Isaias 16:10 - Maung A Balita Biblia

¹⁰ Anggapo la natan so maliket ed saray mataban kaalogan. Anggapo la ray maneeyagan o mankakantaan ed saray kaubasan. Anggapo lay manggaway alak diad panggagatin dad saray ubas; nansamput lay paneeyagan ed liket.

Maung a Balita Biblia

¹⁰ Anggapo la natan so maliket ed saray mataban kaalogan. Anggapo la ray maneeyagan o mankakantaan ed saray kaubasan. Anggapo lay manggaway alak diad panggagatin dad saray ubas; nansamput lay paneeyagan ed liket.

Isaias 16:10 Iomraidhean Croise

Say Libro nen Job 24:11

Manlarak ira na oliba tan manggawa ray alak na ubas, balet sikaran dili, napgaan ira.

Isaias 24:11

Maneeyag ed saray dalan iray totoo lapud anggapo lay alak. Naandi lay liket; tinmaynan la ed dalin.

Isaias 32:10

Nayarin malikeliket so panagbilay yo natan, balet diad arapen a taon ed onyan panaon manermen kayo lapud anggapoy naborbor yon bungay ubas.

Jeremias 48:33

Naandi ray liket tan gayaga ed mabonan dalin na Moab. Ag ko la papaagosen so alak a manlapud panagpespesan na ubas; anggapo lay manggawa na alak tan anggapo la ray oneyag ed liket.

Ezekiel 7:7

Onsasabi lay pangangga yon totoo a manaayam ed dalin na Israel. Asingger lay isabi na panaon a gewgew labat so nagawa ed saray paganon panagdayewan ed toktok na palandey; anggapo lad satan so narengel a tanul na panliliket.

Joel 1:12

Nalnes iray sengeg na ubas tan saray kiew ya igos; nalnes ya amin iray kiew a mambunga, insan ira inaatey. Naandi lay liket da ray totoo.

Amos 5:11

Pinapairap yo ray mairap-bilay tan tinatakew yo ray trigo ra. Kanyan ag kayo manayam ed saray marakep a binaton abung ya ipapaalagey yo odino oninom ed alak a manlapud saray mararakep ya ubas ya itatanem yo.

Amos 5:17

Walay nagawan panaagugolan ed amin da ray kaubasan. Nagawa ra ya, ta onsabi ak a manusad sikayo.” Say Katawan so nansalita.

Amos 9:13

“Onsabi ray agew,” kuay Katawan, a masiglat niy itobu na saray tanaman ed kaalogan nen say pananid saraya, tan masiglat niy katotobu da ray sengeg na ubas nen say panggawa na alak na ubas. Mangiterter na masamit ya alak iray kapalandeyan, tan mamaagos met na masamit ya alak iray kapokdulan.

Sofonias 1:13

Nasamsam iray kayamanan da tan naderal iray kaabungan da. Ag iran balut makapanayam ed abung ya ipapaalagey da odino natawayan so alak a manlapud itatanem dan kaubasan.”

Saray Huis 9:27

Linma ran amin ed kaubasan da tan namborbor iray bunga, nanggawa ray alak, tan sinilibraan day sakey a pista. Linma rad timplo na dios da a dimay nanaakanan tan naniinoman da tan nanleglemewan dad kinen Abimelec.