Isaias 12:1 - Maung A Balita Biblia

¹ Onsabiy agew a saray totoo mankanta ra: “Idadayew ta ka, Katawan! Mamapasnuk kad siak nen saman, balet natan liligliwaen mo ak tan ambetel lay olom ed siak.

Maung a Balita Biblia

¹ Onsabiy agew a saray totoo mankanta ra: Idadayew ta ka, Katawan! Mamapasnuk kad siak nen saman, balet natan liligliwaen mo ak tan ambetel lay olom ed siak.

Isaias 12:1 Iomraidhean Croise

Nehemias 8:10

Sempet ki la ta mampista kayo. Iyapag yod saray kulang so paraan iray kakanen tan alak yo. Masanto yan agew ed Katawan tayo, kanyan ag kayo maneermen. Pabiskegen kayo na liket ya iter ed sikayo na Katawan.”

Say Libro nen Job 11:16

Nalingwanan mo lad satan iray gunigon mo, singa la delap a dinmalan tan sigput lan alingwanan.

Say Libro nen Job 13:16

Nayarin nilaban ak lapud sayan sebeg ko, bangta anggapoy maoges a toon ompangayan miarapan ed Dios.

Saray Salmo 30:5

Mangangganon onkekepay sanuk to, balet anggad samput na bilay so kaabigan to. Nayarin walay ermen no labi, balet onsoblay so gayaga no kabwasan so onsabi.

Saray Salmo 71:21

Pagmaliwen mo ak a lalon matalonggaring; ligliwaen mo ak lamet.

Saray Salmo 85:4

Papawil mo kami pad sika, O Dios a manangilaban mi, tan tondaan mo pa lay ag mo pakaliliket ed sikami!

Saray Salmo 86:17

Katawan, ipanengneng mo pad siak so pakapatnagay kaabigan mo; pian nabaingan iray mamobosul ed siak, diad pakanengneng dan niligliwa tan tinulongan mo ak.

Saray Salmo 9:1

Katawan, misalamat ak ed sika diad intiron pusok; ibawag koy nipaakar ed amin da ray makapakelaw a ginagawam.

Isaias 10:25

Magano lan nasumpal so panudusak ed sikayo; kayari to deralen kod satan iray taga Asiria.

Isaias 10:4

Napatey kayo ed bakal odino naala kayon priso. Anggaman ontan ag ni ontonda so pasnuk na Katawan, no ag ingen siansia nin akaonat so lima ton manusa.

Isaias 11:16

Walay nagawan maawang a dalan a manlapud Asiria, a dalanen na saray totood Israel a nipaliis ed patey diman, a singa inkiwalay dalan a dinalan na saray lalaki ra nen tinaynan day Egipto.

Isaias 14:3

Ekalen na Katawan so kairapan a liliknaen na saray totood Israel, tan say ambelat a kimey ya impasoot ed sikaran gawaen da.

Isaias 2:11

Onsabiy agew a mansamput so panagpaatagey na too tan naderal so panagpasirayew na amin a katoowan. Insan say Katawan labat so nitanduro ed satan.

Isaias 25:1

Katawan, sika so Dios ko; Igalang ta ka tan idayew koy ngaran mo. Makapakelaw iray ginagawam a bengatla; matoor mon sinumpal iray plano ya abayag lan ninunot mo.

Isaias 25:9

No nagawa la ya, say balang too ikuanto, “Sikatoy Dios mi! Nanmatalek kami ed sikato, kanyan inyagel to kami. Sikato so Katawan! Nanmatalek kami ed sikato, et natan maliket tan magayaga kami lapud inyagel to kami.”

Isaias 26:1

Onsabiy agew a saray totooy Dios et kantaen dad dalin na Juda yan kanta: Mabiskeg so siudad tayo! Say Dios a dili so mangyaagel ed saray padir to!

Isaias 35:10

Magayaga ran makasabid Jerusalem, mangankanta tan maneyag-eyag irad liket da. Manliket iran ando lan ando, naandi lan anggad angga so ermen tan dageyem.

Isaias 49:13

Mankanta kayo, sikayon katawenan! Eyag kad liket, sikan mundo. Maksil a mankanta komun iray kapalandeyan! Ligliwaen na Katawan iray totoo to; kasian to ray totoon maniirap.

