Isaias 16:12 - Maung A Balita Biblia

¹² Saray taga Moab pakekesawen day sikaran dili ed itatatdang dad saray santuariod tagey na pokdul tan diad saray timplo ra; mampipikasi rad man balet anggapoy nagunggona ra.

Maung a Balita Biblia

¹² Saray taga Moab pakekesawen day sikaran dili ed itatatdang dad saray santuariod tagey na pokdul tan diad saray timplo ra; mampipikasi rad man balet anggapoy nagunggona ra.

Isaias 16:12 Iomraidhean Croise

1 Saray Arari 11:7

Diad tapew na palandey ed nibokig na Jerusalem, nanggaway pasen a pangigalangan ed kinen Cemos a makapaingungot a dios na Moab. Nanggawa met na pasen a pangigalangan ed kinen Milcom a makapaingungot a dios na Ammon.

1 Saray Arari 18:29

Nanlalabir-labir tan naneeyag-eyag ira ya anggad onngangarem la; balet anggapoy ebat, anggapoy anggan narengel a tanul.

2 Saray Arari 19:12

Dinederal na saray lalakik iray siudad na Gozan, Haran, Rezef, tan pinapatey da ray totoon taga Eden a manaayam ed Telasar, et anggapod saray diriyos da so akapangyagel ed sikara.

2 Saray Arari 3:27

Kanyan inala toy sankapangulowanan a lakin anak ton onsalat ed sikaton manari, tan imbagat tod dios na Moab diad tapew na padir na siudad. Ataktakot iray Israelita, kanyan sinmoner ira tan amawil la rad dilin bansa ra.

Probirbio 1:28

Diad satan ontawag kayod kakabatan, balet ag ak onebat. Nayarin anapen yo ak ed inerman a pasen, balet ag yo ak narumog.

Isaias 15:2

Onkakalab ed pokdul iray totood Dibon, ta mannangis irad man ed altar. Saray totood Moab mandageyem irad ermen lapud saray siudad na Nebo tan Medeba; kiniskisan day olo ra tan saray balbas da lapud ermen da.

Isaias 16:13

Sikato yay inmonan propisiya na Katawan nipaakar ed Moab.

Isaias 26:16

Dinusam iray totoom, Katawan, tan diad paniirap da nampikasi rad sika.

Isaias 37:38

Aminsan ya agew, nen mangigagalang si Senakerib ed dalem na timplo na dios ton Nisroc, pinatey na duara ed saray anak ton lalaki a di Adramelec tan Sarezer, diad panamegley na ispada, insan batik irad dalin na Ararat. Sakey ed saray anak to a si Esarhadon so sinmalat ed sikaton nanoley.

Isaias 47:13

Mapagpaga ka anggaman ya amayamay iray simbawad sika. Pamparontal mo la natan iray astrologom ta ilaban da ka— saray totoon aaralen day kiwas da ray bitewen, saray totoon mangipapasen na ketegan da ray katawenan tan ibabaga rad sikan binulan no antoy nagawad sika.

Jeremias 10:5

Saratan a talintaoy diriyos et singa ra totoon panagabul na saray manok ed katrigowan; tan ag ira makasalita; nakaukolan a sakbaten ira ta ag ira makaakar. Ag kayo natatakot ed sikara: ag da kayo nayarin pasakitan, tan anggapoy niiter dad sikayon kaabigan.”

Jeremias 48:13

Diad satan saray taga Moab ibaing day dios dan Camos a singa samay inkabaingan da ray Israelita ed Betel, sakey a dios a nanmatalkan da.

Jeremias 48:35

Patondaen ko ray taga Moab ed pangisasaklang dad saray bagat a popoolan diad saray pasen na panangigalangan da tan say pangibabagat dad saray diriyos da. Siak, say Katawan, so nansalita.

Jeremias 48:46

Pangaskasiyan iray taga Moab! Inaatey iray totoon angigalang ed dios a Camos, tan nalan priso iray anak dan lalaki tan bibii.

Jeremias 48:7

“Moab, nanmatalek kad biskeg tan kayamanan mo, balet natan pati sika so naalan nadakep, naalan nibantak ed arum a bansa so dios mon Camos, naala met iray pati prinsipi to tan saray papari to.

Saray Bilang 21:28

Nen saman manlapud sayan siudad na Hesbon Pinmaway a singa apoy iray sondalo nen Sehon; Dineral to so siudad na Ar diad Moab Tan inoput toy kapokdulan na tagey na Arnon.

Saray Bilang 22:39

Kanyan akilay Balaam ed kinen Balak ya anggad baley na Huzot,

Saray Bilang 22:41

Diad kaimbuas intagar nen Balak si Balaam ed Bamot-baal ta manlapud man a pasen nabantag nen Balaam iray arum a kabyangan na saray totood Israel.

Saray Bilang 23:14

Intagar tod alog na Zofim diad toktok na Palandey na Pisga. Nanggawa met diman na pitoran altar, insan angibagat na sakey a bakan kalakyan tan sakey a karniron kalakyan ed kapag altar.

Saray Bilang 23:28

Kanyan intagar toy Balaam ed toktok na Palandey na Peor a tantandagan toy kalawakan.

Saray Bilang 24:17

Sankanengneng ko so arapen a panaon, Et na nengneng ko so bansa na Israel. Walay sakey ya arin singa maliwawan bitewen ya onletaw ed sayan bansa. Singa sakey a komita a manlapud Israel. Kabilen to ray pangulo na Moab Tan tumbaen to ray amin a totoo na Set.