Isaias 14:1 - Maung A Balita Biblia

¹ Kasian lamet na Katawan iray totoo ton Israelita tan pilien to ran kayaryan to. Panayamen to ra lamet ed saray dilin dalin da, tan ondago ray sangkaili tan miayam irad sikara.

Maung a Balita Biblia

¹ Kasian lamet na Katawan iray totoo ton Israelita tan pilien to ran kayaryan to. Panayamen to ra lamet ed saray dilin dalin da, tan ondago ray sangkaili tan miayam irad sikara.

Isaias 14:1 Iomraidhean Croise

Ester 8:17

Inerman a luyag o siudad ya angibasaan ed samay ganggan na ari, nampipista ray Judio, nanliliket, tan nanggagayaga ra. Dakel ed saray arum a totoo so nagmamaliw a Judio, lapud antakot da la ra.

Saray Salmo 102:13

Ombangon ka tan kasian moy Sion; sinmabi lay oras na pangasim ed sikato; sikato yay manepeg a panaon!

Saray Salmo 102:14

Saray aripen mo aaroen da so Sion, anggan aderal la; kakasian da, anggan abagbag la.

Saray Salmo 143:12

Lapud ag mangoman a panangarom ed siak, patey mo pa ray kalaban ko, tan deral mo ray amin a managpairap ed siak, ta aripen mo ak.

Saray Salmo 98:3

Sinumpal toy insipan tod saray totood Israel, a katekep toy ag mangoman a panangaro tan say inkatoor tod sikara. Anengneng na amin a katoowan so impanalo na Dios tayo.

Isaias 19:18

No onsabiy tan a panaon, say salitan Hebreo so ikana na saray totoo ed saray limaran siudad ed Egipto. Mansamba ra ed ngaran na Katawan a Makapanyarin-amin. Say sakey a siudad natawag na “Siudad na Agew.”

Isaias 21:1

Sikato yay propisiya a nipaakar ed Babilonia. Say deral a manlalapud makapatak-takot a pasen et onsabin singa alimbusabos ya ombebeltang ed kalawakan.

Isaias 27:6

Diad saray agew ya onsabi saray totood Israel a kabyangan iray boleg nen Jacob et manlamut iran singa kiew, insan ira manrosas tan mansimit. Say sankamundoan napano na bunga ra.

Isaias 41:8

“Balet sikayo, Israelitan aripen ko, sikayo ray totoon pinilik saray kabyangay boleg nen Abraham a kaarok.

Isaias 41:9

Inala ta kayon manlapud saray samput na dalin; tinawag ta kayod saray sankaarawian a sokung na mundo tan kuantod sikayo, ‘Sikayo ray aripen ko.’ Ag ta kayo impolisay, no ag ingen pinili ta kayo.

Isaias 44:1

Say Katawan kuanto, “Dengel ka natan, Israel, ya aripen ko, saray totoon pinilik, saray kabyangay boleg nen Jacob.

Isaias 45:14

Say Katawan kuantod Israel, “Kayaryanen mo ray kayamanan ed Egipto tan Sudan, tan magmaliw ya aripen mo iray atatagey a totood Seba; akagolunggolung iran ontombuk ed sika. Ondakmomo rad sika tan ibawag da, ‘Walad sika so Dios—sikato labat so Dios.

Isaias 47:1

Say Katawan kuanto, “Babilonia, epas kad tan ed tronom tan yorung kad dabuk ed dalin. Nen saman singa ka sakey a birhin, sakey a siudad ya ag natalo, balet natan aliwa ka lan anlemek tan masimpit! Aripen ka la natan!

Isaias 49:10

ag iran balut naerasan odino naapgaan. Ag ira napasakitan na petang na agew tan makasinit a dagem, ta iwanwan ira na samay maarod sikara. Iwanwan to rad abay na sobul na danum.

Isaias 49:13

Mankanta kayo, sikayon katawenan! Eyag kad liket, sikan mundo. Maksil a mankanta komun iray kapalandeyan! Ligliwaen na Katawan iray totoo to; kasian to ray totoon maniirap.

Isaias 49:15

Kanyan say Katawan oneebat, “Nalingwanan ta na ina so mansususon anak to tan ag to aroen so ogaw ya inyanak to? Anggan nalingwanan na ina so anak to, siak ag ta kayon balut nalingwanan.

Isaias 49:25

Say Katawan kuanto, “Ontan so nagawa. Nibatik iray priso na sondalo tan naala so asamsam na maruksan too. Labanan koy siopaman ya onlaban ed sikayo, tan iyagel ko ray anak yo.

Isaias 49:7

Say masanton Dios tan manangilaban na Israel kuanto ed bansan mapalaloy kababalaw to, a kabosul na saray bansa tan aripen na saray manoley: “Saray arari nanengneng dan nibolus ka tan onalagey ira diad pamagalang da; nanengneng met na saray prinsipi so kabolus mo tan ondakmomo ra diad pangigalang dad sika.” Nagawa ya lapud say Katawan pinili toy aripen to; say masanton Dios na Israel susumpalen to ray sipan to.

