Isaias 18:7 - Maung A Balita Biblia

⁷ Onsabiy panaon a say Katawan a Makapanyarin-amin et mangawat na saray bagat a manlapud sayan dalin ya adalan-dalan na saray ilog, sayan mabiskeg tan makapanyarin bansa, sayan atatagey tan pinoy baog a totoo a tatakotan ira na sankamundoan. Onla rad Palandey na Sion a dimay pangigagalangan ed Katawan a Makapanyarin-amin.

Maung a Balita Biblia

⁷ Onsabiy panaon a say Katawan a Makapanyarin-amin et mangawat na saray bagat a manlapud sayan dalin ya adalan-dalan na saray ilog, sayan mabiskeg tan makapanyarin bansa, sayan atatagey tan pinoy baog a totoo a tatakotan ira na sankamundoan. Onla rad Palandey na Sion a dimay pangigagalangan ed Katawan a Makapanyarin-amin.

Isaias 18:7 Iomraidhean Croise

2 Saray Awaran 32:23

Amayamay iray totoon linmad Jerusalem a sankaawit da ray bagat dad Katawan tan saray rigalo rad kinen Ezekias; kanyan nanlapud saman ya agawa, igagalang na amin a totood arum a bansa si Ezekias.

Saray Salmo 68:32

Kantaan yoy Dios, sikayo ran nanarian diad mundo, kantaan yo na panangidayew so Katawan,

Isaias 16:1

Manlapud kalawakan ed siudad na Sela saray taga Moab et ama-iyakar ira na sakey a kordiron rigalo rad manooley ed Jerusalem.

Isaias 18:2

Manlapud saman a dalin onsabid Ilog na Nilo iray ibabakin managbalita. Manlogan irad saray baloton papiro. Sempet kayo la, sikayo ran masiglat ya ibabaki! Iyakar yoy balita ed dalin yo ya adalan-dalan na saray ilog, diad mabiskeg tan makapanyarin bansa yo, diad saray atatagey tan pinoy baog a totoo yo a tatakotan ira na sankamundoan.

Isaias 18:4

Inkuan ed siak na Katawan, “Manlapud tawen ag nalikas so iyosdung ko a singa ipepelag na linaew no panaon na panaganin masalimoot so labi, odino singa ampetapetang ya agew ya onsisinag no kagkaagewan.

Isaias 45:14

Say Katawan kuantod Israel, “Kayaryanen mo ray kayamanan ed Egipto tan Sudan, tan magmaliw ya aripen mo iray atatagey a totood Seba; akagolunggolung iran ontombuk ed sika. Ondakmomo rad sika tan ibawag da, ‘Walad sika so Dios—sikato labat so Dios.

Mikias 4:13

Say Katawan kuanto, “Totood Jerusalem, laka yo, ta dusa yo ray kalaban yo! Pagmaliwen ta kayon singa mabiskeg a bakan kalakyan a balatyang iray saklur to tan gansa ray koko to. Temeken yo ray amayamay a bansa, tan iyapay yod siak a Katawan na intiron mundo iray kayamanan a sinasamsam da.”

Habacuc 1:7

Ikakayat day takot tan kapagaan tan diad gaway panagpaatagey da, say dilin labay da so nasumpal.

Sofonias 3:10

Anggan saray totook a nikaykayat ed arawin pasen na Sudan et mangyakar irad siak na saray bagat.

Malakias 1:11

Igagalang ak na amin a totoo ed amin a sukong na mundo. Inerman a pasen saray totoo mamopool ira na insinso a para siak tan mangisasaklang ira na makapaliket a bagat. Igagalang da ak ya amin!

Mateo 2:11

Kaloob dad abung anengneng day ogaw tan si Maria ya ina to. Dinmakmomo ran angigalang ed samay ogaw. Impaway da ray awit dan rigalo a balituk, insinso, tan mira, insan da inter ed sikato.