Isaias 1:9 - Maung A Balita Biblia

⁹ No ag labat inyabuloy na Katawan a Makapanyarin-amin a niagel iray pigaran totoo to, sigput komun ya aderal so Jerusalem, a singa inkaderal na Sodoma tan Gomorra.

Maung a Balita Biblia

⁹ No ag labat inyabuloy na Katawan a Makapanyarin-amin a niagel iray pigaran totoo to, sigput kamun ya aderal so Jerusalem, a singa inkaderal na Sodoma tan Gomorra.

Isaias 1:9 Iomraidhean Croise

Genesis 18:26

Inmebat so Katawan, “No walay narumog kon limamplon matonung a totoo ed Sodoma, ag ko la deralen so intiron siudad lapud sikara.”

Genesis 18:32

Inkuanen Abraham, “Ag ka komun mamapasnuk, Katawan, ta mikasi ak nin maminsan. No bilang ta samsamploray narumog diman a matonung?” Inmebat, “No walay samplora, ag ko deralen lapud sikara.”

Genesis 19:24

Kabebekta say Katawan pinaoran toy manliub ya asupri ed saray siudad na Sodoma tan Gomorra,

1 Saray Arari 19:18

Balet mangikera ak ed Israel na piton libon mabilay a totoo—amin da ray matoor ed siak tan ag ira dinmakmomod kinen Baal odino inmangub ed talintao to.”

2 Saray Arari 19:4

Imbaki na impirador na Asiria so manonan opisyal to ya amabaing ed mabilay a Dios. Nadngel komun na Katawan a Dios mo ira man a panamabaing tan dusaen to may nansalita. Kanyan ipikasim pad Dios iray nakdaan a totoo tayo.”

Isaias 1:8

Jerusalem labat so nakdaan ya aliktub a siudad—singa la ag makapangyagel a bantayan ya abung ed kaubasan odino alolung ed alog na kamilonan.

Isaias 11:11

No onsabiy tan ya agew, ipakana lamet na Katawan so pakayari to, ta pasempeten to la ray totoo to ya atilak ed Asiria, Egipto, diad dalin na Patros, Sudan, Elam, Babilonia, tan Hamat, tan diad saray gilig na dayat tan diad saray isla.

Isaias 11:16

Walay nagawan maawang a dalan a manlapud Asiria, a dalanen na saray totood Israel a nipaliis ed patey diman, a singa inkiwalay dalan a dinalan na saray lalaki ra nen tinaynan day Egipto.

Isaias 17:6

Pigpigaray makapaliis ed patey; say Israel magmaliw a singa sakey a kiew na oliba ya aborbor la ray bunga to likud ed duara o taloran atilak ed toktok, odino apatira o limaran atilak ed saray sanga to. Siak, say Katawan a Dios na Israel, so nansalita.”

Isaias 24:13

Onyay nagawad balang bansa ed intiron mundo. Say nagawa et singa pansamput na borbor na bunga, no apaspas la ray bunga ed amin a kiew na oliba tan aborbor lan amiy bunga na sengeg na ubas.

Isaias 24:6

Lapud saya, insamba na Dios so dalin. Babayaran na saray totoo so ginagawa ra. Mandaiset lan mandaiset so nakekeraan a mabilay.

Isaias 37:4

Imbaki na impirador na Asiria so manonan opisyal to ya amabaing ed mabilay a Dios. Nadngel komun na Katawan a Dios mo ira man a panamabaing tan dusaen to ra may nansalita. Kanyan ipikasim pad Dios iray nakdaan a totoo tayo.”

Isaias 46:3

“Dengel kayod siak, sikayon kabyangan na boleg nen Jacob, amin yon atilak a totook. Inasikaso ta kayo nanlapu lad inkianak yo.

Isaias 6:13

Anggaman a natilak ed dalin so kakaplod saray totoo, naderal met iray natilak; singa ra sengeg na kiew a robli a binatang.” (Say sengeg iyaaliling toy balon gapowan na saray totoo na Dios.)

Isaias 65:8

Say Katawan kuanto, “Anggapoy too a deralen to ray maung a bungay ubas; ingen gawaen to ra ya alak. Ag ko met deralen ya amin iray totook—ilaban ko ray manlilingkur ed siak.

