Et no asumpal lan nipaalagey lamet, naamtaan yod satan ya imbaki ak ed sikayo na Katawan a Makapanyarin-amin. Nagawa ra yan amin no sigput yon onuren iray ganggan na Katawan a Dios yo.

Saray Hebreo 13:10

Saray paparin manlilingkur ed panangigalangan da ray Judio et anggapoy kanepegan dan mangan ed saray bagat diad altar tayo.

Josue 22:10

Nen saray totood tribu di Ruben, Gad, tan kapalduay Manases et akasabi ra ed Gelilot, a sakop ni na sagur na Jordan, amaalagey ira na balbaleg ya altar diad gilig na ilog.

Josue 22:26

Kanyan ginawa mi yan altar, aliwan pampoolan odino pangisaklangan mid saray bagat,

Josue 22:27

no ag ingen sikatoy sakey a tanda a para saray totoo mi tan saray totoo yo, tan ontan met a para saray kailalakan ya ontombuk ed sikatayo, tanda a talagan mangigagalang kamid Katawan diad arapan na masanton Tulda to diad panamegley na saray bagat min popoolan, saray bagat a para kareenan tan arum ni ran bagat. Sikato sirin so pamasakbay ed saray kabyangay boleg yo ya ag da ibagan saray kabyangay boleg mi et anggapoy pibabali rad Katawan.

Josue 22:28

Ninunot mi a no onyay nagawa, saray kabyangay boleg mi et nayarian dan ikuan, ‘Nengneng yo! Saray lalaki mi et nanggawa ray altar a singa altar na Katawan. Sayan altar et aliwan pangisaklangan na saray bagat a popoolan odino arum a bagat, no ag ingen sikatoy sakey a tanda para saray totoo mi tan saray totoo yo.’

Josue 22:34

Inkuan na saray totoo na Ruben tan Gad, “Sayan altar et sakey a tasi ed sikatayo a say Katawan et Dios.” Kanyan inngaran da may altar na “Tasi.”