Isaias 13:6 - Maung A Balita Biblia

⁶ Ingal kayod paniirap yo! Asingger lay agew na Katawan, say agew a pangyakar na Makapanyarin-amin na panagderal!

Maung a Balita Biblia

⁶ Ingal kayod paniirap yo! Asingger lay agew na Katawan, say agew a pangyakar na Makapanyarin-amin na panagderal!

Isaias 13:6 Iomraidhean Croise

Say Libro nen Job 31:23

Antakot koy pananusa na Dios, kanyan ag ko nayarian a gawaen yan kaogsan.

Isaias 10:25

Magano lan nasumpal so panudusak ed sikayo; kayari to deralen kod satan iray taga Asiria.

Isaias 10:3

Antoy gawaen yo no dusaen kayo na Dios? Antoy gawaen yo no iyakar tod sikayoy deral a manlapud arawin bansa? Iner so batikan yon kereway tulong? Iner so pangyamutan yo na saray kayamanan yo?

Isaias 13:9

Onsasabiy agew na Katawan, say maruksan agew ya isabi na pasnuk tan petang na olo to. Magmaliw ed satan a kalawakan so mundo tan ompatey ya amin iray makasalanan.

Isaias 14:23

Pagmaliwen kon lonek so Babilonia tan panayaman na saray kulayot. Panisan koy Babilonia tan ikanak so panis a mangibantak ed amiamin a bengatla. Siak, say Katawan a Makapanyarin-amin, so nansalita.”

Isaias 14:31

Kolyaot tan kerew kayo na tulong, amin yon totood siudad na Filistia! Takot kayo, amin yo! Ta onsasabin manlalapud baybay so makapal a dabuk—sakey ya olup na saray sondalo ya anggapod sikaray matakot.

Isaias 2:12

Diad satan met ya agew say Katawan a Makapanyarin-amin et ipelag tod kababaingan ya amin iray totoon makapanyari, mapaatagey tan mapasirayew.

Isaias 23:1

Sikato yay pasakbay ed dalin na Tiro. Managogul kayod ermen, sikayon managbiahid bapor! Aderal lay puirto yod Tiro; aderal-deral la ray kaabungan tan saray puirto to. Diad ipapawil yo manlapud Chipre, narerengelan yo yan balita.

Isaias 34:2

Mamapasnuk so Katawan ed amin da ray bansa tan amin a sondalo ra. Sinintinsiaan to la ran napatey.

Isaias 34:8

Sikato yay panaon na pangyagel na Katawan ed Sion tan ibawi tod saray kalaban to.

Isaias 47:11

Onsabid sikay deral, et anggapoy salamangkam a makapatondad saya. Biglan onsabid sikay desyang— say desyang ya ag mon balut inilaloan!

Isaias 52:5

Natan say agawad sikayod Babilonia et singa samay agawa lad sikayo nen saman; aripen kayo, balet anggapoy antokaman ya imbayar. Saray manooley ed sikayo et mapaatagey tan malastug ira tan lawas dan ipapanengneng so ag da pangingalngalep ed siak.

Isaias 61:2

Imbaki to ak a mangibawag A say panaon sinmabi la A say Katawan ilaban to ray totoo to Tan taloen to ray kalaban to. Imbaki to ak a manligliwad amin a maermen,

Isaias 63:4

Ginetmak a sinmabi lay panaon na pangilaban kod saray totook; panaon la a panusa ed saray kalaban da.

Isaias 65:14

Mankanta rad liket, balet manakis kayo lapud sakit na pagew.

Jeremias 25:34

Akis kayo, sikayo ran pangulo, sikayo ran pumapastol na saray totook, akis kayoy maksil! Manermen kayo tan mantolin kayod dabuk. Sinmabi lay panaon a sikayoy pateyen, tan napatas kayon singa karniron kalakyan.

Jeremias 49:3

Totoon taga Hesbon, eyag kayo! Aderal la so Ai! Bibiin taga Rabba, manermen kayo! Mankawes kayoy sako tan manermen kayo. Mambatik-batik kayon ag yo amtay gagawaen yo. Naalad arum a bansa so dios yon Moloc a pati saray papari tan saray prinsipi to.

