Isaias 13:1 - Maung A Balita Biblia

¹ Sikato yay propisiya a nipaakar ed Babilonia, say propisiya ya impuyan na Dios ed kinen Isaias a lakin anak nen Amoz.

Maung a Balita Biblia

¹ Sikato yay propisiya a nipaakar ed Babilonia, say propisiya ya impuyan na Dios ed kinen Isaias a lakin anak nen Amoz.

Isaias 13:1 Iomraidhean Croise

2 Saray Arari 9:25

Inkuanen Jehu ed kinen Bidkar a kapitan ya umaantabay to, “Alam so bangkay to, ta ibantak mod alog nen Nabot. Nanunotan mo ni may impanloganan tan dua a tomtombuken tay Acab ya ama nen Joram? Imbagad saman na Katawan ira yan salita sumpad kinen Acab:

Isaias 1:1

Diad sayan libro nisulat iray impasingayew na Dios ed kinen Isaias a lakin anak nen Amoz legan na impanari ed Juda di Uzias, Jotam, Acaz, tan Ezekias.

Isaias 13:19

Say Babilonia et sankarakepan ed amin da ray nanarian; ikikinon na saray totoo to. Balet siak a Katawan, temeken ko a singa samay ginawak ed Sodoma tan Gomorra!

Isaias 14:28

Sikato yay salitan nibawag diad taon ya inatey si Ari Acaz.

Isaias 15:1

Sikato yay propisiya a nipaakar ed Moab. Aderal a sanlabi iray siudad na Ar tan Kir, tan nakokobutan na bilonget so dalin na Moab.

Isaias 17:1

Sikato yay propisiya a nipaakar ed Damasco. Inkuan na Katawan, “Magmaliw ya aliwa lan siudad so Damasco; magmaliw labat lan bonbontun na deral-deral.

Isaias 19:1

Sikato yay propisiya a nipaakar ed Egipto. Akalogan ed lorem so Katawan tan maples a mamapaarap ed Egipto. Manggiwgiw ed arap to iray talintaoy diriyos na Egipto, tan nanaekalan na biskeg na linawa iray Egipsio.

Isaias 20:2

Taloy taon kasakbayan na sayan agawa, imbaga na Katawan ed kinen Isaias a lakin anak nen Amoz ya ekalen to ray sandalya to tan say insolung ton sako. Inmonur si Isaias tan nanliber-liber a kasali-sali tan labus-lakseb.

Isaias 21:13

Sikato yay propisiyan nipaakar ed Arabia. Sikayo ran taga Dedan, a nanoolup a mankakampod kalawakan ed Arabia,

Isaias 22:1

Sikato yay propisiya a nipaakar ed Patar na Pasingayew. Antoy nagagawa? Akin et mansisilibra ed toktok na kaabungan iray amin a katoowan?

Isaias 22:25

No nagawa la ya, onlokak tan napelag imay panagsabitan a malet a nisegkal. Et sikato la yay pansamput da ra may amin a nisabit.” Say Katawan so nansalita.

Isaias 43:14

Say masanton Dios na Israel, say Katawan a Mananondon yo, kuanto, “Diad pangilaban kod sikayo, mangibaki ak na saray sondalo a mibakal ed Babilonia; igebak iray puirta na siudad, et magmaliw ya akis so eyag na saray totoo to.

Jeremias 24:1

Si Ari Nabucodonosor na Babilonia inyakar ton adakep ed Babilonia, manlapud Jerusalem, so lakin anak nen Joakim a si Joakin ya ari na Juda, saray pangulo na Juda, tan saray marunong a karpintiro tan kumikimey. Kayari na sayan inkagawa, say Katawan impanengneng tod siak so duaran baskit a bungay igos a niiyan ed arap na Timplo.

Jeremias 28:8

Saray propitan nansalita nen abayag lan panaon kasakbayan na panaon ko tan panaon mo, impropisiya ray idalan na bakal, eras, tan salot ed saray amayamay a bansa tan saray makapanyarin nanarian.

Jeremias 50:1

Sikato yay sinalita na Katawan ed siak nipaakar ed Babilonia tan saray totoo to:

Jeremias 51:51

Kuanyo, ‘Naplag kamid kababaingan tan apabaingan kami; sigput ya apanbanday kami lapud saray taga arum a bansa et sinmalin irad saray masanton pasen ed Timplo.’

Ezekiel 12:10

ibagam ed sikara so ibabagak, siak a Katawan a Dios. Sayan salita et para prinsipin manoley ed Jerusalem tan para saray totoon manaayam diman.

Daniel 5:28

say Parsin et paldua, ta apalduay nanarian mo tan niiter ed saray taga Media tan saray taga Persia.”

Daniel 5:6

Pinmotiy bosaleg to tan diad gaway inkataktakot to, mampayegpeg iray pueg to.

Nahum 1:1

Sikato yay salitan nipaakar ed Ninive, say nipasingayew ed kinen Nahum a taga Elkos.

Habacuc 1:1

Sikato yay salitan impaamta na Katawan ed kinen propita Habacuc.

Zacarias 12:1

Sikato yay salita na Katawan nipaakar ed Israel, say Katawan ya angipanat na katawenan, say amalsad mundo, tan sikatoy angiter na bilay ed too. Kuanto,

Zacarias 9:1

Sikato yay salitan papaibaga na Katawan: Inggetar to lan nadusa so dalin na Hadrac tan say siudad na Damasco. Aliwa labat a saray tribu na Israel so kayaryan na Katawan, no ag ingen pati say manonan baley na Siria.

Malakias 1:1

Sikato yay salita na Katawan ed saray totood Israel diad panamegley nen Malakias.

Mateo 1:11

Si Josias so ama nen Jeconias tan saray agagi to. Dia ed sayan panaon nibantak ed Babilonia iray Israelita.

Puyan 14:8

Tinmombuk so kumadwan anghil ya inkuanto, “Apaktak la! Apaktak lay Babilonia a makapanyari! Initdan toy alak iray amin a katoowan tan impasoot ton inomen da—say alak na kasalanan ton maoges a pilalek na laman!”