Isaias 16:6 - Maung A Balita Biblia

⁶ Saray totood Juda kuanda, “Nadngelan min ontan lay panagpaatagey da ray taga Moab. Amta mi a malastug tan anggapoy pangitaltalek da, balet andi-kana ya amin so ipapangaya ra.”

Maung a Balita Biblia

⁶ Saray totood Juda kuanda, Nadngelan min ontan lay panagpaatagey da ray taga Moab. Amta mi a malastug tan anggapoy pangitaltalek da, balet andikana ya amin so ipapangaya ra.

Isaias 16:6 Iomraidhean Croise

Probirbio 21:24

Ipanengneng mod siak so toon mapaatagey et ipanengneng kod sikay toon malastug, matangsit, tan anggapoy panangasi.

Isaias 15:1

Sikato yay propisiya a nipaakar ed Moab. Aderal a sanlabi iray siudad na Ar tan Kir, tan nakokobutan na bilonget so dalin na Moab.

Isaias 2:11

Onsabiy agew a mansamput so panagpaatagey na too tan naderal so panagpasirayew na amin a katoowan. Insan say Katawan labat so nitanduro ed satan.

Isaias 25:10

Iyagel na Katawan so Palandey na Sion, balet nigatin iray totoo ed Moab a singa kigatin na dayami ed tai na ayep.

Isaias 25:11

Ikapay day lima ran singa ra onlangoy, balet say Dios paabebaen to ra; makapasinagem ya onlereg so lima ra.

Isaias 28:15

Ipapanta yo ya akisipanan kayo ed patey tan akipaknaan kayod pasen a panaayaman da ray inaatey. Ag yo panduaduarowaan a napaliisan yoy deral no onsabi, lapud manmamatalek kayo ya iyagel kayo na saray tila tan saray palikdo.

Isaias 28:18

Magmaliw ya andi-kana so impisipanan yod patey, tan naderal so impipaknaan yod pasen a panaayaman da ray inaatey. Natumba kayon nibasig, no ondalan ed sikayoy deral.

Isaias 44:25

Pagmamaliwen kon andi-kabaliksan iray managbuyon tan andi-kakanaan iray managparles. Susumlangen ko ray salita na saray makabat tan ipapanengneng kod sikaran anggapoy kabaliksan so kakabatan da.

Jeremias 48:14

“Lalakin taga Moab, akin et ipapasen yoy sikayon dili a palbayani, masebeg a sondalon asali la rad bakal?

Jeremias 48:26

Inkuan na Katawan, “Buek yo so Moab, ta linmaban ed siak. Pandokulan toy dilin ota to, tan elek-elekan na saray totoo.

Jeremias 48:42

Naderal so Moab tan magmaliw ya aliwa lan bansa, lapud linmaban ed siak.

Jeremias 50:36

Patey ed saray matitila ton propita— agaylay inkakulang-kulang da! Patey ed saray sondalo to— agaylay inkataktakot da!

Amos 2:1

Say Katawan kuanto, “Nankakasalanan iray totoon taga Moab, kanyan andi-saew a dusaen ko ra. Ag da pinagalangan iray pokel na ari na Edom diad impamool dad sikara ya anggad dinmapol ira.

1 Pedro 5:5

Sikayo ra met a mamalangwer, toluk kayod saray mamatakken. Mampaabeba kayo ya amin tan manlilingkuran kayo, ta onung na ibabagay Masanton Sulat, “Say Dios sumlang ed toon mapaatagey, balet inaro toy toon mapaabeba.”