Isaias 14:4 - Maung A Balita Biblia

⁴ No gawaen ya na Katawan, nepeg dan ludlureyen so ari na Babilonia tan ikuanda: “Atalo la so maruksan ari! Ag to lan balut mampairap na siopaman!

Maung a Balita Biblia

⁴ No gawaen ya na Katawan, nepeg dan ludlureyen so ari na Babilonia tan ikuanda: Atalo la so maruksan ari! Ag to lan balut mampairap na siopaman!

Isaias 14:4 Iomraidhean Croise

2 Saray Awaran 36:18

Say ari na Babilonia inala to ray kagawaan ed Timplo, saray kayamanan a walad panagsinupan ed Timplo, tan saray kayamanan na ari tan saray opisyal to, insan to ra inawit ya amin ed Babilonia.

Isaias 13:1

Sikato yay propisiya a nipaakar ed Babilonia, say propisiya ya impuyan na Dios ed kinen Isaias a lakin anak nen Amoz.

Isaias 13:19

Say Babilonia et sankarakepan ed amin da ray nanarian; ikikinon na saray totoo to. Balet siak a Katawan, temeken ko a singa samay ginawak ed Sodoma tan Gomorra!

Isaias 14:17

Ag ta saya man so toon aneral ed saray siudad tan impagmaliw ton kalawakan so mundo? Ag ta sikato ya may toon ag balut angibolus ed saray adakep to odino amasempet ed sikara?”

Isaias 14:5

Inekal la na Katawan so pakayari na saray maoges a manoley,

Isaias 14:6

a diad gaway petang na olo ra et pinapairap da ray totoo tan ag iran balut tinmonda a nampapairap ed saray bansan adakep da.

Isaias 16:4

Panayam yo kami pa lad dalin yo. Iyagel yo kamid saray malabay a manderal ed sikami.” (Mangangga so panagpairap tan panagderal, et naandi ray mandederal na bansa.

Isaias 21:2

Nipasingayew ed siak so nipaakar ed saray maruksan nagawa a nipaakar ed panagtraidor tan panagderal. Sondalo na Elam, dogpa kayo! Sondalo na Media, looban yo ray siudad! Panganggaen la na Dios so panamairap na Babilonia.

Isaias 47:5

Say Katawan kuantod Babilonia, “Yorung kan andi eseesel tan dia kad ambilonget a pasen; ag da ka la tawagen a riyna na saray bansa!

Isaias 49:26

Pagmaliwen kon mampapateyan iray mamapairap ed sikayo; nabuek irad pampatey na too. Diad satan naamtaan na amin a katoowan a siak so Katawan, say Mananondon tan Manangilaban yo. Naamtaan da a siak so makapanyarin Dios na Israel.”

Isaias 51:13

Alingwanan yo lay Katawan a nanggawad sikayo, ya angipanat ed katawenan tan angiletneg na saray pundasion na mundo? Akin et antakot kayo lawas ed pasnuk da ray mamapairap ed sikayo, saray sipaparaan a maneral ed sikayo? Ag kayo la nadiwit na ontan lan pasnuk da.

Isaias 51:23

Iter ko lad saray nampapairap ed sikayo, saray amarokul ed sikayo ed saray dalan, insan da kayo ginagatinan a singa kayo dotak.”

Isaias 54:14

Say inkatonung tan say kaptekan so mamabiskeg ed sika. Niarawi ka ed kaatapan na panamairap tan panagtaktakot.

Isaias 9:4

Maliket ira lapud pinoter moy pakon sasakbaten da tan say bastun a mamepekpek na saray takeb da. Tinalom so bansa ya amairap ed saray totoom, a singa samay impanalom nen saman ed saray sondalo na Madian.

Jeremias 24:9

Iyakar kod sikara yan deral pian ontakot iray amin a bansa ed mundo. Ludlureyen ira na saray totoo, sutil-sutilen da ra, balbalawen da ra, tan ikana ran sakey a samba so ngaran da anggan iner a pasen a pangikayatan kod sikara.

Jeremias 48:17

“Panermenan yo man a bansa, sikayon manaayam ed kaliber-liber to, amin yon makaamta ed inkabantug to; Kuanyo, ‘Apoter lay makapanyarin panooley na Moab; naandi lay kagalangan tan biskeg to.’

Saray Tagleey 4:1

Binmurarog la so kirlap na balituk tayo; ataytayak ed saray dalan iray bato na Timplo;

Ezekiel 5:15

“No ampetang so olok tan mapalaloy pasnuk kod sikayo tan dusaen ta kayo, nataktakot ya amin iray bansan walad kaliber-liber yo. Naingungotan iran onnengneng ed sikayo, tan ludlureyen da kayo.

Daniel 2:38

Impagmaliw to kan manoley ed amin a pasen a kawalaan na totoo tan manoley ed amin da ray ayayep tan amin da ray manok. Sika may olon balituk.

Habacuc 2:17

Binabatang yoy kakiewan ed takel na Libano; sikayo natan so nabatang. Pinapatey yo ray ayayep to; taktakoten kayo natan na ayayep. Onyay nagawad sikayo lapud saray impanpapatey yod saray totoo tan lapud impanduduksa yod saray totood mundo tan saray siudad to.

Puyan 17:6

Anengneng kon samay bii abuek na dala da ray totooy Dios tan saray pinapatey lapud matoor irad kinen Jesus. Mankelaw ak a maung nen anengneng ko may bii.

Puyan 18:16

tan ikuanda: “Makapataktakot so agawad sayan makapanyarin siudad! Gendat ya akakawes na lino, abel a purpura tan ambalanga. Gendat met a mangikakanay balituk, mabmabli ran bato, tan pirlas a pampaganggana!

Puyan 18:20

Manliket ka, O tawen, ta aderal la! Manliket kayo, sikayo ran totoon piniliy Dios, sikayo ran apostol, tan sikayo ran propita! Ta sinintinsiaan la na Dios lapud ginagawa tod sikayo!