Isaias 1:4 - Maung A Balita Biblia

⁴ Nadudusa ka, sika a makasalanan a bansa, sikayon marotak tan maoges a totook! Ikokotep ka na saray kasalanan mo! Impolisay moy Katawan a masanton Dios na Israel tan imbeneg mo.

Maung a Balita Biblia

⁴ Nadudusa ka, sika a makasalanan a bansa, sikayon marotak tan maoges a totook! Ikokotep ka na saray kasalanan mo! Impolisay moy Katawan a masanton Dios na Israel tan imbeneg mo.

Isaias 1:4 Iomraidhean Croise

Genesis 13:13

Maoges iray totood man; mapalaloy kasalanan dad Katawan.

2 Saray Arari 21:22

Impolisay toy Katawan, say Dios na saray lalaki to, tan ag to inonur iray ganggan na Katawan.

2 Saray Awaran 12:1

Nen mabiskeg lan niletneg nen Roboam so panooley to, inkaindan to tan amin da ray totoo to so Ganggan na Katawan.

2 Saray Awaran 27:2

Ginagawa to ray makapaliket ed Katawan, a singa ginagawa nen ama to; balet ag to inalig si ama to, ta ag nankasalanan diad panamegley na panagpool na insinso ed Timplo. Balet siansia so pankakasalanan da ray totoo.

Nehemias 1:7

Maoges iray ginagawa mi sumpad sika tan ag mi inoonur iray ingganggan mo. Ag mi inoonur iray bilin tan totontonen ya inter mod sikami diad panamegley nen Moises ya aripen mo.

Saray Salmo 58:3

Saray totoon maoges et maoges irad intiron bilay da; manlapud inkianak da, mantitila la ra.

Saray Salmo 71:22

Idayew ta ka diad panogtog koy arpa; idayew koy inkatoor mo, O Dios ko. Togtogan ta kad arpak na saray imno, sikan Masanto na Israel.

Saray Salmo 78:40

Naynay iran sinmumpad sikato diad kalawakan; amimpiga-pigan pinaermen da.

Saray Salmo 78:41

Inolit-olit dan sinubok so Dios, tan impanpapasnuk da so Masanton Dios na Israel.

Saray Salmo 78:57

balet mananumpa ra tan aliwa ran matoor a singa saray lalaki ra, tan ag ira napampiaan a singa panan pikewet.

Saray Salmo 78:8

Ag ira magmaliw a singa saray lalaki ra a matonganga tan bangar iran totoo; aliwan malet so panagmatalek dad Dios, tan ag ira nansiansian matoor ed sikato.

Saray Salmo 89:18

Pinilim so manangyagel mi, O Katawan; sika a Masanton Dios na Israel initdan mo kamiy ari.

Exodo 32:7

Say Katawan kuantod kinen Moises, “Ganatan moy onakseb, ta saray totoom ya impaway mod Egipto et nankasalanan ira tan impolisay da ak.

Isaias 1:23

Mananumpa iray pangulom tan kakaiba ra na saray matakew; labalabay day mangawat lan mangawat na rigalo tan saray pasoksok. Balet ag da iyaalagey ed korti iray olila, odino onderengel ed pankatonungan na saray balo.

Isaias 1:28

Balet deralen toy balang sakey a mankakasalanan tan onlalaban ed sikato; pateyen toy siopaman a mangikaindan ed sikato.

Isaias 10:6

Imbakik so Asiria ya ondogpa ed sakey a bansan anggapoy Dios to, diad saray totoon amapetang na olok. Imbakik iray taga Asiria a mansamsam, mantakew, tan mangigatin-gatin ed saray totoo a singa ra dotak ed saray dalan.”

Isaias 12:6

Maneyag tan mankanta kayod liket, sikayon manaayam ed Sion! Matalonggaring so masanton Dios na Israel, tan manaayam ed kawalaan da ray totoo to.”

Isaias 14:20

Nipompon ka ya aliwan singa saray arum ya arari, lapud dineral moy bansam tan pinapatey mo ray dilin totoom. Napatey ya amin iray maoges a kabyangay pamilyam.

Isaias 29:19

Saray duruka tan mapaabeban totoo et narumog da lamet so liket ya iiter na Katawan a masanton Dios na Israel.

Isaias 3:8

On, aderal la so Jerusalem! Abagbag lay Juda! Sumpad Katawan iray amin a sasalitaen tan gagawaen na saray totoo ra; maparontal dan papabaingan so Dios.

Isaias 30:1

Say Katawan nansalita: “Pangaskasiyan iray manooley ed Juda lapud linmaban irad siak. Totombuken da ray ag ko implano, tan akipakna ra sumpad linawak; pantatabunan day kasalanan a gagawaen da.

Isaias 30:15

Say Katawan a Dios a Masanto na Israel kuanto ed saray totoo, “Pawil kayo tan mandeen kayon manmatalek ed siak. Diad ontan ombiskeg kayo tan niarawi kayod kaatapan.” Balet ag yo labay a gawaen.

