Isaias 17:10 - Maung A Balita Biblia

¹⁰ Totood Israel, alingwanan yoy Dios ya angilaban ed sikayo, ya aliling toy baleg a baton-dampay ya angyagel ed sikayo. Nanggagawa kayo la laingen na saray masanton tanamanan ya angigalangan yod dios na arum a bansa.

Maung a Balita Biblia

¹⁰ Totood Israel, alingwanan yoy Dios ya angilaban ed sikayo, ya aliling toy baleg a baton-dampay ya angyagel ed sikayo. Nanggagawa kayo la laingen na saray masanton tanamanan ya angigalangan yod dios na arum a bansa.

Isaias 17:10 Iomraidhean Croise

1 Saray Awaran 16:35

Ikuanyod sikato, “Iyagel mo kami pa, O Dios a Manangilaban mi; pantitipon mo kami pa; iyagel mo kamid saray kalaban a bansa, pian misalamat kami tan idayew miy masanton ngaran mo.”

Saray Salmo 106:13

Balet alingwanan dan tampol iray ginagawa to, tan ag da la inalagar so simbawa to.

Saray Salmo 106:21

Nilingwanan day Dios ya angilaban ed sikara, diad panamegley da ray makapanyarin gawgawa to ed Egipto.

Saray Salmo 18:2

Say Katawan so manangilaban ko; sikatoy mabiskeg a tirinsirak. Say Dios ko so manangyagel ko; tan no kaibak anggapoy pagpagak. Sikatoy singa samper a manasanib ed siak; iyaagel to ak tan iyaarawi to ak ed kaatapan.

Saray Salmo 31:2

Dengel mo ak pa! Ilaban mo ak la natan! Sika pa so salimbengan ko a mangyagel ed siak; sika pay tirinsirak a mangilaban ed siak.

Saray Salmo 65:5

Eebatan mo kami diad panamegley na pangiiter mod sikamiy pananalo, tan ilalaban mo kami diad panggagawam na saray pakelaw. Saray katoowan ed intiron mundo tan nibaliw na maawang iran dayat et manmamatalek irad sika.

Saray Salmo 79:9

Tulongan mo kami pa, O Dios, tan ilaban mo kami pa; iyagel mo kami pa tan pirdonam pa ray kasalanan mi, lapud kagalangay ngaran mo.

Saray Salmo 85:4

Papawil mo kami pad sika, O Dios a manangilaban mi, tan tondaan mo pa lay ag mo pakaliliket ed sikami!

Saray Salmo 9:17

Patey so pansumpalan na amin da ray totoon maoges, amin da ray mangipopolisay ed Dios.

Isaias 12:2

Say Dios so manangilaban ko; manmatalek ak ed sikato, et ag ak antakot. Say Katawan iitdan to ak na pakayari tan biskeg; sikatoy manangilaban ko.

Isaias 17:9

No onsabiy tan ya agew, saray siudad ya aliber na padir et nataynanan tan naderal-deral ira, a singa saray siudad a tinataynan na saray Heveo tan saray Amorreo nen imbatikan da ray totood Israel.

Isaias 18:5

Kasakbayan a naborbor iray bungay ubas, no naplag la ray rosas tan naluluto la ray bungay ubas, deralen na saray kalaban iray taga Sudan; mainomay da ran deralen, a singa kainomay na pamotut na yuro ed saray sanga na ubas.

Isaias 25:4

Sinmingger ed sika iray mairap-bilay tan saray walad pankaukolan, et niarawi rad kaatapan ed panaoy gunigon. Iitdan mo ray salimbeng no panaoy bagyo tan say siruman no mapalaloy petang. Saray maruksan totoo ondodogpa ran singa bagyo no panaoy ambetel,

Isaias 26:4

Ando lan andon manmatalek kayo ed Katawan, iyagel to itayo lawas.

Isaias 30:29

Balet sikayo ran totoo na Dios, manliket tan mankanta kayo a singa gagawaen yo no labi no masanton pista. Manliket kayon singa saray manaakar legan a totogtogen iray plauta diad pamapaarap dad Timplo na Katawan a manangyagel na Israel.

Isaias 33:2

Katawan, kasian mo kami pa. Sikay nanilaloan mi. Iyagel mo kami pa ya inagew-agew tan ilaban mo kami ed saray panaon na gunigon.

Isaias 44:8

Ag kayo natatakot, totook! Amta yo a nanlapud saman a panaon ya anggad natan impasakbay koy amin ya agawa, et sikayo ray tasik. Wala ta niy arum a Dios? Wala ta niy makapanyarin dios ya ag kon balut akabatan?”

Isaias 51:13

Alingwanan yo lay Katawan a nanggawad sikayo, ya angipanat ed katawenan tan angiletneg na saray pundasion na mundo? Akin et antakot kayo lawas ed pasnuk da ray mamapairap ed sikayo, saray sipaparaan a maneral ed sikayo? Ag kayo la nadiwit na ontan lan pasnuk da.

Isaias 61:10

Manliket so Jerusalem lapud ginagawa na Katawan. Sikatoy singa nubian akasolung na kawes a para kasal to. Say Dios kinawesan to na kilalaban tan pananalo.

Isaias 62:11

A say Katawan ibabawag tod intiron mundo: “Ibaga yod saray totood Jerusalem A say Katawan onsasabin mangilaban ed sikayo, Kaiba to ray totoon inyagel to.”

