Isaias 13:19 - Maung A Balita Biblia

¹⁹ Say Babilonia et sankarakepan ed amin da ray nanarian; ikikinon na saray totoo to. Balet siak a Katawan, temeken ko a singa samay ginawak ed Sodoma tan Gomorra!

Maung a Balita Biblia

¹⁹ Say Babilonia et sankarakepan ed amin da ray nanarian; ikikinon na saray totoo to. Balet siak a Katawan, temeken ko a singa samay ginawak ed Sodoma tan Gomorra!

Isaias 13:19 Iomraidhean Croise

Genesis 19:24

Kabebekta say Katawan pinaoran toy manliub ya asupri ed saray siudad na Sodoma tan Gomorra,

Genesis 19:25

tan dineral to ra tan say intiron patar, pati amin a totood man tan amin ya ontutubod dalin.

Isaias 13:1

Sikato yay propisiya a nipaakar ed Babilonia, say propisiya ya impuyan na Dios ed kinen Isaias a lakin anak nen Amoz.

Isaias 21:9

Kabebekta nitan la ray lalaki, akakabayo ra tan sanderwa ran nanoolup. Imbawag na samay guardia, “Atalo lay Babilonia! Walad dalin tan atemektemek iray amin a talintaoy diriyos a gagalangen da.”

Isaias 47:5

Say Katawan kuantod Babilonia, “Yorung kan andi eseesel tan dia kad ambilonget a pasen; ag da ka la tawagen a riyna na saray bansa!

Isaias 48:14

“Mantitipon kayo, amin yo, tan dengel yo ak! Anggapod saray diriyos so makapangipasakbay a say toon pinilik et dogpaan toy Babilonia; sumpalen to so labay kon pagawad sikato.

Jeremias 25:12

Kayari tod satan dusaen koy Babilonia tan say ari to lapud saray kaogsan da. Deralen ko man a bansa tan paolyan kon aderal-deral ya anggad angga.

Jeremias 49:18

Nagawa ed Edom so agawad Sodoma tan Gomorra nen aderal ira tan saray kaliber-liber dan baley. Anggapo lad may malabay a manayam. Siak, say Katawan, so nansalita.

Jeremias 50:40

Nagawa met ed Babilonia so agawad Sodoma tan Gomorra nen dineral ko ra tan saray kaliber-liber dan baley. Anggapo lad may manayam anggan kapigan. Siak, say Katawan, so nansalita.

Jeremias 51:26

Anggapoy baton naalad saray deral-deral mo a nikanad paalagey. Magmaliw kan singa andi-anggan andi-kakanaan a pasen. Siak, say Katawan, so nansalita.

Jeremias 51:29

Manggiwgiw so sankamundoan lapud susumpalen na Katawan so plano to a pagmaliwen a nikaindan a pasen so Babilonia; kanyan anggapo lad may toon malabay a manayam.

Jeremias 51:41

Say Katawan kuanto nipaakar ed Babilonia: “Adakep la so Babilonia, say siudad ya idadayew na intiron mundo! Makapasinagem a nengnengen na saray bansa so nagmaliwan na Babilonia!

Jeremias 51:62

Insan ka mampikasi, ‘Katawan, imbagam a deralen mo yan pasen, pian anggapo lay antokaman a mabilay a manayam dia, totoo may ayayep, tan magmaliw a singa ando lan andon kabueran.’

Daniel 4:30

inkuanto, “Nengneng yo so ontan lan inkatalonggaring na Babilonia! Lapud biskeg tan pakayarik impaalagey kon manonan siudad na nanarian ko a pakapatnagay kagalangan ko tan say katageyan ko.”

Amos 4:11

“Dineral ta kayo a singa impaneral kod saray baley na Sodoma tan Gomorra. Sikayo ran akapaliis ed patey et aliling yoy mandarlang a bislak a nipaliis ed pool. Balet siansian ag kayo pinmawil ed siak,” kuay Katawan.

Sofonias 2:9

Legan a siak so mabilay a Katawan a Dios na Israel, sambaan ko a say Moab tan say Ammon et naderal iran singa say Sodoma tan say Gomorra. Magmaliw iran sakey a pasen ya abut na asin tan andi-anggaan a deral-deral tan atubo-tubuan na saray dika. Saray totook ya akapaliis ed patey et alaen day antokaman a kayamanan da tan kayaryanen day dalin da.”

Saray Taga Roma 9:29

Si Isaias met so angikuan, “No say Makapanyarin-amin a Katawan et ag labat angitilak na saray anak, nagmaliw ti la komun a singa baley na Sodoma, tan aparaan tayo lay baley na Gomorra.”

Deuteronomio 29:23

Saray kaalogan et magmaliw iran andi-kakanaan, atabunan na asumpri tan asin; ag nataneman na anggan dinan a tanaman, tan anggapoy anggan dika ya ontobo. Say dalin yo et magmaliw a singa saray siudad na Sodoma tan Gomorra, singa Adma tan Zeboiim a dinederal ira na Katawan nen mapalaloy pasnuk to.

Puyan 18:11

Sikatoy panermenan tan nangisan met na saray nigosiantid dalin, ta anggapo lay manaliw na ilalako ra.

Puyan 18:19

Ininan day dapul so olo ra, mannangnangis tan maerermen ira tan inkuanda, “Makapataktakot! Makapasinagem so agawad makapanyarin siudad! Minmayaman ya amin iray walay barko ra, lapud kayamanan to. Balet diad loob na sakey oras, naandipat to yan amin!”