Isaias 10:26 - Maung A Balita Biblia

²⁶ Siak, say Katawan a Makapanyarin-amin leweten ko ra a singa samay impanlewet kod saray totood Madian diad Baton Oreb. Dusaen koy Asiria a singa impanusak ed Egipto.

Maung a Balita Biblia

²⁶ Siak, say Katawan a Makapanyarin-amin leweten ko ra a singa samay impanlewet kod saray totood Madian diad Baton Oreb. Dusaen koy Asiria a singa impanusak ed Egipto.

Isaias 10:26 Iomraidhean Croise

2 Saray Arari 19:35

Diad saman a labi linmad kampo na saray taga Asiria so sakey ya anghil na Katawan tan pinatey toy sanlasus, walomplo tan liman libon sondalo. Diad palbangon ed ontombuk ya agew kibalatar irad man ya inaatey!

Saray Salmo 35:23

Liing ka pa, O Katawan, ta iyagel mo ak; bangun ka pa, Dios ko, ta italindeg moy katonungan ko.

Saray Salmo 83:11

Gawam pad saray pangulo ra so ginawam ed kindi Oreb, tan Zeeb; talom ya amin iray manoley da a singa impanalom ed kindi Zeba tan Zalmuna,

Exodo 14:16

Iyatagey moy baston mo tan itorom ed dayat. Nabelsay so danum, et saray Israelita makapanakar irad amagan dalin diad ibaliw da.

Isaias 10:24

Say Katawan a Dios a Makapanyarin-amin kuantod saray totoo to a manaayam ed Sion, “Ag kayo natatakot ed saray taga Asiria, anggaman a papairapen da kayo a singa impamairap na saray Egipsio.

Isaias 11:16

Walay nagawan maawang a dalan a manlapud Asiria, a dalanen na saray totood Israel a nipaliis ed patey diman, a singa inkiwalay dalan a dinalan na saray lalaki ra nen tinaynan day Egipto.

Isaias 30:30

Iparengel na Katawan ed balang sakey so mapagalang a bosis to tan ipalikna tod sikaray biskeg na pasnuk to. Wala ed satan so manliub ya apoy, ompelag iray makapal a lorem, oran a kristal, tan mapalalon nepnep.

Isaias 30:31

Nataktakot iray taga Asiria no narengel day bosis na Katawan tan nalikna ray biskeg na pananusa to.

Isaias 30:32

Legan a say Katawan et kakabilen to ya andi-tonda iray taga Asiria, andi-tonda met so panogtog na saray totoo na saray tambol tan saray arpa. Say dilin Katawan so onlaban ed saray taga Asiria.

Isaias 9:3

Initdan mo ray baleg a gayaga, Katawan; impagmaliw mo ran maliket. Magayaga ra lapud saray ginagawam; singa saray totoon maliket no manaani ra, odino singa ra saray manaapag na asamsam dan kayamanan.

Isaias 9:4

Maliket ira lapud pinoter moy pakon sasakbaten da tan say bastun a mamepekpek na saray takeb da. Tinalom so bansa ya amairap ed saray totoom, a singa samay impanalom nen saman ed saray sondalo na Madian.

Puyan 11:18

Akapasnuk iray Hintil, ta sinmabi lay panaon na pasnuk mo, say panintinsiam ed saray inaatey, say pangiter moy tumang ed saray propitan managlingkur mo, saray totoom, tan saray totoon walay panangigalang ed sika, atagey man o abebad kipapasen. Sikato ya met so panaon a paneral mod saray mandederal ed dalin!”

Puyan 19:15

Pinmaway so sakey a matdem ya ispada ed sangi to; sayan ispada so panalo tod saray bansa. Oleyan to ra yan bansa diad panamegley na balatyang a bastun, tan manlapud panagpespesay ubas, paagosen toy alak na baleg a pasnuk na Dios a Makapanyarin-amin.

Saray Huis 7:25

Adakep da so duaran panguloy sondalo na Madianita di Oreb tan Zeeb; pinatey day Oreb ed kawalaay Baton-dampay na Oreb, tan si Zeeb diad panagpespesay alak a tatawagey Zeeb. Intuloy dan inosilan iray Madianita, insan da inawit iray olo di Oreb tan Zeeb ed kinen Gedeon a walad sayan bekta ed bokig na Jordan.