Isaias 10:22 - Maung A Balita Biblia

²² Anggaman a natan et singa karakel na buer ed dayat so karakel na totood Israel, dagdaiset ed sikara so ompawil. Akaparaan lay kaderal na saray totood Israel, tan nagawa ya onung ed katonungan.

Maung a Balita Biblia

²² Anggaman a natan et singa karakel na buer ed dayat so karakel na totood Israel, dagdaiset ed sikara so ompawil. Akaparaan lay kaderal na saray totood Israel, tan nagawa ya onung ed katonungan.

Isaias 10:22 Iomraidhean Croise

Genesis 18:25

Andi-duaruwan ag mo pipatey iray matonung ed saray maoges. Ag nayarin balut a gawaen moy ontan. Ta no gawaen mo, napidusa ray matonung ed saray maoges. Ag nayarin balut! Ag ta matonung so huis na intiron mundo?”

1 Saray Arari 4:20

Singa la karakel na buer ed gilig na dayat so karakel na saray totood Juda tan Israel. Daakan so kakanen tan iinomen da; maliket so panagbilay da.

2 Saray Arari 19:31

Wala ray mansiansian mabilay a totood Jerusalem tan diad Palandey na Sion, ta ginetma la na Dios a gawaen to yan andi-saew.

Isaias 37:31

Saray mansiansian mabilay a taga Juda onaligwas iran singa saray tanaman a manlamut na aralem, insan ira mambunga.

Isaias 46:3

“Dengel kayod siak, sikayon kabyangan na boleg nen Jacob, amin yon atilak a totook. Inasikaso ta kayo nanlapu lad inkianak yo.

Isaias 48:19

Singa la komun karakel na buer so karakel na saray kabyangay boleg yo, tan andi-duaruwa komun ya ag ko ran balut impapatey.”

Isaias 59:20

Say Katawan kuantod saray totoo to, “Onla ak ed Jerusalem a mangyagel tan mangilaban ed amin yon angibeneg ed saray kasalanan yo.

Isaias 6:11

Tinepet ko, “Katawan, anggad kapigan ya onyay nagawa?” Inmebat so Katawan, “Anggad aderal-deral tan anggapo la ray totoon manayam ed siudad—anggad anggapo la ray manayam ed saray abung—anggad say dalin et andi-kakanaan lan ataynan.

Isaias 6:13

Anggaman a natilak ed dalin so kakaplod saray totoo, naderal met iray natilak; singa ra sengeg na kiew a robli a binatang.” (Say sengeg iyaaliling toy balon gapowan na saray totoo na Dios.)

Isaias 60:22

Anggan say sankamelagan tan sankamugmoan a pamilyam Magmaliw a singa matalonggaring a bansa. No onsabiy niganan panaon, Masiglat ko yan sumpalen. Siak so Katawan!”

Isaias 65:8

Say Katawan kuanto, “Anggapoy too a deralen to ray maung a bungay ubas; ingen gawaen to ra ya alak. Ag ko met deralen ya amin iray totook—ilaban ko ray manlilingkur ed siak.

Isaias 8:8

Delapen day intiron Juda, onaralem ya anggad takeb tan tabunan day amin a bengatla.” Say Dios walad sikatayo! Say akabuskag iran payak to iyaagel day dalin tayo.

Jeremias 3:14

“Pawil kayo, aliwan matoor a totoo; kayaryan ta kayo. Mangala ak na sakey ed sikayo ed balang baley tan duara ed balang boleg, tan papawilen ta kayo ed Palandey na Sion.

Jeremias 44:28

Balet wala rad sikayoy pigaran makapaliis ed patey tan taynan day Egipto ya ompawil ed Juda. Diad satan saray akapaliis ed patey et naamtaan da no siopay akansalita so tinmua, siak o sikara.

Daniel 9:27

Pitoy taon a saman a manoley et nawalaan na malet a sipanan ed amayamay a totoo, tan kalabas na kapalduad sayan panaon, patondaen toy pangisaklang na saray bagat. Nipasen ed sankatageyan a parti na Timplo so Makapataktakot a Managderal tan mansiansiad man ya anggad onsabi so inggetar na Dios a pangangga na samay angipasen diman.”

Oseas 1:10

Magmaliw a singa karakel na buer ed dayat iray totood Israel; ag ira nabilang odino nasukat. Natan say Dios kuantod sikara, “Aliwa kayon totook,” balet onsabiy agew ya ibaga tod sikara, “Sikayo ray anak na mabilay a Dios!”

Saray Gawgawa 17:31

Ta wala lay inggana ton agew a panintinsia tod sankamundoan. Matonung so panintinsia to, diad panamegley na sakey a toon pinili to. Pinaneknekan to yad amin a katoowan nen pinaoli tod bilay yan too.”

Saray Taga Roma 2:5

Balet lapud benger ka tan anawet so pusom, pabebelaten moy dusan niiter ed sika no Agew ya ompatnag lay sanuk na Dios tan say maptek a panagsintinsia to.

Puyan 20:8

Ompaway a mamalikdo ed saray bansa ed intiron mundo, a salanti say Gog tan say Magog. Tiponen nen Satanas iray mibakal. Say kinarakel da singa say kinarakel na buer ed gilig na dayat.