Isaias 14:22 - Maung A Balita Biblia

²² Say Katawan a Makapanyarin-amin kuanto, “Dogpaan koy Babilonia tan deralen ko. Anggapoy ikerak ya ogaw odino siopaman a mabilay. Siak, say Katawan, so nansalita.

Maung a Balita Biblia

²² Say Katawan a Makapanyarin-amin kuanto, Dogpaan koy Babilonia tan deralen ko. Anggapoy ikerak ya ogaw odino siopaman a mabilay. Siak, say Katawan, so nansalita.

Isaias 14:22 Iomraidhean Croise

1 Saray Arari 14:10

Lapud saya deralen koy boleg mo tan pateyen kon amin iray lakin kabyangay boleg mo, malangwer may matakken. Paandipaten koy pamilyam; magmaliw iran singa dotak a pinoolan na sakey a too.

Saray Salmo 12:6

Napanmatalkan iray salita na Katawan; singa ra tuan pilak a pinapuron amimpito ed palbaan.

Probirbio 10:7

Nanunotan a sakey a bindision so toon matonung, balet nalingwanan a tampol so toon maoges.

Isaias 13:5

Onsasabi ran nanlapud ararawin bansa diad saray samput na dalin. Diad pasnuk na Katawan onsasabi a maneral ed intiron bansa.

Isaias 21:9

Kabebekta nitan la ray lalaki, akakabayo ra tan sanderwa ran nanoolup. Imbawag na samay guardia, “Atalo lay Babilonia! Walad dalin tan atemektemek iray amin a talintaoy diriyos a gagalangen da.”

Isaias 43:14

Say masanton Dios na Israel, say Katawan a Mananondon yo, kuanto, “Diad pangilaban kod sikayo, mangibaki ak na saray sondalo a mibakal ed Babilonia; igebak iray puirta na siudad, et magmaliw ya akis so eyag na saray totoo to.

Jeremias 50:3

“Sakey a bansa ed baybay so sinmabi lan ondogpa ed Babilonia, tan pagmaliwen ton andi-kakanaan a pasen. Ibatikan na saray totoo tan saray ayayep, tan anggapoy manayam diman.”

Nahum 1:14

Sikato yay ingganggan na Katawan nipaakar ed saray taga Asiria: “Naoput iray kabyangay boleg da a mangikayat na ngaran da. Deralen ko ray talintaon walad saray timplo da ray diriyos da. Mangipaparaan ak na lobuk a para saray taga Asiria—ag da kanepegay mambilay!”