Isaias 13:22 - Maung A Balita Biblia

²² Saray hayina tan saray asod katakelan et mandangul-dangul irad saray tori tan saray palasio. Sinmabi lay agew na pakaderal na Babilonia. Ngalngali la mangangga ray agew to.”

Maung a Balita Biblia

²² Saray hayina tan saray asod katakelan et mandangul-dangul irad saray tori tan saray palasio. Sinmabi lay agew na pakaderal na Babilonia. Ngalngali la mangangga ray agew to.

Isaias 13:22 Iomraidhean Croise

Saray Salmo 44:19

Anggaman ontan pinaolyan mo kamin pakaskasid pegley da ray ayayep ed katakelan; tan inkaindan mo kamid sankabilongetan a pasen.

Isaias 14:23

Pagmaliwen kon lonek so Babilonia tan panayaman na saray kulayot. Panisan koy Babilonia tan ikanak so panis a mangibantak ed amiamin a bengatla. Siak, say Katawan a Makapanyarin-amin, so nansalita.”

Isaias 25:2

Impagmaliw mon deral-deral iray siudad tan inggegebam iray padir da. Saray palasion impaalagey na saray kalaban mi et anggad angga la ran naandipat.

Isaias 32:14

Nataynan so anggan palasio tan magmaliw a sigput a begtebegtew so anggan manonan siudad. Naderal ed ando lan ando iray kaabungan tan saray torin panagguardiaan. Manakar-akar diman iray asnod katakelan, tan mankabkab irad may karniro.

Isaias 34:13

Saray masabit a tanaman et ontubo rad saray palasio tan saray baley ya aliber na padir, tan panayaman ira na saray asod katakelan tan saray kulayot.

Isaias 34:14

Manliber-liber diman iray ayayep ed katakelan, tan mantatawagan iray dimonyod man. Onlad man so dragon ed labi, ta diman mananap na pampainawaan to.

Isaias 35:7

magmaliw ya ilog so makasinit a kabueran, tan nawalaan na saray sobul so amaga-magan dalin. Ontubo ray tanobung tan saray talaib ed pasen a panaayaman a gendat na saray asod katakelan.

Isaias 43:20

Igalang ak na anggan saray ayayep ed katakelan; idayew ak na saray asod katakelan tan saray abistrus no saray ilog et paagosen kod kalawakan, pian naitdan na danum iray totook a pinilik.

Jeremias 48:16

Onsasabi lay kadusa na Moab; magano lan onsabi so kaderal to.

Jeremias 51:33

Ag mabayag, gapasen ira la na saray kalaban tan gatin-gatinan da ran singa ilik ed panagilikan. Siak, say Katawan a Makapanyarin-amin a Dios na Israel, so nansalita.”

Jeremias 9:11

Say Katawan kuanto, “Gawaen kon bunton na deral-deral so Jerusalem, sakey a pasen a panayaman da ray asod katakelan; magmaliw a kalawakan iray siudad na Juda, tan sakey a pasen ya ag panayaman na totoo.”

Saray Tagleey 4:3

Papasusoen na anggan inan asod katakelan iray anak da, balet singa saray abistrus ed kalawakan a maruksa rad sibong da iray totook.

Mikias 1:8

Insan inkuanen Mikias, “Lapud saya manermen ak tan mantagleey ak. Diad pangipanengneng koy ermen ko, manakar-akar ak a labus-lakseb tan kasali-sali. Managugol ak a singa asod katakelan tan mandageyem ak a singa abistrus.

Habacuc 2:3

Isulat mo yan ipasingayew kod sika, ta aliwa nin natan a panaon so pakagawa to. Balet masiglat ya onsasabiy panaon tan ontua so ipaamtak ed sika. Nayarin singa matantan so isabi to, balet alagar mon onsabi; andi-saew a nagawa, tan ag la naabala so isabi to.

Sofonias 2:14

Magmaliw a sakey a pasen a pandokul-dokulan na saray karniro, baka, tan amin a klasiy ayayep. Manayam ed kawalaan da ray deral-deral iray kolayut tan ontaglool irad saray bintana. Manwakwak ed saray sasabiyen na puirta iray wawak. Naekal ed saray paalagey to iray tablan sidro.

Deuteronomio 32:35

Say Katawan ombawi tan dusaen to ra; onsabiy panaon a natumba ra; asingger lay agew na ipatey da.

2 Pedro 2:3

Lapud inkaagom da, siliban day kayamanan yo diad panamegley na saray tila-tilan salita. Abayag lan akaparaay dusa ra, tan ag naogip so Mananeral ed sikara!