Isaias 15:2 - Maung A Balita Biblia

² Onkakalab ed pokdul iray totood Dibon, ta mannangis irad man ed altar. Saray totood Moab mandageyem irad ermen lapud saray siudad na Nebo tan Medeba; kiniskisan day olo ra tan saray balbas da lapud ermen da.

Maung a Balita Biblia

² Onkakalab ed pokdul iray totood Dibon, ta mannangis iray man ed altar. Saray totood Moab mandageyem irad ermen lapud saray siudad na Nebo tan Medeba; kiniskisan day olo ra tan saray balbas da lapud ermen da.

Isaias 15:2 Iomraidhean Croise

2 Samuel 10:4

Siningkat nen Hanun ira may imbaki nen David, nilabahasan to ray balbas dad kapalduan dapag, pinotut to ya anggad tapi ray kawes da, insan to la ra pinapawil.

1 Saray Awaran 19:4

Siningkat nen Hanun ira may imbaki nen David, nilabahasan to ray balbas da, pinotut to ya anggad tapi ray kawes da, insan to la ra pinapawil.

Say Libro nen Job 1:20

Lapud saya inmalagey si Job tan pinilat toy kawes to a pangipanengneng toy ermen to. Kiniskisan toy olo to tan intiblak tod dalin.

Isaias 14:31

Kolyaot tan kerew kayo na tulong, amin yon totood siudad na Filistia! Takot kayo, amin yo! Ta onsasabin manlalapud baybay so makapal a dabuk—sakey ya olup na saray sondalo ya anggapod sikaray matakot.

Isaias 15:3

Akakawes na sako iray totood daladalan; maermen tan mannangis iray totoo ed saray plasa tan diad saray toktok na abung.

Isaias 16:12

Saray taga Moab pakekesawen day sikaran dili ed itatatdang dad saray santuariod tagey na pokdul tan diad saray timplo ra; mampipikasi rad man balet anggapoy nagunggona ra.

Isaias 16:7

Onnangis iray taga Moab lapud saray gunigon a liliknaen da. Onakis iran amin diad pakanunot dad saray taganon mananam ya inaakan dad siudad na Kirhareset. Naekalan iray ilalo.

Isaias 22:12

Diad saman, say Katawan a Dios a Makapanyarin-amin et tinatangguyor to kayon manakis tan manermen, mangiskis na kaoloan yo tan mankawes na sako.

Isaias 3:24

Anta mampabalingit ira komun, naboluk ira; anta mambalkes ira komun na balibali, mambalkes iray magasgasal a lobir; anta marakerakep komun so buek da, nakiskisan so olo ra; anta mankawes ira komun na marakerakep, lupot so ikawes da; magmaliw a makapabaing so ganggana ra!

Jeremias 3:21

Walay nadngel ya eyag ed saray toktok na pokdul; manakakis tan mikakasi ray totood Israel, lapud nambilay irad kasalanan, tan alingwanan day Katawan a Dios da.

Jeremias 47:2

Inkuanto: “Nengneng yo! Onaatagey so danum ed baybay, tan maples ya onagos a singa ilog no delap. Delapen toy dalin tan amin a logan to, saray siudad tan saray totoon manaayam diman. Saray totoo oneyag iran onkerew na tulong; onakis na ampaipait ya amin iray katoowan.

Jeremias 47:5

Sinmabiy baleg a kaermenan ed saray totood Gaza, tan ag oneseesel iray totood Ascalon. Kapigan ontonda so panermen na saray arum a Filisteo?

Jeremias 48:1

Sikato yay inkuan na Katawan a Makapanyarin-amin nipaakar ed Moab: “Kaskasian iray totoo ed Nebo— aderal so baley da! Adakep so Kiryataim, ageba so mabiskeg a tirinsira to, tan abaingan ed kababaingan iray totoo to;

Jeremias 48:18

Sikayon manaayam ed Dibon, epas kayod tad pasen a kawalaay kagalangan yo tan yorung kayod dabuk; wadya lay managderal na Moab, tan dineral to ray tirinsira to.

