Isaias 13:8 - Maung A Balita Biblia

⁸ Ontakot iran amin tan manirap iran singa biin mampapasakit. Diad gaway takot da mannenengnengan ira, tan ombalangay lupa rad kababaingan da.

Maung a Balita Biblia

⁸ Ontakot iran amin tan manirap iran singa biin mampapasakit. Diad gaway takot da mannenengnengan ira, tan ombalangay lupa rad kababaingan da.

Isaias 13:8 Iomraidhean Croise

2 Saray Arari 19:26

Anggapoy agawaan na saray totoon manaayam diman. Ataktakot ira tan akatanga ran nikelawan. Nagmaliw iran singa dikad alog odino dikan tinmubod toktok na abung ya alenes ira diad insiplug ed sikara na ampetapetang a dagem.

Saray Salmo 48:7

singa saray bapor ya ipapalig-palig na maksil a bagyo.

Isaias 26:17

Sika, Katawan, so makasengeg na impanayay mi, a singa panayay na biin mampapasakit.

Jeremias 13:21

Antoy ibagam no saray totoon abaloan mon kakaarom et dakepen tan oleyan da ka? Manirap kan singa biin manaanak.

Jeremias 30:6

Tonda kayo natan, ta mannunot kayo! Mananak ta na sakey ya ogaw so laki? Akin sirin et sankanengneng koy balang laki a sankabembenan toy eges to a singa biin mampapasakit? Akin et ampoti-potiy bosaleg na balang sakey a too?

Jeremias 4:31

Akadngel ak na akis na singa biin mampapasakit lan mananak, eyag na sakey a biin mangibubuknak na pangulowan ton anak. Akis na Jerusalem ya abot-aboten toy linawa to, iyoonat toy lima to tan kuanto, “Pangaskasiyan ak! Onsasabi la ran mamatey ed siak!”

Jeremias 46:5

“Balet antoy nanenengneng ko?” tepet na Katawan. “Ompopoliktar irad takot. Mapalaloy kakairapan na saray sondalo ra; diad gaway takot dan amin, gagawaen day anggay nayarian dan ombatik, tan ag la ra onlilingaw.

Jeremias 48:41

tan nadakep iray baley tan saray tirinsira. Diad satan ya agew ontakot a singa biin mampapasakit iray sondalo na Moab.

Jeremias 49:22

Say kalaban dogpaan toy Bozra; singa agilan onsibar ya akabuskag iray payak to. Diad satan ya agew saray sondalo na Edom ontakot ira a singa biin mampapasakit.”

Jeremias 49:24

Nagmaliw a maletey iray taga Damasco tan batik irad takot da. Manlilikna ray kairapan tan pakaskasi ran singa biin mampapasakit.

Jeremias 50:43

Nererengel na ari na Babilonia so balita, tan alaylay iray taklay to. Mapalaloy paneermen to, tan paniirap to a singa sakey a biin mampapasakit.

Jeremias 51:30

Tinondaan la na saray sondalo na Babilonia so mibakal tan nanayam la rad tirinsira ra. Nakalan iray biskeg na linawa, tan nagmaliw iran singa bibii. Ageba ray puirta na siudad tan apoolan iray kaabungan.

Ezekiel 20:47

Ibagam ed takel ed abalaten so ibabagak, siak a Katawan a Dios: Nengneng yo! Mangigapo ak na pool, et poolan toy amin a kiew a walad sikayo, mabilay may inatey. Anggapoy makasebseb ed sayan pool. Onkayamkam manlapud baybay ya anggad abalaten, tan nalikna na balang sakey a too so petang na pool.

Oseas 13:13

Say Israel et walay pankanawnawa ton mambilay, balet sikatoy makulang-kulang ta ag to ya inanamut a pankanawnawa to—aliling toy sakey ya ogaw a ngalngali la omboknak ed eges na ina to, balet ag to labay so ompaway.

Joel 2:6

Diad isasabi ra, natatakot ya amin so katoowan; ampoti-potiy bosaleg dan amin.

Nahum 2:10

Aderal la so Ninive, ataynan lan begtebegtew! Napoponaw ed takot iray kapusuan, mankalog iray pueg, naandi lay biskeg; mampotiy bosaleg iray kalupaan.

Juan 16:21

No mampasakit lay malokun a bii, maermen lapud asabi lay oras na panirap to. Balet no nianak lay ogaw, nalingwanan to lay kairapan to, lapud liket tod impaway ed mundo na sakey a too.

1 TESALONICA 5:3

No ikuay totoo, “Mareen tan anggapoy kaatapan,” biglan onsabid sikaray kadederal. Ag ira makaliktar ta say isabi to et singa isabiy panagpasakit na biin magano lan mananak.