Isaias 16:4 - Maung A Balita Biblia

⁴ Panayam yo kami pa lad dalin yo. Iyagel yo kamid saray malabay a manderal ed sikami.” (Mangangga so panagpairap tan panagderal, et naandi ray mandederal na bansa.

Maung a Balita Biblia

⁴ Panayam yo kami pa lad dalin yo. Iyagel yo kamid saray malabay a manderal ed sikami. (Mangangga so panagpairap tan panagderal, et naandi ray mandederal na bansa.

Isaias 16:4 Iomraidhean Croise

Isaias 14:4

No gawaen ya na Katawan, nepeg dan ludlureyen so ari na Babilonia tan ikuanda: “Atalo la so maruksan ari! Ag to lan balut mampairap na siopaman!

Isaias 15:6

Nakatan so Kolus na Nimrim, amagaan iray dikad gilig to, tan anggapoy nakdaan a malambut a dika.

Isaias 25:10

Iyagel na Katawan so Palandey na Sion, balet nigatin iray totoo ed Moab a singa kigatin na dayami ed tai na ayep.

Isaias 33:1

Pangaskasiyan iray kalaban mi! Nantakew tan nanlipot ira, anta anggapoy nantakew odino nanlipot ed sikara. Balet mangangga so panaon na pantakew tan say panlipot da, ta natakewan tan nalipotan ira.

Isaias 49:26

Pagmaliwen kon mampapateyan iray mamapairap ed sikayo; nabuek irad pampatey na too. Diad satan naamtaan na amin a katoowan a siak so Katawan, say Mananondon tan Manangilaban yo. Naamtaan da a siak so makapanyarin Dios na Israel.”

Isaias 51:13

Alingwanan yo lay Katawan a nanggawad sikayo, ya angipanat ed katawenan tan angiletneg na saray pundasion na mundo? Akin et antakot kayo lawas ed pasnuk da ray mamapairap ed sikayo, saray sipaparaan a maneral ed sikayo? Ag kayo la nadiwit na ontan lan pasnuk da.

Isaias 54:14

Say inkatonung tan say kaptekan so mamabiskeg ed sika. Niarawi ka ed kaatapan na panamairap tan panagtaktakot.

Isaias 58:7

Itdan yo na kakanen iray narasan tan parawes yod kaabungan yo ray mairap-bilay ya anggapoy abung. Itdan yo na kawes iray anggapoy nipales, tan ag yo papaliisay pakatulong yod saray kakanayon yo.

Isaias 9:4

Maliket ira lapud pinoter moy pakon sasakbaten da tan say bastun a mamepekpek na saray takeb da. Tinalom so bansa ya amairap ed saray totoom, a singa samay impanalom nen saman ed saray sondalo na Madian.

Jeremias 40:11

Legan to ya, amin da ray Israelita a walad dalin na Moab, Ammon, Edom, tan saray arum a bansa, et nadngelan da a say ari na Babilonia et inabuloyan to ray pigaran Israelita a manaayam ed Juda, tan impagmaliw ton gobirnador da si Gedalias.

Jeremias 48:18

Sikayon manaayam ed Dibon, epas kayod tad pasen a kawalaay kagalangan yo tan yorung kayod dabuk; wadya lay managderal na Moab, tan dineral to ray tirinsira to.

Jeremias 48:8

Anggapoy anggan sakey a baley a makapaliis ed panagderal; naderal iray patar tan kaalogan. Siak, say Katawan, so nansalita.

Obadias 1:14

Ag yo nepeg so nanalagey komun ed nansasalipongpongay dalan, pian naerel yo ray ombabatik ya onarawid kalaban. Ag yo nepeg ya impalima ra komun ed saray kalaban da diad samay agew na inkairapan da.

Zacarias 10:5

Saray totood Juda et manalo ran singa saray sondalo a gatin-gatinan dad pitek na daladalan iray kalaban da. Mibakal ira lapud kaiba ra so Katawan, tan taloen da ray anggan kumakabayon kalaban da.

Zacarias 9:8

Guardiaan koy dalin ko tan ag ko padalanen ed dalin ko iray sondalo. Ag ko la abuloyan a pairapen na saray maruksan totoo iray totook. Anengneng ko so ontan lan impanirap na saray totook.”

Malakias 4:3

Diad agew a siak so onggalaw, natalo yo ray maoges, tan magmaliw iran singa dabuk ed silong na saray sali yo.

Lucas 21:24

Ompatey irad ispada, awiten da ran aripenen ed amin a bansa, tan deralen na saray Hintil so Jerusalem, anggad nasumpal so panaon da.”

Saray Taga Roma 16:20

Say Dios a panlalapway kareenan tayo et magano lan pagatin-gatinan toy Satanas ed sikayo. Talimaen kayo komun nen Jesus a Katawan tayo.

Deuteronomio 24:14

“Ag yo sasaolen so mairap-bilay tan walad pankaukolan a miuupan aripen, kapara yo man ya Israelita odino sangkailin manaayam ed sakey ed saray baley yo.

Puyan 11:2

Balet ag mo la susukaten so kuarton walad paway na timplo, ta niiter lad saray Hintil, a sikaray manggatin-gatin ed Masanton Siudad ed loob na apataplo tan duay bulan.