Isaias 30:9

Sikaray totoon onsusumlang lawas ed Dios, matila ra lawas, tan ag da labay lawas so ondengel ed saray bangat na Katawan.

Isaias 31:2

Amta na Katawan so gagawaen to! Mangyaakar na deral. Susumpalen to so sinalita to a dusaen iray maoges a totoo tan saray mangyaagel ed sikara.

Isaias 37:23

Siopay abaloan mon papabaingan tan luludlureyen mo? Ag mo ak papagalangan, say masanton Dios na Israel.

Isaias 41:14

Say Katawan kuanto, “Daiset may makapoy kayon Israelita, ag kayo natatakot, tulongan ta kayo. Siak, say masanton Dios na Israel, so mangyaagel ed sikayo.

Isaias 41:16

Ibontuk yo ra ed tagey; ibatik ira na dagem, tan itaytayak ira na bagyo. Diad satan manliket kayo ta siak so Dios yo; idayew yo ak, say masanton Dios na Israel.

Isaias 41:20

Nanengneng ya na saray totoo tan naamtaan da a siak, say Katawan so nanggawad saya. Natalusan dad satan a say masanton Dios na Israel so angyabuloy a nagawa ra ya.”

Isaias 5:19

Kuanyo, “Mangganat la komun so Katawan a manggawa ed imbaga ton gawaen, pian nanengneng mi. Sumpalen la komun na masanton Dios na Israel iray plano to; naamtaan mi la komun so walad kanunotan to.”

Isaias 5:24

Kanyan natan, no panon a napoolan so dayami tan amagan dika, ontan met a naboluk iray lamut yo tan namagaan iray rosas yo, insan ira itikyab na dagem, lapud impolisay yoy imbangat ed sikatayo na Katawan a Makapanyarin-amin a masanton Dios na Israel.

Isaias 57:17

Akapasnuk ak ed sikara lapud kasalanan da tan say inkaagom da, kanyan dinusak ira tan inkaindan ko ra. Balet anawet so olo ra tan intuloy dan inonur so labay da.

Isaias 58:2

Inagew-agew da ak ya igagalang, tan ibabaga ra a maseet iran mangaamta na linawak tan mangoonur na saray ganggan ko. Kekerewen dad siak ya itdan ko ray matonung iran ganggan tan maliket ira konon mangigagalang ed siak.”

Isaias 65:11

“Balet nidomay kasumpalan yo, sikayon mangikakaindan ed siak, mangililingwan ed Sion a masanton palandey ko, tan mangigagalang ed Gad tan Meni a diriyos na kapalaran tan pansumpalan.

Isaias 65:3

Anggapoy baing dan mamapapetang na olok. Mangisasaklang iray bagat ed saray masanton tanamanan tan mampopool iray insinso ed tapew na saray altar a panangigalangan na saray pagano.

Isaias 9:17

Ag yabuloy sirin na Katawan a makabatik so siopaman ed saray tobun-balo, tan ag to kasian so siopaman ed saray balo tan saray olila, lapud anggapoy Dios da ray amin a totoo tan maoges ira tan kaogsan ya amin so sasalitaen da. Anggaman ontan ag ni ontonda so pasnuk na Katawan, no ag ingen siansia nin akaonat so lima ton manusa.

Jeremias 15:6

Impolisay yo ak, sikayon totoo; imbeneg yo ak. Kanyan inyonat ko ray limak, tan kinabil ta kayo, lapud naoputan ak lay anos ed sikayo.

Jeremias 2:13

ta duaray nankasalanan na saray totook: inkaindan da ak, siak a sobul na mabilay a danum; nankokotkot ira na saray bobun, saray bobun a nanletak kanyan ag makakargay danum.

Jeremias 2:17

Israel, sika so nansengegan ed saya! Inkaindan mo ak a Katawan a Dios mo, legan ya iwawanwan ta kad dalan.

Jeremias 2:19

Dusaen ka na dilin kaogsan mo; deralen ka na impangikaindan mod siak. Naamtaan mo no panoy kapaitan tan kaogsan na pangikaindan ed siak a Katawan a Dios mo, tan say ag mo pansiansian matoor ed siak. Siak, say Katawan a Dios a Makapanyarin-amin, so nansalita.”

Jeremias 2:31

Dengel kayod ibagak, amin yon totood Israel. Nagmaliw ak ta a singa kalawakan ed sikayo odino singa dalin ya ambilonget tan walay kaatapan? Akin sirin, totook, et ibabaga yon gawaen yoy labay yo, tan ag kayo la ompawil ed siak?

Jeremias 2:33

Andi-duaruwan amta yoy ontombuk ed manangaro. Makaaral ed sikayo so anggan say sankaogsan a bii.

Jeremias 2:5

Say Katawan kuanto: “Antoy dalem na saray lalaki yo sumpad siak? Antoy makasengeg na impangikaindan dad siak? Inggagalang da ray andi-kakanaan a talintaoy diriyos, kanyan nagmaliw iran andi-kakanaan.

