Isaias 19:1 - Maung A Balita Biblia

¹ Sikato yay propisiya a nipaakar ed Egipto. Akalogan ed lorem so Katawan tan maples a mamapaarap ed Egipto. Manggiwgiw ed arap to iray talintaoy diriyos na Egipto, tan nanaekalan na biskeg na linawa iray Egipsio.

Maung a Balita Biblia

¹ Sikato yay propisiya a nipaakar ed Egipto. Akalogan ed lorem so Katawan tan maples a mamapaarap ed Egipto. Manggiwgiw ed arap to iray talintaoy diriyos na Egipto, tan nanaekalan na biskeg na linawa iray Egipsio.

Isaias 19:1 Iomraidhean Croise

Saray Salmo 104:3

tan impaalagey moy abung mo ed tapew na saray danum ed tagey. Ikakanam a karwahi iray kaloreman tan lologanan mo ray payak na dagem.

Saray Salmo 104:34

Pakaliketan to komuy kantak, ta manlalapud sikato so gayagak.

Saray Salmo 18:9

Inlokyab toy tawen insan inmakseb; walay makapal a lorem ed silong na saray dapan to.

Saray Salmo 68:4

Kantaan yoy Dios, kantaan yo na panangidayew so ngaran to; iparaan yoy dalanen na manloglogan ed saray lorem. Yahweh so ngaran to—manliket kayod arap to!

Exodo 12:12

“Diad satan a labi onliber ak ed intiron dalin na Egipto, pateyen koy balang pangulowan ya anak a laki tan amin a besag ya anak na ayep tan dusaen kon amin iray diriyos na Egipto. Siak so Katawan.

Isaias 13:1

Sikato yay propisiya a nipaakar ed Babilonia, say propisiya ya impuyan na Dios ed kinen Isaias a lakin anak nen Amoz.

Isaias 13:7

Nalaylay iray amin a taklay, tan ombetel so linawa na balang sakey a too.

Isaias 19:16

Onsabiy panaon a magmaliw a singa mabaing a bibii iray Egipsio. Onggiwgiw irad takot no nanengneng dan akaonat a manusad sikara so taklay na Katawan a Makapanyarin-amin.

Isaias 21:9

Kabebekta nitan la ray lalaki, akakabayo ra tan sanderwa ran nanoolup. Imbawag na samay guardia, “Atalo lay Babilonia! Walad dalin tan atemektemek iray amin a talintaoy diriyos a gagalangen da.”

Jeremias 25:19

Saya so listaan na amin da ray arum ya inminom ed samay kupa: say ari na Egipto, saray opisyal tan saray pangulo to; amin da ray Egipsio, tan amin a sangkaili a manaayam ed Egipto; amin ya arari na dalin na Uz; amin ya arari na saray Filisteo ed saray siudad na Ascalon, Gaza, Ekron, tan say akeraan ed Asdod; amin da ray totood Edom, Moab, tan Ammon; amin ya arari na Tiro tan Sidon; amin ya arari ed saray dalin na Meditiraneo; saray siudad na Dedan, Tema, tan Buz; amin da ray totoon nampapotut na buek da; amin da ray arari ed Arabia; amin da ray kabyangay tribu a walad kalawakan; amin da ray arari ed Zimri, Elam, tan Media; amin da ray arari ed baybay, arawi may asingger, mansosoblayan ira. Nepeg ya inminom so balang bansa ed intiron mundo. Say kaonuran ya oninom et say ari na Babilonia.

Jeremias 4:13

Nengneng yo, onsasabin singa lorem so kalaban. Singa alimbusabos iray karwahi to; mabatik nen saray agila iray kabayo to. Pangaskasiyan iti la! Aderal itayo la!

Jeremias 44:8

Akin et pampapasnuken yo ak diad pangigagalang yod saray talintaoy diriyos tan diad pangibabagat yod saray arum a diriyos diad Egipto a nila yon panaayaman? Gagawaen yo ya a paneral ed sikayon dili, pian ludlureyen kayo na amin iray bansa diad tapew na dalin tan ikana ray ngaran yo a sakey a samba?

Jeremias 50:2

“Ibagam ed saray bansa so balita! Ibawag mo! Iparontal moy tanda, tan ibandom so balita! Ag mo iyaamut! Naplag so Babilonia! Say dios ton Merodac et naplag ed kababaingan! Mabambanday so asumpalan da ray talintaoy diriyos na Babilonia; atemek-temek iray makapaingungot a talintao to.

Jeremias 51:44

Dusaen koy Bel a dios na Babilonia, tan paipawil kod sikato ray tinatakew to; ag la igalang na saray bansa. “Atumba ray padir na Babilonia.

Ezekiel 30:13

Say Katawan a Dios kuanto, “Deralen ko ray talintao tan saray tila-tilan diriyos ed Memfis. Anggapo lay manoley ed Egipto, tan taktakoten kon amin iray totoo.

Joel 3:19

“Magmaliw a disirto so Egipto, tan magmaliw a dalin ya aderal-deral so Edom, lapud dinogpaan day dalin na Juda tan pinapatey da ray totoo ton anggapoy kasalanan.

Nahum 1:1

Sikato yay salitan nipaakar ed Ninive, say nipasingayew ed kinen Nahum a taga Elkos.

Nahum 1:3

Aliwan maipapasnuk so Katawan; balet makapanyari tan ag to aabuloyan ya ag nadusa iray nankasalanan. Ombabagyo so pasen a panaakaran na Katawan; dabuk na saray sali to so kaloreman!

Zacarias 10:11

No ondalan irad dayat na gunigon da, siak a Katawan et pareenen ko ray daluyon, tan naekatan iray kaaralman na Ilog na Nilo. Napaabeba so mapaatagey ya Asiria, tan naekalay pakayari so makapanyarin Egipto.

Zacarias 14:18

No saray Egipsio et ag da silibraan so Pista na Abung-abung, nadalan met iray salot ya ipadalan na Katawan ed balang bansa ya ag onlad Jerusalem.

Saray Bilang 33:4

a mangipopompon na saray pangulowan a lalakin anak da a pinapatey na Katawan. Diad impanggawa na Katawan ed saya, impanengneng ton sikatoy makapanyari nen saray diriyos ed Egipto.

Deuteronomio 33:26

Sikayon Israelita, anggapoy dios a miparad Dios yo, Manloglogan a sigagalang a ombeltang ed tawen. Manloglogan ya onsorub ed kaloreman ta ondagon ontulong ed sikayo.

Josue 2:11

Kadngel mid saman a balita ataktakot kami; kinmapoy so linawa mi lapud sikayo. Say Katawan a Dios yo, et Dios ed tawen tan diad tapew na dalin.

Josue 2:24

tan inkuanda, “Anggapoy duaruwa min say Katawan inter tod sikatayo man ya intiron bansa. Natatakot ed sikatayo iray amin a totood man.”

Josue 2:9

kuantod sikara, “Amtak ya inter ed sikayo na Katawan yan dalin. Natatakot ed sikayo ya amin iray tood sayan bansa.

Puyan 1:7

Nengneng yo, sikatoy onsabi a walad saray lorem! Nanengneng na amin a katoowan, anggan saray anoyuk ed sikato. Lapud sikato, onermen ya amin iray katoowad tapew na dalin. Peteg a nagawa! Amen.