Isaias 13:18 - Maung A Balita Biblia

¹⁸ Pateyen dad pana iray tobun-balon lalaki. Ag da kasian iray ogogaw.

Maung a Balita Biblia

¹⁸ Pateyen dad pana iyar tobun-balon lalaki. Ag da kasian iray ogogaw.

Isaias 13:18 Iomraidhean Croise

2 Saray Arari 8:12

“Akin et manakis ka?” tepet nen Hazael. Inmebat si Eliseo, “Lapud amtak so gawaen mon kaogsan ed saray totood Israel. Poolan mo ray tirinsira ra, pateyen mod panamegley na ispada ray babalolaki ra, ibakbak mod dalin ya anggad ompatey iray anak da, tan butyakan mo ray malokun da.”

2 Saray Awaran 36:17

Kanyan imbaki na Katawan so ari na Babilonia ya ondogpad sikara. Pinapatey na ari iray tobun-balon lalaki a taga Juda, anggan diad Timplo. Anggapoy panangasi to ed anggan siopa, malangwer may matakken, laki may bii, mansasakit may maksil so laman. Say Dios impalima to ran amin ed sikato.

Saray Salmo 127:3

Rigalo na Katawan iray anak; petepeteg iran tumang.

Isaias 13:16

Legan ya ibabasig na saray kalaban da iray mansususon anak da, aakokosen da ray kayaryan dad abung da, tan papasooten da ray kaasawaan da, mamambantay ira labat ta anggapoy nagawaan dan mangyagel.”

Isaias 47:9

Balet diad sakey a bekta, diad sakey ya agew, nagawa ra yan dua ed sika. Anggan antoy panggawam na amin a salamangka, nabalang moy asawam tan saray anak mo.

Isaias 5:28

Matdem iray pana ra, tan akaparaan a mamana iray pana ra. Anawet a singa bato iray kokoy kabayo ra, tan singa alimbusabos so katetelek na saray bokel na karwahi ra.

Jeremias 18:21

Balet natan, Katawan, gawam pan ompatey ed eras iray anak da; ipapatey mo pa rad bakal. Iyabuloy mo pan nabalo ray bibii tan naandid mundo ray anak da; gawam pan ompatey ed salot iray lalaki, tan diad bakal iray lalakin walad kalangweran.

Jeremias 5:16

Mamatey ya andi-panangasi iray pumapana ra tan matalonggaring ya amin so sondalo ra.

Jeremias 50:30

Napatey ed saray dalan na siudad iray tobun-balo ton lalaki, tan naderal ya amin iray sondalo to ed satan ya agew. Siak, say Katawan, so nansalita.

Jeremias 50:42

Inala da la ray pana ra tan saray ispada ra; maruksa tan anggapoy panangasi ra. Singa manungol a dayat so tanul da, legan dan mamapakoyat na saray kabayo ra. Akaparaan iran mibakal ed Babilonia.

Jeremias 51:22

nampapatey ed saray lalaki tan saray bibii, nampapatey ed saray mamatakken tan saray mamalangwer, naneekal na bilay da ray babalolaki tan saray mamarikit,

Jeremias 6:23

Inaala ray pana tan saray ispada ra; maruksa tan anggapoy panangasi ra. Singa ungol na dayat so tanul da no papabatiken da ray kabayo ra. Sipaparaan iran mibakal sumpad Jerusalem.”

Ezekiel 9:10

Balet ag ko ra kasian; gawaen kod sikaray ginawa rad arum a totoo.”

Daniel 7:5

Say kumadwan ayep et singa uso ya akaalagey ed saginonur iran sali to. Sankatangal to ray taloran taglang tan walay bosis a nankuan ed sikato, “Sigi, mangan ka labat na karni ed anggaay nayarian mo!”

Oseas 13:16

Nepeg a nadusa so Samaria lapud insumpa tod siak. Ompatey ed bakal iray totoo to, nibasig-basig ed dalin iray ogogaw ya ankekelag, tan nabutbutyakan iray malokun a bibii.”

Nahum 2:1

Ninive, nadodogpaan da ka la! Sinmabi lay pakayarin manemek ed sika. Paguardiaan mo ray tirinsira tan saray daladalan! Mamparaan kan mibakal! (

Nahum 3:10

Balet saray totood Tebes et nibantak irad arum a bansa. Diad inerman a sokung na dalan, saray anak da et nipaspas ira ya anggad ag da impatey. Agolunggolungan a niakar ed arum a bansa iray manonan totoo ra tan nanaapagan ira na saray akadakep ed sikara.