Isaias 54:3

Paawangen moy ketegan mo ed amin a dapag; nabawi na saray totoo so dalin a panaayaman natan na saray arum a bansa. Napano na saray totoo iray siudad ya ataynan ira natan.

Isaias 55:7

Saray makasalanan a totoo et ibeneg da komun so kabibilay da tan omanen day panagnunot da. Ompawil ira komun ed Katawan a Dios tayo, ta mapangasi tan sipaparaan a mamirdona.

Isaias 56:3

Say toon taga arum a bansa ya akikasakey ed saray totoo na Katawan et ag to nepeg ya ikuan, “Say Katawan ag to ak pangigalangen a kaibak iray totoo to.” Say toon kapun ag ton balut nepeg a nunoten a lapud ag to makaanak et ag to makapikasakey ed saray totooy Dios.

Isaias 60:10

Say Katawan kuantod Jerusalem, “Pasimbaloen ya ipaalagey na saray sangkaili iray padir mo, Tan panlingkuran ka na saray arari ra. Diad gaway pasnuk ko dinusa ta ka, Balet natan abageyen tan kasian ta ka.

Isaias 60:14

Saray anak na saramay nampapairap ed sika et ondago ra Tan ondakmomo ra a pamagalang dad sika. Amin da ra may nambabalaw ed sika et igalang da kad saliyan mo. Tawagen da kan ‘Say Siudad na Katawan.’ ‘Sion, say Siudad na masanton Dios na Israel.’

Isaias 66:20

Manlapud saray bansa papawilen da ray kadalaan yo a sikaray rigalod siak. Iyakar da rad masanton palandey ed Jerusalem ya akakabayo rad mula, kabayo, tan diad saray kamilyo, tan saray arum akalogan irad karwahi tan diad saray kariton, a singa saray Israelita a mangyaakar ed Timplo na saray bagat da a trigo ya akakargad saray pananginan a malinis onung ed ganggan.

Jeremias 16:15

Ingen mansamba rad siak a mabilay a Dios ya angipaway ed saray totood Israel manlapud dalin ed baybay tan manlapud amin a bansan angikaykayatan kod sikara. Ipawil ko rad dilin bansa ra, say dalin ya inter kod saray lalaki ra. Siak, say Katawan, so nansalita.”

Jeremias 29:14

On, kuankod sikayo, narumog yo ak, insan papawilen ta kayod dalin yo. Tiponen ta kayo manlapud balang bansa tan balang lugar ya angikayatan kod sikayo, insan papawilen ta kayo ed dalin yo a dimay amadakepan kod sikayo. Siak, say Katawan, so nansalita.’

Jeremias 30:8

Say Katawan a Makapanyarin-amin kuanto: “No nasabi tan ya agew, poteren koy pakon walad tenger da tan ekalen koy akagolunggolung ed sikara. Ag la rad satan aripenen na saray taga arum a bansa.

Jeremias 31:4

Pasimbaloen ko so kipapasen yo a totook. Alaen yo lamet iray tamborin yo tan maliket kayon mansayaw-sayaw.

Jeremias 50:33

Say Katawan a Makapanyarin-amin kuanto, “Napapairap iray taga Israel tan saray taga Juda. Mapeget so pangguaguardiad sikara na saray anakep ed sikara tan ag da ra ibolus.

Jeremias 51:51

Kuanyo, ‘Naplag kamid kababaingan tan apabaingan kami; sigput ya apanbanday kami lapud saray taga arum a bansa et sinmalin irad saray masanton pasen ed Timplo.’

Ezekiel 16:60

Balet ag ko lingwanan imay impisipanan kod sika nen ogaw ka ni, tan migawaan ak ed sika na sipanan a magnayon.

Ezekiel 47:22

kayaryan yo ya anggad angga. No apagen yo so dalin nepeg a wala met so betang na saray sangkailin manaayam ed kawalaan yo tan nianak dia ray anak da. Nepeg ya ipasen yo ran singa say kipapasen na peteg ya Israelita tan nepeg a mikaot irad saray tribu na Israel diad pangala ray betang da.

Zacarias 1:17

Samay anghil imbaga to met ed siak ya ibawag ko: “Ibabaga na Makapanyarin-amin a Katawan ya onaligwas lamet iray siudad to tan tulongan to lamet so Jerusalem, tan pilien to lamet a kayaryan ton dili so siudad to.”

Malakias 1:11

Igagalang ak na amin a totoo ed amin a sukong na mundo. Inerman a pasen saray totoo mamopool ira na insinso a para siak tan mangisasaklang ira na makapaliket a bagat. Igagalang da ak ya amin!

Lucas 1:54

Sinumpal toy insipan tod saray lalaki tayo, diad impanulong tod aripen ton Israel;

Lucas 2:32

Say silew a mamaliwawad saray Hintil, tan mangiter na dayew ed bansam ya Israel.”