Isaias 15:5 - Maung A Balita Biblia

⁵ Kaskasian koy Moab! Batik ed baley na Zoar tan diad Eglatshelishiyah iray totoo to. Manakakis ya ontatatdang ed Luhit iray pigaran totoo; saray arum batik irad Horonaim a maksil so panakakis da lapud sinmabin deral.

Maung a Balita Biblia

⁵ Kaskasian koy Moab! Batik ed baley na Zoar tan diad Eglatshelishiyah iray totoo to. Manakakis ya ontatatdang ed Luhit iray pigaran totoo; saray arum batik irad Horonaim a maksil so panakakis da lapud sinmabin deral.

Isaias 15:5 Iomraidhean Croise

Genesis 13:10

Ninengneng sirin nen Lot so kaliber-liber tan abantag ton say patar na Jordan ya anggad Zoar et dakel so danum to, a singa Tanamanan na Katawan o singa dalin na Egipto. (Diad saman a panaon, ag ni dineral na Katawan so siudad na Sodoma tan say siudad na Gomorra.)

Genesis 14:2

et akibakal irad limaran arari a di Bera na Sodoma, Birsa na Gomorra, Sinab na Adma, Semeber na Ziboiim, tan say ari na Bela (o Zoar).

Genesis 19:22

Ganatan mo! Batik kad man! Anggapoy nagawaan ko ya anggad pakasabim diman.” Lapud imbaga nen Lot a melag iman a baley, atawag na Zoar.

2 Samuel 15:23

Manorangal iray totoo nen tinmaynan iray totoo nen David. Binaliw nen David so Kolus na Cedron, tinombuk na saray totoo to, tan nampaarap iran amin ed kalawakan.

2 Samuel 15:30

Tinmatdang si David ed Palandey na Kaolibaan; manakakis, akasali-sali tan sinakbungan toy olo to a pangipanengneng toy ermen to. Sinakbungan met na amin a totoo to so olo ra tan manakakis met ira.

Isaias 16:14

Balet natan say Katawan kuanto, “Diad loob na dugarugan taloy taon, naandipat so baleg a kayamanan na Moab. Dagdaiset so nakeraan ed saray amayamay a totoo to, tan nakapoyan ira yan nakeraan.”

Isaias 22:5

Sikato yay panaon na gunigon, katalo, tan gewgew ed Patar na Pasingayew, et say Katawan a Dios a Makapanyarin-amin so angyakar na saraya ed sikatayo. Ageba-geba ray padir na siudad tayo, tan makmakbaw ed kapokdulan so tawag na katoowan ya onkekerew na tulong.

Isaias 59:7

Maoges lawas iray plano yo, tan agaylay siglat yon manumpal. Bengat-bengat kayon mamapatey na saray totoon anggapoy kasalanan. Deral tan bagbag so ititilak yo ed inerman a laen yo,

Jeremias 13:17

No ag kayo ondengel, maamut a manakis ak lapud panagpaatagey yo. Manakis ak na ampaipait, tan onagos so luak lapud nalan adakep iray totoo na Katawan.

Jeremias 17:16

Balet, Katawan, ag ta kan balut tinanggoyur a mangyakar na deral ed sikara; ag ko anggan nampilalekan ya onsabiy panaon na gunigon ed sikara. Katawan, kabat mo ya; amtam no antoy imbagak.

Jeremias 4:19

Ag ko la nayarian ya itepel yan sakit! Say panotut! Mampokal a maung so pusok! Say pusok! Ag ak makareen; Narerengel koy tanul na saray trumpita, tan say eyag na bakal.

Jeremias 4:20

Mantotombukan so nagagawan panagderal; aderal-deral so intiron bansa. Biglan aderal iray tuldak; apilat-pilat iray kurtina ra.

Jeremias 48:3

Oneeyag iray totood Horonaim, ‘Panagduksa! Panagderal!’

Jeremias 48:5

Diad dalan a mamaatagey ed Luhit dengel yoy pandageyem da; diad dalan a mamaleksab ed Horonaim, dengel yoy pannangnangis dad kaermenan.

Jeremias 50:46

Diad ontan lan makapasinagem a katalo na Babilonia onggiwgiw ya amin iray bansa ed kaliber-liber to, tan narengel da so panay-ay to.”

Jeremias 9:10

Inkuanko, “Ermenan ko ray kapalandeyan tan akisan ko ray pastolan, lapud minmaga-maga ra; anggapo lay ondadalan ed sikara. Ag la narengel so tanul da ray ayayep; tinmitikyab tan naandi la ray manok tan saray ayayep ed katakelan.”

Saray Bilang 21:29

Pakaskasi kayo la, sikayon taga Moab! Aderal-deral kayo la, sikayon manangigalang ed Kemos! Inyabuloy na dios yo a nadakep na arum a bansa iray lalaki, Tan saray bibii adakep ira na ari na saray Amorreo.