Isaias 14:32 - Maung A Balita Biblia

³² Antoy iyebat mid saray nibakin nanlapud Filistia? Ibaga mid sikara ya inletneg na Katawan so Sion tan saray maniirap a totoo to et makalmo rad man na salimbeng.

Maung a Balita Biblia

³² Antoy iyebat mid saray nibakin nanlapud Filistia? Ibaga mid sikara ya inletneg na Katawan so Sion tan saray maniirap a totoo to et makalmo rad man na salimbeng.

Isaias 14:32 Iomraidhean Croise

2 Samuel 8:10

Kanyan imbaki toy lakin anak to a si Joram a mangilugay ed kinen Ari David tan mangitanduro ed sikato lapud impanalo tod kinen Hadadezer, ya amimpigan akalaban nen Toi. Initdan nen Joram si David na saray rigalon ginawad balituk, pilak, tan gansa.

Saray Salmo 102:16

No ipaalagey lamet na Katawan so Sion, ipaamta toy kagalangan to.

Saray Salmo 102:28

Mambilay ya arawid kaatapan iray anak mi, tan diad silong na panangyagel mo mambilay ya ag nasigensigen iray kabyangay boleg da.

Saray Salmo 48:4

Nantitipon iray arari tan dinmago ran dinmogpa ed Palandey na Sion.

Saray Salmo 87:1

Inletneg na Katawan so siudad to diad tapew na masanton palandey;

Saray Salmo 87:5

Nipaakar ed Sion, nibaga a sakop ton amin iray bansa, tan pabiskegen na Makapanyarin-amin.

Probirbio 18:10

Say Katawan et singa mabiskeg a torin nasalimbengan na saray totoon matonung, pian niarawi rad kaatapan.

Isaias 11:4

onung ed kaptekan so panintinsia tod saray mairap-bilay, tan iyagel to ray katonungan da ray pakaskasi. Diad ganggan to nadusa ray katoowan, tan ompatey iray totoon maoges.

Isaias 12:6

Maneyag tan mankanta kayod liket, sikayon manaayam ed Sion! Matalonggaring so masanton Dios na Israel, tan manaayam ed kawalaan da ray totoo to.”

Isaias 25:4

Sinmingger ed sika iray mairap-bilay tan saray walad pankaukolan, et niarawi rad kaatapan ed panaoy gunigon. Iitdan mo ray salimbeng no panaoy bagyo tan say siruman no mapalaloy petang. Saray maruksan totoo ondodogpa ran singa bagyo no panaoy ambetel,

Isaias 28:16

Balet natan saya so kuan na Katawan a Dios; “Mangipapasen ak ed Sion na mabiskeg tan baleg a pundasion. Mangililira ak ed pundasion na baleg a baton suyok ya akapangisulatan na sarayan salita, ‘Maanos met so malet a pananisia.’

Isaias 29:19

Saray duruka tan mapaabeban totoo et narumog da lamet so liket ya iiter na Katawan a masanton Dios na Israel.

Isaias 37:32

Wala ray mansiansian mabilay a totood Jerusalem tan Palandey na Sion, ta ginetma la na Makapanyarin-amin a Katawan a gawaen to yan andi-saew.”

Isaias 37:9

Nadngelan na impirador na Asiria a diad panangipangulo nen Ari Tirhaka na Etiopia onsasabi ray sondalon ondogpad sikato, kanyan nansulat ed kinen Ari Ezekias

Isaias 39:1

Legan to yan panaon say ari na Babilonia a si Merodac-baladan a lakin anak nen Baladan et nadngelan ton nansakit si Ari Ezekias; kanyan impawitan to na sulat tan rigalo.

Isaias 4:6

Say kagalangan na Dios tarungan toy siudad pian ag napetangan no agew tan pagmaliwen ton pasen ya arawid kaatapan, pasen a siruman no walay oran tan bagyo.

Isaias 44:28

Ikokuankod kinen Ciro, ‘Sikay mangilaman ed siak a manoley; onuren mo so labay kon pagawad sika; iganggan mon nipaalagey lamet so Jerusalem tan nilira iray pundasion na Timplo.’”

Isaias 54:11

Say Katawan kuanto, “O Jerusalem, sika a maniirap tan kaskasian a siudad, tan anggapoy manligliwad sika, saray mabmablin bato so ikanak ed pamaalagey ko lamet na saray pundasion mo.

Isaias 57:13

No onkerew kayoy tulong, pailaban kayod saratay talintaoy diriyos yo. Diad sakey a siplug na dagem, nibantak ira! Balet saray manmamatalek ed siak et nakayaryan day dalin tan igalang da ak ed Timplok.”

Ezekiel 48:35

Say intiron karokey na samay padir diad apatiran dapag et siam a libo, walon lasus tan walomplon mitro. Manlapud natan say nepeg a ngaran na siudad et “Wadya-so Katawan!”

Sofonias 3:12

Mangikera ak diman na mapaabeba ran totoo ya onsingger iran onkerew ed siak na tulong.

Zacarias 11:11

Kanyan naandi lad saman ya agew so sipanan. Bambantayan ak ed saman na saramay sumasaliw tan lumalako ed saray karniro, et amta ra a misasalita so Katawan diad panamegley na ginawak.

Zacarias 11:7

Saray sumasaliw tan lumalako na karniro et inupaan da ak, tan magmaliw ak a pumapastol na saray karniron papatasen. Angawit ak na duaran bastun; say sakey tinawag ko na “Panangasi” tan say sakey “Pankakasakey.” Inasikasok imay poluk na karniro.

Mateo 16:18

Kanyan kuankod sika: sakey kan baton-dampay, Pedro, tan diad tapew na sayan baton-dampay a pundasion, ipaalagey koy iglisiak ya ag taloen na anggan say pakayari na patey.

Saray Hebreo 11:10

Ta inalagar nen Abraham so siudad ya ag naderal iray pundasion to. Implano tan impaalagey na Dios yan siudad.

Saray Hebreo 12:22

Balet say sininggeran yo say Palandey na Sion tan say siudad na Dios a mabilay, say mangatatawen a Jerusalem, a kawalaay libo-libo ran anghil.

Santiago 2:5

Dengel kayo, inararok iran agagi! Ag ta say Dios pinili to ray mairap-bilay ed tapew na dalin ya onyaman ed pananisia tan manawir ed Panarian ya insipan tod saray mangaarod sikato?