Isaias 19:18 - Maung A Balita Biblia

¹⁸ No onsabiy tan a panaon, say salitan Hebreo so ikana na saray totoo ed saray limaran siudad ed Egipto. Mansamba ra ed ngaran na Katawan a Makapanyarin-amin. Say sakey a siudad natawag na “Siudad na Agew.”

Maung a Balita Biblia

¹⁸ No onsabiy tan a panaon, say salitan Hebreo so ikana na saray totoo ed saray limaran siudad ed Egipto. Mansamba ra ed ngaran na Katawan a Makapanyarin-amin. Say sakey a siudad natawag na Siudad na Agew.

Isaias 19:18 Iomraidhean Croise

Genesis 11:1

Nen saman saksakey so salita tan panagbalikas na amin a katoowan ed intiron mundo.

Nehemias 10:29

et mikakasakey kamid saray pangulo mi diad pansamba mi a mambilay kami onung ed Ganggan na Dios, ya inter to ed panamegley na aripen ton si Moises tan nadusa kami no ag mi sumpalen; ya onuren min amin so ingganggan ed sikami na Katawan, say Katawan mi; a toluken mi ray amin a bilin tan totontonen to.

Saray Salmo 68:31

Onsabi ray imbahador a manlapud Egipto; itagey na saray taga Etiopia iray kalimaan da diad pampikasi rad Dios.

Isaias 11:11

No onsabiy tan ya agew, ipakana lamet na Katawan so pakayari to, ta pasempeten to la ray totoo to ya atilak ed Asiria, Egipto, diad dalin na Patros, Sudan, Elam, Babilonia, tan Hamat, tan diad saray gilig na dayat tan diad saray isla.

Isaias 14:1

Kasian lamet na Katawan iray totoo ton Israelita tan pilien to ran kayaryan to. Panayamen to ra lamet ed saray dilin dalin da, tan ondago ray sangkaili tan miayam irad sikara.

Isaias 19:19

No onsabiy tan a panaon, nawalaan na altar a para Katawan so Egipto tan say sakey a masanton lusek a nisaklang ed sikato diad Egipto.

Isaias 19:21

Ipaamta na Katawan so sikaton dili ed saray Egipsio; birbiren dad satan tan igalang da, tan isaklangan da na saray bagat. Masimsimoon irad satan a mansipan tan sumpalen da ray sipan da.

Isaias 2:11

Onsabiy agew a mansamput so panagpaatagey na too tan naderal so panagpasirayew na amin a katoowan. Insan say Katawan labat so nitanduro ed satan.

Isaias 27:13

No onsabiy tan ya agew, nasibuk so trumpita a panawag ya ompawil iray Israelitan nibantak ed Asiria tan Egipto. Onsabi rad Jerusalem tan igalang dad may Katawan ed masanton palandey to.

Isaias 65:16

Siopamay toon manaayam ed dalin ya onkerew na bindision kerewen ton bindisionan na matoor a Dios. Siopamay mansamba mansamba ed ngaran na matoor a Dios. Naandi tan nalingwanan iray gunigon ed imbeneg a panaon.”

Jeremias 12:16

No diad intiron puso ra et onalig irad kabibilay na saray totook tan mansamba ra, ‘Onung a mabilay so Katawan’—a singa impanbangat dad saray totook a nansamba rad Baal—magmaliw iran kabyangan na saray totook tan onaligwas ira.

Sofonias 3:9

“Insan ko pasimbaloen iray totood saray bansa, tan mampikasi rad siak labat ya aliwan diad saray diriyos, tan siak labat so panlingkuran dan amin.

Zacarias 2:11

Diad satan a panaon dakerakel iray bansan onsingger ed Katawan tan magmaliw iran totoo to. Manayam ed kawalaan yo, et nabirbir yo ya imbaki to ak ed sikayo.

Deuteronomio 10:20

Takotan yoy Katawan a Dios yo tan sikatoy panlingkuran yo. Mansiansia kayod sikato tan mansipan kayo ed ngaran to labat.