Jeremias 32:32

lapud amin a kaogsan a ginagawa da ray totood Juda tan Jerusalem, pati saray arari tan saray pangulo ra, saray papari ra tan saray propita ra.

Jeremias 50:29

“Ibaga yod saray sondalon pumapana a dogpaan day Babilonia. Ibaki yoy balang sondalon marunong a mamana. Lakob yoy siudad tan ag kayon balut mamapabatik na anggan siopa. Bawi kayod sikato onung na ginawa to, tan gawa yod sikatoy singa ginagawa tod arum, lapud nampaatagey sumpad siak, say Masanto na Israel.

Jeremias 51:5

Siak, say Katawan a Dios a Makapanyarin-amin, ag ko inkaindan so Israel tan Juda, anggaman a nankasalanan irad siak a Masanto na bansan Israel.

Jeremias 7:19

Balet siak kasiy napapasakitan da? Andi, say sikaran dili so papasakitan da, tan ipepelag day sikaran dili ed kababaingan.

Jeremias 7:26

Balet ag kayo dinmengel odino angimano. Ingen, nagmaliw kayon lalon anawet so puso tan lalon mananumpa nen saray lalaki yo.

Ezekiel 14:5

Lapud saratan a talintao imbeneg ak na saray Israelita, balet ompawil komun so inkatoor dad siak diad panamegley na ebat ko.

Ezekiel 16:33

Say marotak a bii babayaran da, balet sika ririgaloan mo ray kainarowan mo tan papasoksokan mo ra, pian ondago ran manlapud anggan iner a pasen a miakdul ed sika.

Ezekiel 16:45

Atawir mon talagay inam. Kinabosul toy asawa to tan saray anak to. Sika tan saray agagim a siudad et walay Heteon ina yo tan Amorreo ya ama yo.

Daniel 9:11

Sinumlang na amin ya Israelita iray ganggan mo tan ag da nilabay a dengelen so imbagam. Nankasalanan kamid sika, kanyan impelag mod sikami iray samban nisulat ed Ganggan nen Moises ya aripen mo.

Sofonias 1:6

Pateyen ko ray angibeneg ed siak, tan ag da ak la totombuken, saray ag onsisingger ed siak odino papaiwanwan ed siak.”

Saray Bilang 32:14

Et natan sinalatan yo ray atateng yo, sakey a balon kailalakan na makasalanan a totoo a sipaparaan a mangipadapo lamet na mapalalon pasnuk na Katawan ed Israel.

Mateo 11:28

“Dago kayod siak, amin yon nakekesawan ed panaawit yoy ambelat, ta pampainawaen ta kayo.

Mateo 23:33

Ooleg tan anak na ooleg kayo! Panon yon naliktaray dusa ed impirno?

Mateo 3:7

Nen anengneng to ray amayamay a Pariseo tan Saduseo ya ondadagod sikaton mampabinyag, inkuantod sikara, “Sikayon apoliyay oleg! Siopay angibagad sikayon naliktaran yoy sanuk na Dios ya asingsingger lan onsabi?

Saray Taga Roma 8:7

Kanyan kalaban toy Dios so toon nanaoleyan so kanunotan to na inkanatural na too, ta ag to oonuren so ganggay Dios tan diad tuay tua, ag to nayarian ya onuren.

1 CORINTO 10:22

Labay tayo kasin pangimoney Katawan? Mabiskeg itayo ta nen say sikato?

Deuteronomio 29:25

Et say ebat saya, ‘Say makasengeg et lapud dineral na saray totoo so impisipanan ed sikara na Katawan, say Dios na saray lalaki ra, nen impaway to rad Egipto.

Deuteronomio 31:16

Say Katawan kuantod kinen Moises, “Magano lay ipatey mo, et kapatey mo magmaliw iran malamang ed siak iray totoo tan deralen day impisipanan kod sikara. Ikaindan da ak tan mangigalang irad saray paganon diriyos na dalin a ngalngali da lan looban.

Deuteronomio 32:19

“Nen anengneng na Katawan yan ginawa ra, akapasnuk tan impolisay to ray anak ton lalaki tan bibii.

Deuteronomio 32:5

Balet aliwan matoor kayod sikato, aliwa kayon manepeg a totoo to; makasalanan tan managpalikdo kayon bansa.

COLOSAS 1:24

Makaliliket ak natan ed paniirap ko para sikayo, tan nitutuloy koy kairapan a nepeg nin liknaen nen Cristo para laman to, salanti say iglisia.

Puyan 18:5

Ta saray kasalanan to totokdulen da lay tawen, tan ag nalingwanay Dios so kaogsan to.

Saray Huis 10:10

Insan tinmawag ed Katawan iray Israelita tan inkuanda, “Nankasalanan kamid sika, ta inkaindan mi ka, O Dios mi, insan kami angigagalang ed saray Baal.”