Isaias 51:3

“Kasian ko so Jerusalem saray amin a manaayam ed saray deral-deral to. Anggaman a kalawakan so dalin to, gawaen ko a sakey a tanamanan, singa samay tanamanan a ginawak ed Eden. Niwalad man so liket tan gayaga, tan saray kantan pangidayew tan pisalamat ed siak.

Isaias 54:7

“Diad maganon bekta tinaynan ta ka; balet lapud ontan lan panangarok ed sika sayakopen ta ka.

Isaias 54:8

Diad maganon bekta tinaynan ta kan walay pasnuk ko, balet andi-anggaan kon ipanengneng so panangarok ed sika.” Saya sirin so ibabaga na Katawan a mangilalaban ed sika.

Isaias 54:9

“Nen panaon nen Noe insipan ko ya ag ko la delapen so intiron mundo. Isipan ko natan ya ag ak la mampasnuk ed sika; ag ta ka la pampasnukan odino dusaen.

Isaias 60:10

Say Katawan kuantod Jerusalem, “Pasimbaloen ya ipaalagey na saray sangkaili iray padir mo, Tan panlingkuran ka na saray arari ra. Diad gaway pasnuk ko dinusa ta ka, Balet natan abageyen tan kasian ta ka.

Isaias 61:10

Manliket so Jerusalem lapud ginagawa na Katawan. Sikatoy singa nubian akasolung na kawes a para kasal to. Say Dios kinawesan to na kilalaban tan pananalo.

Isaias 64:5

Maliket kan mangaawat ed saray maseet a manggagaway inkatonung, saray makanununot a mangonur na linawam. Nampasnuk kad sikami, balet intuloy miy nankasalanan; anggaman a mapalaloy pasnuk mo, intuloy miy nanggaway kaogsan nanlapud saman a panaon.

Isaias 65:18

Ando lan andon manliket tan manggayaga kayo komun ed palsaen ko. Say balon Jerusalem a gawaen ko et napano na liket, tan manliket iray totoo to.

Isaias 66:13

Ligliwaen ta kayod Jerusalem, a singa sakey ya inan liligliwaen toy anak to.

Jeremias 30:19

Mankanta na panangidayew iray totoon manaayam diman; maneyag irad liket. Lapud panamindision ko ondakel ira, tan napagalangan ira.

Jeremias 31:13

Insan mansayaw tan manliket iray bibii; manggayaga ray lalaki, malangwer may matakken. Ligliwaen ko ra tan pagmaliwen kon liket so ermen da; pagmaliwen kon gayaga so ermen da.

Oseas 11:8

“Panon toy isawak ed sika, Israel? Panoy pangikaindan kod sika? Nayarian ta ka kasin deralen a singa ginawak ed Adma, tan Zeboim? Ag iyabuloy na pusok a gawaen ko ya! Lalon onlalaknab so panangarok ed sika.

Oseas 6:1

Saray totoo kuanda, “Ompawil itayod Katawan! Binibingkas to itayo, balet andi-saew a paabigen to itayo; sinusugat to itayo balet andi-saew a berberen to ray sugasugat tayo.

Zacarias 1:16

Kanyan pinmawil ak ed Jerusalem ta kasian koy siudad. Napasimbalon nipaalagey so Timplok tan nipaalagey lamet so siudad.”

Zacarias 14:20

Diad satan a panaon nitatak ed anggan batingting ya arkos na kabayo ira yan salita, “Nisaklang ed Katawan.” Magmaliw a masanto iray bangan lotowan a singa saray yaung ed arap na altar.

Zacarias 14:9

Insan say Katawan so magmaliw ya ari ed intiron mundo; balang sakey a too et igalang to a Dios tan nakabatan da ed saksakey a ngaran.

Zacarias 8:11

Balet natan doma so gagawaen kod saray totoon akapaliis ed patey ed sayan bansa.

Zacarias 8:19

“Say ayunon nagagawa kapag kumapat, kumalima, kumapito tan kumaplon bulan et magmaliw a pista na liket tan gayagan para saray totood Juda. Nepeg yon aroen so katwaan tan kareenan.”

Saray Taga Roma 11:15

No say sankamundoan et akapipulangan ed Dios lapud impakapolisay ed saray Judio, ag kasi say pakaawat ed sikara lamet et singa pangiter na bilay ed saray inaatey?