Isaias 16:7 - Maung A Balita Biblia

⁷ Onnangis iray taga Moab lapud saray gunigon a liliknaen da. Onakis iran amin diad pakanunot dad saray taganon mananam ya inaakan dad siudad na Kirhareset. Naekalan iray ilalo.

Maung a Balita Biblia

⁷ Onnangis iray taga Moab lapud saray gunigon a liliknaen da. Onakis iran amin diad pakanunot dad saray taganon mananam ya inaakan dad siudad na Kirhareset. Naekalan iray ilalo.

Isaias 16:7 Iomraidhean Croise

2 Saray Arari 3:25

tan dinederal da ray siudad da. Kapetek na saray Israelita ed balang mataban alog, tinutupak da na bato anggad atabunan ya amin iray kaalogan. Pinopoletan da ray sobul tan binabatang da ray kakiewan. Diad kaonuran, say manonan siudad na Kir Hares labat so atilak ya ag aderal. Niliktub na saray Israelita, insan dinogpaan da.

1 Saray Awaran 12:40

Manlapud saray ararawin pasen a singa kawalaan da ray tribu di Isacar, Zabulon, tan Neftali, saray totoo et sinmabi ran kaiba da ray asno, kamilyo, mula, tan baka a sankaawit da ray arina, igos, pasas, alak, tan larak na oliba. Nanaawit met ira na saray baka tan saray karniron pateyen tan siraen. Amin da ra ya et angipatnag na liket na intiron bansa.

1 Saray Awaran 16:3

tan binunogan to ran amin na kakanen. Initdan toy balang sakey a laki tan bii ed Israel na sakey a tinapay, sakey a tegteg ya inkalut a karni, tan pigaran pasas.

Isaias 16:11

Manoogaog ak ed ermen lapud agawad Moab tan Kir-hareset.

Isaias 8:19

Ibagad sika na saray totoo a mangipanon kad saray meremere tan mitimiti a pumaparles tan saray managpanon ed saray ispiritu na inaatey. Ikuanda, “Say katwaan to, saray totoo nepeg iran mangipanon ed saray ispiritu, tan ipanonan da ray mabilay ed saray inaatey.”

Jeremias 48:20

‘Naplag la so Moab,’ so iyebat da, ‘nangisan yo; napelag lad kababaingan. Ibawag yod gilig na Ilog na Arnon ya aderal la so Moab!’

Jeremias 48:31

Kanyan nangisan kon amin iray taga Moab tan saray totood Kireres.