Jeremias 23:14

Balet lalon maoges so anengneng kon gagawaen na saray propitad Jerusalem: mikakaloguran ira tan mantitila ra; tutulongan dan manggawa na makapoy iray totoo, kanyan anggapoy ontondan manggaway kaogsan. Para say siak, singa ra Sodoma; say kaogsan da singa kaogsan na saray totood Gomorra.

Jeremias 42:2

tan kuanda, “Gawam pay kerewen mid sika! Ipikasi mo kami pa ed Katawan a Dios tayo. Ipikasi mo kami pa ran atilak dian mabilay. Amayamay kami ni nen saman balet dagdaiset kami la natan, a singa nanenengneng mo.

Jeremias 50:20

No onsabi yan panaon, anggapoy narumog a kasalanan ed Israel tan diad Juda, lapud pirdonaen ko ray totoon intilak kon mambilay. Siak, say Katawan, so nansalita.”

Saray Tagleey 3:22

Ag mangangga so ag mangoman a panangaro tan panangasi na Katawan.

Saray Tagleey 4:6

Ambelat niy impakadusa na saray totook nen say impakadusa na saray totood Sodoma, a biglay inkaplag da ed limay Dios.

Ezekiel 14:22

No walay akapaliis ed patey tan nilaban to ray anak to, imanom ira no onla rad sika. Nengneng mo so ontan lan kaogsan da, pian ag ira manduaruwa a manepenepeg so pangiiter koy dusa ed Jerusalem;

Ezekiel 6:8

“Abuloyan kon ag napatey iray arum a totoo tan nataytayak irad saray bansa,

Joel 2:32

Balet nilaban ya amin iray onkerew na tulong ed Katawan. Onung na inkuay Katawan, ‘Saray pigaran totood Jerusalem et makabatik ira; makapaliis ed patey iray pilien ko.’”

Amos 4:11

“Dineral ta kayo a singa impaneral kod saray baley na Sodoma tan Gomorra. Sikayo ran akapaliis ed patey et aliling yoy mandarlang a bislak a nipaliis ed pool. Balet siansian ag kayo pinmawil ed siak,” kuay Katawan.

Habacuc 3:2

O Katawan, nadngelan ko so ginagawam, et mapalaloy pankelaw ko. Diad sayan panaon mi gawam pa natan ira may makapakelaw a ginagawam nen saman. Mangasi ka pa, anggan mamapasnuk ka.

Sofonias 2:9

Legan a siak so mabilay a Katawan a Dios na Israel, sambaan ko a say Moab tan say Ammon et naderal iran singa say Sodoma tan say Gomorra. Magmaliw iran sakey a pasen ya abut na asin tan andi-anggaan a deral-deral tan atubo-tubuan na saray dika. Saray totook ya akapaliis ed patey et alaen day antokaman a kayamanan da tan kayaryanen day dalin da.”

Mateo 7:14

Balet mainget so puirta tan mairap so dalan a mamaarap ed bilay, tan dagdaiset iray makakalmod sayan dalan.”

Saray Taga Roma 9:27

Onya met so imbawag nen Isaias nipaakar ed Israel: “Anggan magmaliw a singa karakel na buer ed dayat so bilang da ray totood Israel, daiset ed sikara so nilaban.

Saray Taga Roma 9:29

Si Isaias met so angikuan, “No say Makapanyarin-amin a Katawan et ag labat angitilak na saray anak, nagmaliw ti la komun a singa baley na Sodoma, tan aparaan tayo lay baley na Gomorra.”

Deuteronomio 29:23

Saray kaalogan et magmaliw iran andi-kakanaan, atabunan na asumpri tan asin; ag nataneman na anggan dinan a tanaman, tan anggapoy anggan dika ya ontobo. Say dalin yo et magmaliw a singa saray siudad na Sodoma tan Gomorra, singa Adma tan Zeboiim a dinederal ira na Katawan nen mapalaloy pasnuk to.

2 Pedro 2:6

Dinusa na Dios iray siudad na Sodoma tan Gomorra. Tinemek to ra diad panamegley na apoy, pian nipanengneng toy pansumpalay totoon anggapoy Dios.

Puyan 11:8

tan naonat-onat iray bangkay da ed dalan na baleg a siudad, a dia nipasak ed krus so Katawan da. Sodoma o Egipto so maispiritun ngaran to yan siudad.