Jeremias 12:13

Nantanem na trigo iray totook, balet kasabitan so naani ra; pinasyay impankimey da, balet anggapoy agunggona ra. Lapud mapalalon pasnuk ko ag nambunga ray tantanaman da.”

Jeremias 17:13

Katawan, sika so ilalo na Israel; nabaingan ya amin iray mangikaindan ed sika. Naandipat iran singa saray ngaran a nisulat ed dabuk, lapud inkaindan da ka, say Katawan, say sobul na ambetebetel a danum.

Jeremias 2:32

Nalingwanan ta na marikit iray alahas to, odino say nubia so kawes ton para kasal? Balet nilingwanan ak na saray totook; ag nabilang iray agew ya impangilingwan dad siak.

Jeremias 3:21

Walay nadngel ya eyag ed saray toktok na pokdul; manakakis tan mikakasi ray totood Israel, lapud nambilay irad kasalanan, tan alingwanan day Katawan a Dios da.

Ezekiel 22:12

Wala ray totoom a miuupan mamatey na arum a totoo. Saray arum mapalaloy panagpaabang day kuarta ed saray kapara ran Israelita tan onyayaman irad panaganamut day pankanawnawa ra. Alingwanan da ak.” Say Katawan a Dios so nansalita.

Ezekiel 23:35

Natan sikato ya so ibabaga na Katawan a Dios: “Lapud nilingwanan tan imbeneg mo ak, manirap ka lapud maoges a kaliktan na laman mo tan say impikaloguran mo.”

Oseas 4:6

Adusa ray totook lapud ag da ak bibirbiren a Dios. Sikayon papari et ag yo ak binirbir a Dios yo tan impolisay yo ray bangat ko, kanyan ipolisay ta kayo tan ag ko birbiren a paparik iray anak yon lalaki.

Oseas 8:14

“Nampapaalagey na saray palasio iray totood Israel, balet alingwanan day dilin Amalsad sikara. Nampapaalagey na saray siudad ya aliber na padir iray totood Juda. Balet mangipelag ak na apoy a mamool ed saray palasio tan saray siudad da.”

Joel 1:17

Inaatey ed kinmelang a dalin iray bokel na tanaman. Anggapoy trigon isempen, kanyan aderal-deral la ray kamalir.

Levitico 26:16

dusaen ta kayo. Ipadalan kod sikayoy deral—saray ag natambal a sakit tan say petang na laman a mamulag ed sikayo tan kalkalnan ton oyusey bilay yo. Mantanem kayo balet anggapoy nagonggona yo, ta saray kalaban yo so mangalad saray intanem yo.

Levitico 26:20

Anggapoy nagonggona yod pinasian pansagput yo, lapud ag mangiter na bunga so dalin yo tan ag mambunga so kakiewan yo.

Amos 5:11

Pinapairap yo ray mairap-bilay tan tinatakew yo ray trigo ra. Kanyan ag kayo manayam ed saray marakep a binaton abung ya ipapaalagey yo odino oninom ed alak a manlapud saray mararakep ya ubas ya itatanem yo.

Habacuc 3:18

manliket tan manggayaga ak nin siansia, lapud say Katawan a Dios so manangilaban ko.

Sofonias 1:13

Nasamsam iray kayamanan da tan naderal iray kaabungan da. Ag iran balut makapanayam ed abung ya ipapaalagey da odino natawayan so alak a manlapud itatanem dan kaubasan.”

Deuteronomio 28:30

“Misipanan kayon mangasawa—balet sananey iray mangikasal ed sikara. Mamaalagey kayo na abung, balet ag yo napanayaman. Mantanem kayo na ubas, balet ag yo natawayan so bunga to.

Deuteronomio 32:15

“Minmayaman iray totoo na Katawan, matataba ra ta sawasawaan day kakanen, balet mananumlang irad Katawan. Inkaindan day Dios ya amalsad sikara tan impolisay day makapanyarin manangilaban da.

Deuteronomio 32:18

Alingwanan day Dios da, say makapanyarin manangilaban da, say angiter ed sikara na bilay.

Deuteronomio 32:31

Amta na saray kalaban da a makapoy iray dilin diriyos da, ag da naaligan so makapanyarin Dios na Israel.

Deuteronomio 32:4

“Say Katawan so makapanyarin manangyagel yo, ayadyari tan matonung ya amin so gagawaen to; Matoor tan matwa so Dios yo; say katonungan tan kaptekan so gagawaen to.

Deuteronomio 6:12

ag yon balut lilingwanan so Katawan ya angipaway ed sikayod Egipto ya akaaripenan yo.

Deuteronomio 8:11

“Manalwar kayo, ta ompan nalingwanan yo so Katawan a Dios yo; onur yo ray amin a ganggan to ya iiter kod sikayo natan.

Deuteronomio 8:14

manalwar kayo ta ompan magmaliw kayon mapaatagey tan nalingwanan yoy Katawan a Dios yo ya angipaway ed sikayod Egipto ya akaaripenan yo.

Deuteronomio 8:19

Ag yo lilingwanan so Katawan a Dios yo, ag kayo onsisingger ed saray diriyos a igalang tan panlingkuran yo. No gawaen yo ya, pasakbayan ta kayo natan ya andi-saew ya ompatey kayo.