Isaias 10:6 - Maung A Balita Biblia

⁶ Imbakik so Asiria ya ondogpa ed sakey a bansan anggapoy Dios to, diad saray totoon amapetang na olok. Imbakik iray taga Asiria a mansamsam, mantakew, tan mangigatin-gatin ed saray totoo a singa ra dotak ed saray dalan.”

Maung a Balita Biblia

⁶ Imbakik so Asiria ya ondogpa ed sakey a bansan anggapoy Dios to, diad saray totoon amapetang na olok. Imbakik iray taga Asiria a mansamsam, mantakew, tan mangigatin-gatin ed saray totoo a singa ra dotak ed saray dalan.

Isaias 10:6 Iomraidhean Croise

2 Samuel 22:43

Memekmeken ko ra, et magmamaliw iran singa dabuk. Gagatinan ko ran singa pitek ed saray dalan.

2 Saray Arari 18:25

Abaloan yo amon ag ak tinulongan na Katawan ed indogpak ed bansa yo tan dineral ko? Say dilin Katawan so angibagad siak a dogpaan koy bansa yo tan deralen ko.”

Isaias 19:17

Ontakot ed Juda iray Egipsio kapag nipanunot ed sikara so pansumpalan da ya imparaan na Katawan a Makapanyarin-amin.

Isaias 22:5

Sikato yay panaon na gunigon, katalo, tan gewgew ed Patar na Pasingayew, et say Katawan a Dios a Makapanyarin-amin so angyakar na saraya ed sikatayo. Ageba-geba ray padir na siudad tayo, tan makmakbaw ed kapokdulan so tawag na katoowan ya onkekerew na tulong.

Isaias 24:5

Dinotakan na saray totoo so mundo diad insusumlang dad saray ganggan na Dios tan diad impandederal dad andi-anggaan a sipanan.

Isaias 29:13

Inkuan na Katawan, “Igagalang da ak ira yan totoo diad panamegley na bibil da, balet arawdawid siak so puso ra. Say rilihion na sarayan totoo et say panagpatlep da labat ed saray abangonan tan saray totontonen ya impaakseb na too.

Isaias 32:6

Andi-kakanaan so sasalitaen na makulang-kulang tan maoges so nununoten ton gawaen. Panamabaing ed Katawan iray gagawaen tan sasalitaen to, tan ag ton balut iitdan na kakanen iray narasan o iitdan na inomen iray napgaan.

Isaias 33:1

Pangaskasiyan iray kalaban mi! Nantakew tan nanlipot ira, anta anggapoy nantakew odino nanlipot ed sikara. Balet mangangga so panaon na pantakew tan say panlipot da, ta natakewan tan nalipotan ira.

Isaias 33:14

Manggiwgiw ed takot iray makasalanan a totood Sion. Kuanda, “Singa apoy a mandarlang ed anggad angga so panagsintinsia na Dios. Wala kasid sikatayoy makapangitepel ed onyan dalang?”

Isaias 41:25

“Nampili ak na toon manaayam ed bokig, manlapud baybay awiten kon ondogpa. Gagatin-gatinan to ray manoley ya aliling day pitek, sikatoy singa managgaway banga a manggatin-gatin ed pitek.

Isaias 49:17

“Magano lan onsabi ray mangipaalagey lamet ed sika, tan ontaynan iray nanderal ed sika.

Isaias 49:25

Say Katawan kuanto, “Ontan so nagawa. Nibatik iray priso na sondalo tan naala so asamsam na maruksan too. Labanan koy siopaman ya onlaban ed sikayo, tan iyagel ko ray anak yo.

Isaias 5:25

Mamapasnuk so Katawan ed saray totoo to tan inyonat toy lima ton manusad sikara. Nayegyeg iray kapalandeyan, tan natilak a singa dotak ed saray dalan iray bangkay da ray ompatey. Anggaman onyay nagawa ag onkepay pasnuk na Katawan, tan siansian akaonat niy lima ton manusa.

Isaias 5:29

Saray sondalo et mangngongwam iran singa lion ya akapatey na ayep tan aawiten tod pasen ya anggapoy makasamsam ed sikara.

Isaias 5:5

“Onya so gawaen kod samay kaubasan ko: Baguten ko ray dikad kaliber-liber to, igebak iray padir a mangyaagel, tan abuloyan ko ray ayayep ed katakelan a mambuwag tan manggatin-gatin ed kaubasan ko.

Isaias 63:3

Say Katawan ebat to, “Ginagatinan kon singa ubas iray bansa, et anggapoy dinmagon tinmulong ed siak. Ginagatinan ko rad pasnuk ko, et awalwalsikan na dala so intiron kawes ko.

