Isaias 10:12 - Maung A Balita Biblia

¹² Balet say Katawan kuanto, “Kayari na gagawaen kod Palandey na Sion tan diad Jerusalem, dusaen koy impirador na Asiria lapud panagpaatagey tan panagtangsit to.”

Maung a Balita Biblia

¹² Balet say Katawan kuanto, Kayari na gagawaen kod Palandey na Sion tan diad Jerusalem, dusaen koy impirador na Asiria lapud panagpaatagey tan panagtangsit to.

Isaias 10:12 Iomraidhean Croise

2 Saray Arari 19:31

Wala ray mansiansian mabilay a totood Jerusalem tan diad Palandey na Sion, ta ginetma la na Dios a gawaen to yan andi-saew.

Saray Salmo 18:27

Iyaagel mo ray totoon mauyamo, balet papaabebaen mo ray mapaatagey.

Saray Salmo 21:10

Say ari pateyen to ray anak da; anggapoy nakeraan a mabilay ed saray kabyangay boleg da.

Saray Salmo 76:10

Say pasnuk na totoo mansusumpal lamlamang ed lalon pangidayew dad sika; saray ag inatey ed bakal, ituloy dan silibraan iray pistam.

Saray Salmo 76:5

Naandian na asamsam iray masebeg a sondalo ra; tan natan nanaogip la ra na ogip na patey; anggapoy anggan sakey ed sikara so akapangikanay armas to.

Probirbio 21:4

Say panagpaatagey tan say ag pangitaltalek so manooley ed saray totoon maoges; saya et kasalanan.

Probirbio 30:13

Wala ray totoon ipapasen day sikaran dili a maumaung—on, abaloan dan ontan lay kamaung da!

Isaias 2:11

Onsabiy agew a mansamput so panagpaatagey na too tan naderal so panagpasirayew na amin a katoowan. Insan say Katawan labat so nitanduro ed satan.

Isaias 2:12

Diad satan met ya agew say Katawan a Makapanyarin-amin et ipelag tod kababaingan ya amin iray totoon makapanyari, mapaatagey tan mapasirayew.

Isaias 24:21

Onsabiy panaon a say Katawan et dusaen to ray pakayari ed tagey tan saray manoley ed tapew na dalin.

Isaias 27:7

Say impanusa na Katawan ed Israel et aliwan mapalalon singa say impanusa tod saray kalaban to. Daiset iray apatey a totoo to nen saray apatey a kalaban to.

Isaias 27:9

Balet napirdona labat iray kasalanan na Israel, no natemek a singa katemek na tisa iray baton altar a panangigalangan na saray pagano, tan no anggapoy natilak a tanda na diosan Asera odino altar a panagpoolay insinso.

Isaias 29:14

Kanyan pakelawen ko ra yan totoo diad panggawak ed sikara na mantotombukan a pakelaw. Saray makabat magmaliw iran makulang-kulang, tan say inkasilib da magmaliw ya andi-kana.”

Isaias 33:1

Pangaskasiyan iray kalaban mi! Nantakew tan nanlipot ira, anta anggapoy nantakew odino nanlipot ed sikara. Balet mangangga so panaon na pantakew tan say panlipot da, ta natakewan tan nalipotan ira.

Isaias 37:23

Siopay abaloan mon papabaingan tan luludlureyen mo? Ag mo ak papagalangan, say masanton Dios na Israel.

Isaias 37:29

Naawat koy pakabat nipaakar ed satan a pamapasnuk mon maung tan satan a panagpaatagey mo, kanyan natan inan koy patili so eleng mo tan pakalat so sangim tan ipawil ta kad dalan a nanlapwan mo.”

Isaias 5:15

Napelag ed kababaingan so balang sakey, tan napaabeba ya amin iray mapaatagey.

Isaias 50:11

Sikayon mankokomplut a maneral ed saray arum et naderal kayo ed saray dilin komplut yo. Say dilin Katawan so mangyabuloy ya onyay nagawa; makapasinagem so pansumpalan yon kairapan.

Isaias 65:7

ed saray kasalanan da tan saray kasalanan na lalaki ra. Nampopool ira na insinso ed saray altar a panangigalangan na saray pagano pokdul tan nansasalita ray maoges sumpad siak. Kanyan dusaen ko ra onung na kanepegan na saray imbeneg a ginagawa ra.”

Isaias 9:9

Amin da ray totood Israel, balang sakey a manaayam ed siudad na Samaria, naamtaan da a ginawa ya na Katawan. Matangsit tan mapaatagey ira natan. Kuanda,

Jeremias 25:29

Igapok ed dilin siudad ko so panderal. Abaloan da amon ag ira nadusa? Nadusa ra, ta ipadalan koy bakal ed amin a katoowan diad tapew na dalin. Siak, say Katawan, so nansalita.

Jeremias 50:18

Lapud saya, siak, say Katawan a Makapanyarin-amin a Dios na Israel, dusaen koy Ari Nabucodonosor tan say bansa to, a singa impanusak ed ari na Asiria.

Jeremias 50:32

Sikan mapaatagey a bansa, natumba tan napelag ka, et anggapoy ontulong ed sika. Poolan ko ray siudad mo, tan naderal ya amin iray walad kaliber-liber.”

Ezekiel 31:10

“Natan sirin, siak a Katawan a Dios, ibagak ed sika no antoy nagawa ed sayan kiew a binmaleg ya anggad atokdul toy kaloreman. Diad imbaleg to pinmalalo met so panagpaatagey to;

Ezekiel 31:14

Kanyan manlapud natan, anggapo la so kiew, anggaman anto lay pakasalog ed sikato, ya ombaleg a singa saman odino makasabid kaloreman so toktok to tan naparaan to man a kabaleg. Amin da asintinsiaan ya ompatey iran singa saray ompatey a totoo, asintinsiaan iran mikasakey ed saray oonla ed pasen a panaayaman da ray inaatey.”

Daniel 11:45

Ilira to ni ingen iray ankakabaleg a tulda ton ayamay ari diad nanleetan na dayat tan palandey a panalalageyan na Timplo. Balet ompatey so ari na Siria, ya anggapod man so siopaman ya ontulong ed sikato.”

Daniel 4:37

“Et natan, siak a Nabucodonosor idayew ko, igalang ko, tan itandurok so Ari na Tawen. Matonung tan maptek ya amin iray gagawaen to, tan nayarian ton iyabebad kipapasen iray mapaatagey.”

Saray Bilang 24:24

Saray ondogpan manakep et manlapud rad Chipre; Dakepen da so Asiria tan Eber, Balet naderal ira met lamlamang ya anggad angga.”

Mateo 12:33

Maung so bungay kiew no maung so sengeg to; makapoy so bungay kiew no makapoy so sengeg to. Diad bunga so pakabirbiran no maung o makapoy so sakey a kiew.

Mateo 15:19

Ta manlapud pusoy too iray maoges a kanunotan, panagpatey, pikakaloguran, pilalawanan, panagtakew, panagtila, tan panagpaoges ed kaparan too.

Deuteronomio 32:27

Balet ag ko nayarin iyabuloy a mampasirayew iray kalaban da diad pangibaga ran tinalo da ray totook, anta siak a dili so amatalod sikara.’

1 Pedro 4:17

Sinmabi lay oras na igapoy pananintinsia, tan onaan a nasintinsiaan iray totooy Dios. No onaan itayon nasintinsiaan, anto siriy pansumpalan da ray ag ontotombuk ed Maung a Balita na Dios?