Isaias 10:27 - Maung A Balita Biblia

²⁷ No onsabiy tan ya agew ekalen ta kayod pakayari na Asiria, tan say pako ra et ag lad satan makabelbelat ed tenger yo.”

Maung a Balita Biblia

²⁷ No onsabiy tan ya agew ekalen ta kayod pakayari na Asiria, tan say pako ra et ag lad satan makabelbelat ed tenger yo.

Isaias 10:27 Iomraidhean Croise

2 Samuel 1:21

“Anggapo komuy ompelag ya oran o linaew ed saray pokdul na Gilboa; anggapo lawas komun so antokaman ya ontobo ed saray alog to. Ta saray samper na masesebeg kitongilang irad man a nakalay kagalangan; say samper nen Saul wadman ya ag la nalalarakan.

Saray Salmo 105:15

Inkuanto, “Ag yo didiwiten iray aripen kon pinilik; ag yo papasakitan iray propitak!”

Saray Salmo 132:10

Nansipan kad kinen aripen mon David; ag mo pa ipopolisay so pinilim ya ari, Katawan.

Saray Salmo 2:6

“Pinayorung kon manoley so arik diad tapew na masanton palandey ko a Sion,” kuanto.

Saray Salmo 20:6

Natan amtak a say Katawan et panataloen toy pinili ton ari; eebatan to manlapud masanton tawen, tan diad panamegley na pakayari to, iitdan to na saray baleg a pananalo.

Saray Salmo 45:7

papablien moy inkatonung tan bobosulen moy kaogsan. Kanyan say Dios, a Dios mo, pinili to ka tan initdan to kay liket a baleg nen say inter tod saray arum ya arari.

Saray Salmo 81:6

“Inekal kod takeb yo iray kairapan a sasakbaten yo; impaigatun kod sikayo ray laryon sankabembenan yo.

Saray Salmo 84:9

Bindisionan mo pay ari mi, O Dios, say ari a pinilim!

Isaias 14:25

Deralen kod dalin na Israel iray taga Asiria tan igatin-gatin ko rad kapalandeyan ko. Ekalen kod panamairap na taga Asiria iray totook tan saray ambelat a nipasakbat ed sikara.

Isaias 30:23

Kapag mantanem kayod kaalogan yo, paoranan na Katawan, pian ontubo ray tanaman yo et dakel so naani yo; saray baka yo et nawalaan met ira na maawang tan marikan pastolan.

Isaias 37:35

Iyagel ko yan siudad lapud sikatoy pakagalangan ko tan lapud samay sipan kod kinen David ya aripen ko.’”

Isaias 52:2

Pokpokan moy dabuk ed sikan dili, O Jerusalem! Bangon kad dabuk tan yorung kad tronom! Okbar yoy golunggolung ya akasinger ed sikayo, sikayon adakep a totood Sion!

Isaias 55:2

Akin et gagastosen yoy kuarta yo ed antokaman ya ag makapenek? Akin et gagastosen yoy suildo yo, et siansian narasan kayo? Dengel yo ak tan gawa yoy ibabagak, et manliket kayo ed sankananaman iran kakanen.

Isaias 9:4

Maliket ira lapud pinoter moy pakon sasakbaten da tan say bastun a mamepekpek na saray takeb da. Tinalom so bansa ya amairap ed saray totoom, a singa samay impanalom nen saman ed saray sondalo na Madian.

Jeremias 30:8

Say Katawan a Makapanyarin-amin kuanto: “No nasabi tan ya agew, poteren koy pakon walad tenger da tan ekalen koy akagolunggolung ed sikara. Ag la rad satan aripenen na saray taga arum a bansa.

Ezekiel 30:18

Nakobutan na bilonget so Tafnes no ekalan koy pakayari so Egipto tan panganggaen koy biskeg ya ikikinon na saray totoo to. Nakobutan na lorem so Egipto, tan nadakep ya amin iray totoo ed saray siudad to.

Levitico 7:35

Sikato yay parti na bagat a popoolan so niiter ed kinen Aaron tan saray anak ton lalaki nen nikonsagra ran papari na Katawan.

Lucas 4:18

“Walad siak so Ispiritu na Katawan, ta pinili to ak a mampulong na Maung a Balita ed saray mairap-bilay. Imbaki to ak a mangibalitad saray apriso a nabolus la ra, tan saray bulag a makanengneng la ra. Imbaki to ak met a mangibalitad saray napapairap a nainawaan la ra,

Juan 1:41

Arumog ton tampol si agi ton Simon, tan kuanto, “Arumog miy Misias!” (“Cristo” so kabaliksan to ya.)

Saray Gawgawa 4:27

Ta nankasakey ed sayan siudad si Herodes, si Poncio Pilato, saray Hintil, tan saray amin a totood Israel a milaban ed masanton Aripen mon si Jesus, say pinilim a Cristo.

1 Juan 2:20

Balet amin yo amta yoy katwaan, ta niiter lay Ispiritu Santo ed sikayo.

1 Juan 2:27

Balet nipaakar ed sikayo, inter nen Cristo so Ispiritu tod sikayo. Dapot mansiansiay Ispiritu tod sikayo, ag yo nakaukolay siopaman a mangibangat ed sikayo. Say Ispiritu to so mangibangat ed sikayo na amin a bengatla, tan say katwaan so ibangat tod sikayo, aliwan say tila. Onur yo sirin so bangat na Ispiritu tan mansiansia kayod Cristo.