Isaias 63:6

Diad pasnuk ko ginagatinan ko ray amin a bansa tan tinetemek ko ra. Imbung kod dalin so dala ra.”

Isaias 7:17

“Say Katawan pairapen to ka, saray totoom, tan amin a kabyangay pamilya na ari. Mapalalo niy iter ton gunigon nen say antokaman a gunigon a sinmabi lad samay impansian na Israel tan Juda—iyakar dia na Katawan so ari na Asiria.

Isaias 8:4

Kasakbayan a nayarian to lan ibagay ‘Ina’ tan ‘Ama,’ say ari na Asiria alaen ton isempet iray amin a kayamanan na Damasco tan amin ya asamsamsam na Samaria.”

Isaias 8:8

Delapen day intiron Juda, onaralem ya anggad takeb tan tabunan day amin a bengatla.” Say Dios walad sikatayo! Say akabuskag iran payak to iyaagel day dalin tayo.

Isaias 9:17

Ag yabuloy sirin na Katawan a makabatik so siopaman ed saray tobun-balo, tan ag to kasian so siopaman ed saray balo tan saray olila, lapud anggapoy Dios da ray amin a totoo tan maoges ira tan kaogsan ya amin so sasalitaen da. Anggaman ontan ag ni ontonda so pasnuk na Katawan, no ag ingen siansia nin akaonat so lima ton manusa.

Isaias 9:19

Lapud pasnuk na Katawan a Makapanyarin-amin, say pananusa to et ondadalang a singa pool ed intiron dalin tan papateyen to ray totoo, tan balang sakey iyaagel toy sikaton dili.

Jeremias 25:9

‘Tawagen kon amin iray totood baybay tan say aripen kon Ari Nabucodonosor na Babilonia. Pibakalen ko ra sumpad sayan bansa tan amin a manaayam dia tan amin a kaliber-liber ton bansa. Deralen ko ya anggad angga yan bansa tan saray kaabay to, paolyan ko ran aderal-deral ya anggad angga, makapataktakot tan makapasinagem iran nengnengen.

Jeremias 3:10

Kayari na sarayan amin, say Juda ya aliwan matoor a biin agi na Israel, nankonkonwarin ompawil ed siak; aliwan masimoon so impawil tod siak. Siak, say Katawan, so nansalita.”

Jeremias 34:22

Iganggan ko ra, et ompawil irad sayan siudad. Dogpaan da, dakepen da, insan da poolan. Saray baley na Juda et pagmaliwen ko ran singa kalawakan ya anggapoy manaayam. Siak, say Katawan, so nansalita.”

Jeremias 4:14

Jerusalem, ekalan moy kaogsan so pusom, pian nagamuran moy kilalaban. Kapigan mangangga so pannununot moy kaogsan?

Ezekiel 29:20

Iter koy Egipto a bayar kod sagput to, ta ikikimeyan ak na saray sondalo to. Siak a Katawan a Dios so nansalita.

Ezekiel 38:12

Samsaman yo ray totoon manaayam ed saray siudad a nen saman aderal-deral. Nen saman atiptipon irad nanlapud saray bansa, tan natan manaayam irad pegley na mundo a wala ray ayayep tan arum a kayaryan da.

Ezekiel 38:13

Saray totoon taga Seba tan Dedan tan saray nigosiantin taga baley na Espanya et tepeten dad sika, “Tinipon mo ray sondalom ta ondogpa kayo tan mansamsam kayo, anto? Gagalam so manala na saray pilak tan balituk, saray baka tan saray kayaryan, insan mo ibatik ira yan asamsam mo anto?”

Mikias 7:10

Diad satan saray kalaban mi nanengneng da yan nagawad sikami et napelag irad satan ed kakabaingan, saray kalaban min angikuan ed sikami, “Iner so kawalaan na Katawan a Dios yo?” Nanengneng mi ran natalo, a nagatingatinan ira a singa pitek ed saray dalan.

Habacuc 1:12

Katawan, manlapud gapoy gapo Dios ka la. Sika so Dios ko, masanto tan andi-anggaan. Katawan a Dios ko tan manangyagel ko, pinilim iray taga Babilonia tan pinabiskeg mo ra, pian nadusa da kami.

Zacarias 10:5

Saray totood Juda et manalo ran singa saray sondalo a gatin-gatinan dad pitek na daladalan iray kalaban da. Mibakal ira lapud kaiba ra so Katawan, tan taloen da ray anggan kumakabayon kalaban da.

Mateo 15:7

Mansimpisimpitan kayon totoo! Tuay imbaga nen Isaias nipaakar ed sikayo: ‘Inkuay Dios—