Isaias 17:6 - Maung A Balita Biblia

⁶ Pigpigaray makapaliis ed patey; say Israel magmaliw a singa sakey a kiew na oliba ya aborbor la ray bunga to likud ed duara o taloran atilak ed toktok, odino apatira o limaran atilak ed saray sanga to. Siak, say Katawan a Dios na Israel, so nansalita.”

Maung a Balita Biblia

⁶ Pigpigaray makapaliis ed patey; say Israel magmaliw a singa sakey a kiew na oliba ya aborbor la ray bunga to likud ed duara o taloran atilak ed toktok, odino apatira o limaran atilak ed saray sanga to. Siak, say Katawan a Dios na Israel, so nansalita.

Isaias 17:6 Iomraidhean Croise

1 Saray Arari 19:18

Balet mangikera ak ed Israel na piton libon mabilay a totoo—amin da ray matoor ed siak tan ag ira dinmakmomod kinen Baal odino inmangub ed talintao to.”

Isaias 1:9

No ag labat inyabuloy na Katawan a Makapanyarin-amin a niagel iray pigaran totoo to, sigput komun ya aderal so Jerusalem, a singa inkaderal na Sodoma tan Gomorra.

Isaias 10:22

Anggaman a natan et singa karakel na buer ed dayat so karakel na totood Israel, dagdaiset ed sikara so ompawil. Akaparaan lay kaderal na saray totood Israel, tan nagawa ya onung ed katonungan.

Isaias 24:13

Onyay nagawad balang bansa ed intiron mundo. Say nagawa et singa pansamput na borbor na bunga, no apaspas la ray bunga ed amin a kiew na oliba tan aborbor lan amiy bunga na sengeg na ubas.

Isaias 27:12

Diad satan ya agew, manlapud Eufrates ya anggad ketegan na Egipto, say Katawan tiponen ton sansakey iray totoo to, a singa say kibiig na ilik ed apa no iiliken.

Jeremias 4:27

Imbaga na Katawan a magmaliw ya andi-kakanaan so intiron mundo, balet ag to deralen a sigput.)

Ezekiel 39:29

Ikalbok ed saray totood Israel so ispirituk tan ag ko la ran balut ikaindan. Siak a Katawan a Dios so nansalita.”

Obadias 1:5

“No onloob ed labi iray matatakew, alaen da labat iray labalabay da. No mamborbor na ubas iray totoo, walan walay ikera dan natortor. Balet sigput kayon dineral na saray kalaban yo.

Mikias 7:1

Pakaskasi ak la! Singa ak sakey a toon narasan ya anggapoy narumog ton akeraan a bungay kakiewan tan anggapoy bungay ubas a nakdaan ed saray wakal. Aborbor ya amin iray bungay ubas tan amin a masamit ya igos.

Saray Taga Roma 11:26

Onyay kilaban na intiron Israel. Onung na ibabagay Masanton Sulat, “Manlapud Sion so Manangilaban. Saray kabyangay boleg nen Jacob, ekalan to ray kaogsan.

Saray Taga Roma 9:27

Onya met so imbawag nen Isaias nipaakar ed Israel: “Anggan magmaliw a singa karakel na buer ed dayat so bilang da ray totood Israel, daiset ed sikara so nilaban.

Deuteronomio 4:27

Say Katawan itaytayak to kayo ed saray arum a bansa tan pigpigarad sikayo so makapaliis ed patey.

Saray Huis 8:2

Balet inkuantod sikara, “Say agawaan ko et ag nayarin ipara ed ginawa yo. Say anggan melag ya agawaan yo, sikayon lalaki ed Efraim, et maung ni nen say agawaan na amin a kabyangan na boleg ko.