Jeremias 48:31

Kanyan nangisan kon amin iray taga Moab tan saray totood Kireres.

Jeremias 48:35

Patondaen ko ray taga Moab ed pangisasaklang dad saray bagat a popoolan diad saray pasen na panangigalangan da tan say pangibabagat dad saray diriyos da. Siak, say Katawan, so nansalita.

Jeremias 49:3

Totoon taga Hesbon, eyag kayo! Aderal la so Ai! Bibiin taga Rabba, manermen kayo! Mankawes kayoy sako tan manermen kayo. Mambatik-batik kayon ag yo amtay gagawaen yo. Naalad arum a bansa so dios yon Moloc a pati saray papari tan saray prinsipi to.

Jeremias 7:29

“Manermen kayo, sikayo ran totood Jerusalem; potut yoy buek yo, insan yo ibantak. Manogtog kayod toktok na kapok-dulan na makapaermen, ta siak, say Katawan, impolisay tan inkaindan ko ra yan totoo a pamapasnukan ko.

Ezekiel 27:31

Lapud sika kinikiskisan day olo ra Tan nankakawes iray sako. Maninget so pagew da legan dan onaakis.

Ezekiel 30:2

Inkuanto, “Sika a toon ompatey, mampropisiya ka tan ibawag mo so ibabagak, siak a Katawan a Dios. Nepeg mon ikulyaot ira yan salita: Onsasabi lay agew a makapataktakot!

Ezekiel 7:18

Mankawes iray sako lapud ermen tan ompayegpeg so intiron laman. Nakiskisan so kaoloan da tan napelag iran amin ed kababaingan.

Levitico 13:40

No say sakey a too et ayangyangan ed beneg na olo to odino diad arap na olo to, sikatoy aliwan marotak no ag ta yangyangan labat.

Levitico 21:5

“Say pari ag nepeg a labahasan toy anggan dinan a parti na olo to, ni potutan toy balbas to odino salsalgeren toy laman to diad pangipanengneng toy paneermen to.

Amos 8:10

Pagmaliwen kon panagermen iray pista yo tan salatan ko na panagugol lapud ermen iray maliket a kansion yo. Pankiskisen ta kayo na kaoluan yo tan pansulongen ta kayoy sako, tan magmaliw kayon singa saray atateng a maermen lapud impatey na saksakey ya anak dan laki. Diad satan ya agew mapalaloy ermen da ray totoo ya anggad samput.

Saray Bilang 21:28

Nen saman manlapud sayan siudad na Hesbon Pinmaway a singa apoy iray sondalo nen Sehon; Dineral to so siudad na Ar diad Moab Tan inoput toy kapokdulan na tagey na Arnon.

Saray Bilang 21:30

Balet natan aderal la ray kabyangay boleg da, Manlapud Hesbon ya anggad Dibon, Manlapud Nasim ya anggad Nofa a kaabay na Medeba.”

Saray Bilang 32:3

“Sayan dalin ya asakup na saray Israelita diad pananulong na Katawan—saray baley na Atarot, Dibon, Jazer, Nimra, Hesbon, Eleale, Sibma, Nebo, tan Beon—et balibalin dalin a para baka, et dakerakel iray baka mi.

Saray Bilang 32:38

Nebo, Baal-meon (asalatan so ngaran na sayan baley) tan Sibma. Iniitdan da na balon ngaran iray baley a pinapasimbalo ran impaalagey.

Deuteronomio 14:1

“Sikayo ray totoo na Katawan a Dios yo. Kanyan no manermen kayod inatey, ag yo sasalgeren so laman yo o kikiskisan so arap na olo yo.

Deuteronomio 34:1

Manlapud saray patar na Moab si Moises linmad Palandey na Nebo, tan kinmalab ed toktok na Palandey na Pisga a nibokig na Jerico, tan diman impanengneng ed sikato na Katawan so intiron dalin na Canaan: say dalin na Galaad ya anggad baybay diad baley na Dan;