Jeremias 51:8

Biglan atalo so Babilonia, tan aderal! Ermenan yo! Iyalaan yoy tambal, ta ag la pigan onabig.

Ezekiel 13:5

Ag da guaguardiaan iray pasen ya ageba ray padir, odino papasimbaloen ya ipaalagey iray padir, kanyan ag niagel so Israel no onsabiy bakal no agew na Katawan.

Ezekiel 21:12

Managlem kad ermen, sika a toon ompatey; sayan ispada et ikanan pampatey ed saray totoo tan diad amin da ray pangulo na Israel. Napatey ira a kaiba na saray arum a totook. Tapuk-tapuk moy pagew mo lapud ermen.

Daniel 5:26

Sikato ya so talus to: say Mene et bilang, ta binilang na Dios iray agew a nakdaan a pansiansia na nanarian mo tan impansamput to la;

Daniel 5:9

Diad inkagunigon nen Ari Belsasar lalon pinmotiy bosaleg to, tan ag amtay gawaen na saramay manonan opisyal to.

Joel 1:11

Manermen kayo, sikayon dumaralos; akis kayo, sikayon managasikasoy kaubasan, lapud aderal la ray trigo, sibada, on, aderal lan amiy tanaman ed kaalogan.

Joel 1:13

Mankawes kayoy sako tan mannangis kayo, sikayo ran paparin manlilingkur ed altar! Laka yod Timplo tan manermen kayon sanlabi! Anggapoy trigo odino alak a nibagat ed Dios yo.

Joel 1:15

Asingger lay agew na KATAWAN, say agew ya iyakar na Makapanyarin-amin so deral. Makapataktakot yan agew!

Joel 1:5

Bangon tan mannangis kayo, sikayon buanges; akis kayo, sikayon mainom na alak; aderal-deral la ray ubas a panggawaay balon alak.

Joel 2:1

Paknul yoy trumpita; paknul yod Sion a masanton palandey na Dios so pamasakbay. Giwgiw kayo, sikayon totood Juda! Magano lan onsabiy agew na Katawan.

Joel 2:11

Say Katawan iyeeyag ton singa karul so ganggan tod saray sondalo to. Amayamay iray sondalo ton onoonur ed sikato tan makapanyari ra. Makapataktakot a tuloy so agew na Katawan! Siopay makapaliis ed patey no onsabi yan agew?

Joel 2:31

Ombilonget so agew, tan ombalangan singa dala so bulan kasakbayan ya onsabi so baleg tan makapataktakot ya agew na Katawan.

Amos 5:18

Pangaskasiyan so kipapasen yo, sikayo ran mampilalek ed isabi na agew na Katawan! Antoy kaabigan a niiter ed sikayo na saman ya agew? Para sikayo, saman ya agew et agew na kabilongetan, aliwan agew nan liwawa.

Sofonias 1:14

Asingger lan onsabi so baleg ya agew na Katawan—magano la tan masigsiglat ya onsasabi! Makapasinagem itan ya agew, ta anggan saray sankasebegan a sondalo et onakis ira na ampaipait!

Sofonias 1:7

Asingger lay isabi na agew ya onyorung a manintinsia so Katawan, kanyan mandeen kayo ed arap to. Ipaparaan na Katawan ya ibagat iray totoo to tan binagaan to ray kalaban a manamsam ed kayamanan na Juda.

Zacarias 14:1

Asingger lan onsabi so agew a panintinsia na Katawan. Nasamsaman ed satan so Jerusalem tan naapag a sankanengneng yo iray asamsam.

Malakias 4:5

“Balet kasakbayan na isabi na baleg tan makapataktakot ya agew na Katawan, ibakik ed sikayo si propita Elias.

Santiago 5:1

Dengel yo ya, sikayon mamayaman! Nangisan tan panogaogan yoy kairapan ya onsabid sikayo!

Puyan 18:10

Manalagey irad arawi, ta antakot irad paniirap to. Ikuanda, “Makapataktakot! Adusa ka, sikan bantug tan makapanyarin siudad na Babilonia ed loob labat na sakey oras!”