Isaias 17:13 - Maung A Balita Biblia

¹³ Onsusulong a singa mapmaples a daluyon iray bansa, balet pamapasnukan ira na Dios kanyan onsesener ira, naoosilan iran singa dabuk ed alusadsar na palandey, odino taep ya itiktikyab na alimbusabos.

Maung a Balita Biblia

¹³ Onsusulong a singa mapmaples a daluyon iray bansa, balet pamapasnukan ira na Dios kanyan onsesener ira, naoosilan iran singa dabuk ed alusadsar na palandey, odino taep ya itiktikyab na alimbusabos.

Isaias 17:13 Iomraidhean Croise

Say Libro nen Job 21:18

tan impagmaliw to ran singa taep ya impalir-palir na dagem, odino dabuk ya intitikyab na bagyo?

Say Libro nen Job 38:11

Imbagak ed dayat, “Angga ka dia labat tan ag ka la onlalabsan! Dia mangangga iray mabiskeg a daluyon mo.”

Saray Salmo 1:4

Balet aliwan onyay toon maoges, singa taep ya ititikyab na dagem.

Saray Salmo 35:5

Magmaliw ira komun a singa taep ya itiktikyab na dagem, na oosilan iray anghil na Katawan!

Saray Salmo 65:7

Patotondaen moy ungol da ray dayat tan say ungol da ray daluyon; parereenen moy golo da ray katoowan.

Saray Salmo 65:8

Natatakot so intiron mundo, lapud saray makapakelkelaw a ginagawam. Lapud saray gawgawam, wala ray malikeliket ya eyag ed inerman a pasen.

Saray Salmo 9:5

Dinusam iray totoon ag manisiad sika tan dineral mo ray totoon maoges; ag la ran balut nanunotan.

Isaias 14:25

Deralen kod dalin na Israel iray taga Asiria tan igatin-gatin ko rad kapalandeyan ko. Ekalen kod panamairap na taga Asiria iray totook tan saray ambelat a nipasakbat ed sikara.

Isaias 21:15

Ibabatikan na saray totoo iray ispadan akaparaan a pamatey ed sikara; ibabatikan da ray panan akaparaan a pamanad sikara. Ibabatikan day kaatapan na bakal.

Isaias 22:18

Demeten to kan singa bola, insan to ka itupak ed maawang ya alog. Ompatey kad man ed abay na saray mararakep a karwahim ya ikikinon mo. Sikay mangiter na kababaingan ed pamilyay amom.

Isaias 27:1

Diad satan ya agew ipakana na Katawan so makapanyari tan makapatey ya ispada to a panusa ed Libiatan, say mambalbalikerker tan mampoppotipot a dragon, tan pamatey ed dragon a manaayam ed dayat.

Isaias 29:5

Jerusalem, amin da ray taga arum a bansan ondodogpad sika et singa ra dabuk ya ontikyab ed arawi, tan saray makapataktakot a sondalo ra et ontikyab iran singa taep. Insan diad ag iilaloan tan bigla-biglan nagawa,

Isaias 30:28

Ibabaki toy walad arap ton dagem a singa delap a mangyaanur ed amin a bengatla. Ipapalanas ton deralen iray bansa tan patotondaen to ray maoges a plano ra.

Isaias 34:17

Say Katawan so mangapag ed sikara na dalin tan itdan toy balang sakey na apag. Mansiansia ran manayam ed dalin, tan kayaryan da ya anggad angga.

Isaias 40:15

Anggapoy wala ed Katawan iray bansa, singa ra labat sankaterter a danum; singa labat kalemew na dabuk iray ararawin isla.

Isaias 40:24

Singa ra malangwer a tanaman; katubo-tubo ra tan kakkapanlamut da. No say Katawan et paragemen to, namagaan ira tan nitikyab iran singa dayami.

Isaias 41:11

“Amin da ray ampetang so olo rad sikayo et nakabatan day kababaingan na inkatalo. Ompatey iray onlalaban ed sikayo

Isaias 8:7

siak, a Katawan, iyakar ko diay impirador na Asiria tan amin da ray sondalo to, ta dogpaan day Juda. Onsulong iran singa agos na danum a linmipwad saray pandel na Ilog na Eufrates.

Daniel 2:35

Insan biglan akusbo ira may balatyang, dalin, gansa, pilak, tan balituk, tan nagmaliw iran singa dabuk ed panagilikan no tiagew. Intikyab iran amin na dagem, et anggapoy nakdaan a pakatontonan ed kawalaan da. Balet binmaleg imay bato tan nagmaliw a palandey a sinakuban toy intiron mundo.

Oseas 13:3

Kanyan naandipat a singa kelpa ed kabwasan ira yan totoo; singa ra linaew a naandipat ed kabkabwasan. Magmaliw iran singa saray taep ed ilikan ya ipapalir ira na dagem, tan naandipat iran singa asewek ya ompapaway ed pasngawan.

Sofonias 2:2

kasakbayan a napataynan kayon singa taep impalir na dagem, kasakbayan ya ondapod sikayo so mandarlang a sanuk na Katawan, kasakbayan na agew ya ipanengneng to so ontan lan pasnuk to.